ວັນທີ 21 ມີນານີ້, ທ່ານລີນຈ້ຽນ, ໂຄສົົກກະຊວງການຕ່າງປະເທດຈີນໄດ້ກ່າວໃນເວລາຕອບໂຕ້ຖ້ອຍຄຳຂອງໂຄສົກກະຊວງການຕ່າງປະເທດອາເມຣິກາກ່ຽວກັບບັນຫາຊາຍແດນລະຫວ່າງຈີນ-ອິນເດຍວ່າ: ບັນຫາຊາຍແດນລະຫວ່າງຈີນ-ອິນເດຍແມ່ນເລື່ອງຈີນແລະອິນເດຍສອງປະເທດ ບໍ່ກ່ຽວຂ້ອງກັບອາເມຣິກາ.

ທ່ານລີນຈ້ຽນກ່າວວ່າ: ຈີນສະແດງຄວາມບໍ່ພໍໃຈແລະເດັດດ່ຽວຄັດຄ້ານຢ່າງຮຸນແຮງກ່ຽວກັບເລື່ອງນີ້. ເສັ້ນຊາຍແດນລະຫວ່າງຈີນ-ອິນເດຍຍັງບໍ່ທັນກຳນົດເທື່ອ, ທິດໃຕ້ຂອງຕິເບດແມ່ນຜືນແຜ່ນດິນຂອງຈີນມາແຕ່ໃດໆ, ຄວາມຈິງພື້ນຖານນີີ້ແມ່ນບໍ່ສາມາດປະຕິເສດໄດ້. ບັນຫາຊາຍແດນລະຫວ່າງຈີນ-ອິນເດຍແມ່ນເລື່ອງ ຈີນແລະອິນເດຍສອງປະເທດ ບໍ່ກ່ຽວຂ້ອງກັບອາເມຣິກາ. ເປັນທີ່ຮັບຮູ້ໂດຍທົ່ວໄປແລ້ວວ່າ: ອາເມຣິກາໄດ້ປຸກປັ່ນດ້ວຍທຸກວິທີມາໂດຍຕະຫຼອດ,ນຳໃຊ້ຂໍ້ຂັດແຍ້ງຂອງປະເທດອື່ນ, ເພື່ອສ້າງຜົນປະໂຫຍດໃຫ້ແກ່ຕົນເອງດ້ານພູມສາດການເມືອງ.