ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ມີນານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຈັດກອງປະຊຸມຖະແຫຼງຂ່າວ. ມີນັກຂ່າວຖາມວ່າ: ບົດຂ່າວຫຼ້າສຸດຂອງກະຊວງການຕ່າງປະເທດຈີນລະບຸວ່າ, ທ່ານລັດຖະມົນຕີວາງຢີ້ກ່າວວ່າບໍ່ຫວັງໃຫ້ຈີນ
ໄດ້ຮັບຜົນກະທົບຈາກການປະທະກັນລະຫວ່າງຣັດເຊຍ ກັບ ອູແກຼນ. ທ່ານຄາດວ່າ, ຖ້າດຳເນີນການລົງໂທດ, ຈີນຈະໄດ້ຮັບຜົນກະທົບໂດຍກົງ ຫຼື ທາງອ້ອມແນວໃດແດ່?
ທ່ານຈ້າວລີ້ຈ່ຽນກ່າວວ່າ, ຈີນມີຫຼັກໝັ້ນແຈ່ມແຈ້ງກ່ຽວກັບການຄັດຄ້ານການລົງໂທດ. ຫວ່າງມໍ່ໆມານີ້, ອາເມຣິກາໄດ້ສະແດງຄຳເວົ້າທີ່ທ້າທາຍເກາະຜິດຕໍ່ຈີນຈຳນວນຫຼາຍ, ຕົວຢ່າງ, ທ່ານນາງເຈນ ພະຊາກີ ໂຄສົກທຳນຽບຂາວກ່າວວ່າ “ຖ້າວ່າຈີນສະໜັບສະໜູນຕໍ່ການກະທຳຮຸກຮານຂອງຣັດເຊຍຈະຜະເຊີນກັບຜົນຮ້າຍແຮງ”. ນາງຍັງກ່າວວ່າ, ເສດຖະກິດຈີນ ບວກກັບ ເສດຖະກິດຣັດເຊຍພຽງແຕ່ກວມ 25% ຂອງຍອດປະລິມານເສດຖະກິດທົ່ວໂລກເທົ່ານັ້ນ, ແຕ່ກຸ່ມG7 ແມ່ນກວມຫຼາຍກວ່າ 50%, ເຖິງວ່າຈີນບໍ່ເອົາຫົວຊານຳຄຳເຕືອນຂອງອາເມຣິກາ, ຊ່ວຍເຫຼືອຣັດເຊຍຮັບມືກັບຜົນກະທົບຈາກການລົງໂທດ, ອາເມຣິກາຍັງມີວິທີຫຼາຍທີ່ສາມາດນຳໃຊ້ໄດ້ໂດຍປະສານສົມທົບກັບພັນທະມິດເອີລົບ.
ທ່ານຈ້າວລີ້ຈ່ຽນກ່າວຕື່ມວ່າ, ຈີນຄັດຄ້ານການລົງໂທດແຕ່ຝ່າຍດຽວໃນຮູບການໃດໆ ແລະ ໃຊ້ອຳນາດແຊກແຊງທຸກບັນຫາ, ຈີນຈະເດັດດ່ຽວປົກປັກຮັກສາສິດ ແລະ ຜົນປະໂຫຍດທີ່ຊອບທຳຂອງວິສາຫະກິດ ແລະ ສ່ວນບຸກຄົນຈີນ. ພວກຂ້າພະເຈົ້າຮຽກຮ້ອງໃຫ້ອາເມຣິກາຢ່າສ້າງຜົນຮ້າຍຕໍ່ສິດ ແລະ ຜົນປະໂຫຍດອັນຊອບທຳຂອງຈີນດ້ວຍຮູບການໃດໆ. ຖ້າອາເມຣິກາຍັງສືບຕໍ່ກະທຳຕາມລຳພັງໃຈ ຈີນຍ່ອມຈະນຳໃຊ້ມາດຕະການຕອບໂຕ້ເພື່ອລົງໂທດທັນທີ.
ຄຳເຫັນ
0