ກະຊວງປ້ອງກັນປະເທດຈີນເປີດເຜີຍໃຫ້ຮູ້ວ່າ: ໂດຍອີງຕາມແຜນການປະຈຳປີ ແລະ ຄວາມຮັບຮູ້ທີ່ເປັນເອກະພາບກັນຂອງຝ່າຍຕ່າງໆ, ກອງທັບເຮືອຂອງຈີນ, ອີຣານ ແລະ ຣັດເຊຍໄດ້ຈັດການຊ້ອມຮົບຮ່ວມພາຍໃຕ້ລະຫັດ “ສາຍຮັດຄວາມໝັ້ນຄົງ 2024” ລະຫວ່າງວັນທີ 11 ຫາ 15 ມີນານີ້. ການຊ້ອມຮົບດັ່ງກ່າວໄດ້ຈັດຂຶ້ນຢູ່ໃກ້ອ່າວໂອມານ, ຈີນໄດ້ສົ່ງກຳປັ່ນໂຈມຕີດ້ວຍລູກສອນໄຟນຳວິຖີອູລູມກີ, ກຳປັ່ນປ້ອງກັນດ້ວຍລູກສອນໄຟນຳວິຖີຫຼິນຢີ ແລະ ກຳປັ່ນລຳລຽງຕົ່ງຜິງຫູເຊິ່ງເປັນກຳປັ່ນຂອງກອງປ້ອງກັນການເດີນເຮືອງວດທີ 45 ເຂົ້າຮ່ວມ, ເພື່ອຮ່ວມກັນປົກປັກຮັກສາຄວາມໝັ້ນຄົງທາງທະເລຂອງພາກພື້ນ.