ທ່ານສີຈິ້ນຜິງສົນທະນາທາງໂທລະສັບກັບທ່ານວາລະດີເມຍ ປູຕິນ ເພື່ອຊົມເຊີຍທ່ານໄດ້ຮັບການເລືອກຕັ້ງເປັນປະທານາທິບໍດີຣັດເຊຍອີກສະໄໝໜຶ່ງ

2024-03-19 17:05:22 cri

ວັນທີ 18 ມີນານີ້, ທ່ານສີຈິ້ນຜິງ ປະທານປະເທດຈີນໄດ້ສົນທະນາທາງໂທລະສັບກັບທ່ານວາລະດີເມຍ ປູຕິນ ເພື່ອຊົມເຊີຍທ່ານໄດ້ຮັບເລືອກຕັ້ງເປັນປະທານາທິບໍດີຣັດເຊຍອີກສະໄໝໜຶ່ງ.


ທ່ານສີຈິ້ນຜິງຊີ້ອອກວ່າ, ໃນຊຸມປີມໍ່ໆມານີ້, ປະຊາຊົນຣັດເຊຍໄດ້ສາມັກຄີເປັນຈິດໜຶ່ງໃຈດຽວກັນ, ໄດ້ເອົາຊະນະສິ່ງທ້າທາຍແລະໄດ້ກ້າວໄປຂ້າງໜ້າຢ່າງໜັກແໜ້ນບົນເສັ້ນທາງພັດທະນາແລະຟື້ນຟູຄວາມຈະເລີນຮຸ່ງເຮືອງຂອງປະເທດຊາດ. ທ່ານໄດ້ຮັບການເລືອກຕັ້ງເປັນປະທານາທິບໍດີຣັດເຊຍອີກສະໄໝໜຶ່ງ, ໄດ້ສະແດງໃຫ້ເຫັນເຖິງການສະຫນັບສະຫນູນຂອງປະຊາຊົນຣັດເຊຍທີ່ມີຕໍ່ທ່ານຢ່າງເຕັມສ່ວນ. ຂ້າພະເຈົ້າເຊື່ອໝັ້ນວ່າ, ພາຍໃຕ້ການນຳພາຂອງທ່ານ, ຣັດເຊຍ ຈະໄດ້ຮັບຜົນສຳເລັດໃຫຍ່ຫຼວງກວ່າເກົ່າໃນການສ້າງສາແລະພັດທະນາປະເທດຊາດ. ຈີນໃຫ້ຄວາມສຳຄັນຕໍ່ການຂະຫຍາຍສາຍພົວພັນລະຫວ່າງຈີນ-ຣັດເຊຍໃນລະດັບສູງ ແລະຍິນດີຮັກສາການແລກປ່ຽນຢ່າງໃກ້ຊິດກັບຣັດເຊຍ ເພື່ອຊຸກຍູ້ໃຫ້ການພົວພັນຄູ່ຮ່ວມປະສານງານຍຸດທະສາດຮອບດ້ານຈີນ-ຣັດເຊຍໃນຍຸກໃໝ່ ຮັກສາການພັດທະນາຢ່າງປອດໄສ, ໝັ້ນທ່ຽງແລະລົງສູ່ລວງເລິກຢ່າງຕໍ່ເນື່ອງ. ເພື່ອສ້າງຄວາມຜາສຸກໃຫ້ແກ່ສອງປະເທດ ກໍຄືປະຊາຊົນສອງຊາດ.

ຄໍ​ລຳ
  • ​​ຮູບພາບ
  • ​ວີ​ດີ​ໂອ