ວັນທີ27ມີນານີ້, ທ່ານ ຈ້າວເລີ້ຈີ້ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ພົບປະຜູ້ແທນຄະນະກຳມະການເວທີເປິກສາຫາລືອາຊີໂປອາວຢູ່ແຂວງໄຫຫຼຳ, ທັງໄດ້ເຈລະຈາກັບຜູ້ຕາງໜ້ານັກທຸລະກິດຈີນແລະຕ່າງປະເທດ.
ໃນເວລາພົບປະຜູ້ແທນຄະນະກຳມະການຂອງເວທີເປິກສາຫາລືອາຊີໂປອາວ ທ່ານກ່າວວ່າ: ໂລກປັດຈຸບັນມີສິ່ງທ້າທາຍແລະວິກິດການຫຼາຍຢ່າງ, ແຕ່ໃນເວລາທີ່ມີຄວາມຫຍຸ້ງຍາກ ຍິ່ງຕ້ອງການທຸກຝ່າຍເຕົ້າໂຮມຄວາມຮັບຮູ້ທີ່ເປັນເອກະພາບກັນແລະສາມັກຄີຮ່ວມມືກັນ. ຈີນຈະສະໜອງໂອກາດໃໝ່ຫຼາຍກວ່າເກົ່າໃຫ້
ແກ່ໂລກ ດ້ວຍການພັດທະນາໃໝ່ຂອງຕົນເອງ.
ໃນເວລາເຈລະຈາກັບຜູ້ຕາງໜ້ານັກທຸລະກິດຈີນແລະຕ່າງປະເທດ, ທ່ານຈ້າວເລີ້ຈີ້ກ່າວວ່າ: ຈີນມີຄວາມເຫັນດີຕໍ່ເສດຖະກິດໂລກະພິວັດທີ່ສ້າງຜົນປະໂຫຍດໃຫ້ທຸກຝ່າຍແລະກວມລວມ, ຄັດຄ້ານລັດທິຝ່າຍດຽວແລະລັດທິປົກປ້ອງດ້ວຍຮູບການໃດໆ, ຈີນຍິນດີເອົາການພັດທະນາຂອງຕົນຕິດພັນກັບການພັດທະນາຂອງບັນດາປະເທດ. ຈີນພວມໃຊ້ມາດຕະການໃໝ່ຫຼາຍຢ່າງເພື່ອເປີດກວ້າງການໄຂປະຕູສູ່ພາຍນອກໃນລະດັບສູງ, ຍິນດີຕ້ອນຮັບຄູ່ຮ່ວມມືຂອງບັນດາປະເທດຢ່າງຈິງໃຈ.