|
ພາຍຫລັງໄດ້ເສຍໄຊໃນການແຂ່ງຂັນຄັດເລືອກເຂົ້າຮ່ວມງານແຂ່ງຂັນບານເຕະຊິງຂັນໂລກເຢຍລະມັນປີ 2006 ແລ້ວ, ວົງການບານເຕະຈີນກໍ່ໄດ້ສຸມກຳລັງເຂົ້າໃນວຽກງານກະກຽມງານກິລາໂອລິມປິກປັກກິ່ງປີ 2008.ສະນັ້ນ ສະມາຄົມບານເຕະຈີນໄດ້ຈັດຕັ້ງທິມບານເຕະໄວຫນຸ່ມທິມ ຫນຶ່ງຈະໄປຮຽນຢູ່ເຢຍລະມັນເປັນເວລາສອງປີໂດຍຈຳເພາະ.ໃນລາຍການໂລກກິລາພາກນີ້ ເຊີນຟັງບົດແຈ້ງຂ່າວທີ່ພາດຫົວເລື່ອງວ່າ: ທິມບານເຕະໄວຫນຸ່ມຈີນຈະໄປຮຽນຢູ່ເຢຍລະມັນ.
ວັນທີ 8 ທັນວາ ທິມບານເຕະທີ່ປະກອບດ້ວຍນັກບານເຕະ 27 ຄົນທີ່ມີອາຍຸແຕ່ 14 ປີຫາ 19 ປີຈະຈາກປັກກິ່ງໄປເມືອງບັດ.ກິຊິງແກນ ຂອງເຢຍລະມັນເພື່ອໄປຝຶກແອບຢູ່ແຫ່ງນັ້ນເປັນເວລາສອງປີ, ຜູ່ທີ່ໄປນຳທິມບານເຕະທີ່ຖືກຖືເປັນທິມດາລາ 2008 ຂອງຈີນທິມນີ້ຍັງມີຄູຝຶກຈີນ 3 ຄົນແລະທ່ານກຼາວຈຸນ ຄູຝຶກໃຫຍ່ສັນຊາດເຢຍລະມັນ.ສະມາຄົມບານເຕະຈີນກ່າວວ່າ, ທິມດາລາ 2008 ແມ່ນທິມຕ່າງກັບທິມໄວຫນຸ່ມແຫ່ງຊາດຈີນຫລືທິມໂອລິມປິກແຫ່ງຊາດຈີນທີ່ມີອາຍຸ 21 ປີລົງລຸ່ມ, ຈຸດປະສົງຂອງການຈັດຕັ້ງທິມນີ້ແມ່ນເພື່ອບຳລຸງສ້າງນັກບານເຕະສຳລັບງານກິລາໂອລິມປິກປັກກິ່ງປີ 2008,ແລະກໍ່ແມ່ນຊ່ອງທາງສຳຄັນທີ່ສະຫນອງນັກບານເຕະຜູ່ດີເດັ່ນໃຫ້ທິມໄວຫນຸ່ມແຫ່ງຊາດຈີນແລະທິມໂອລິມປິກແຫ່ງຊາດຈີນ.
1 2 3 4 5 6
|
