|
|
 |
| (GMT+08:00)
2004-12-06 15:14:42
|
 |
|
ທິມບານເຕະໄວຫນຸ່ມຈີນຈະໄປຮຽນຢູ່ເຢຍລະມັນ(ສຽງ)
cri
Author: sayvanny
ຈະບັນລຸເປົ້າຫມາຍທີ່ຂ້ອນຂ້າງຍາກດັ່ງກ່າວ,ກໍ່ຕ້ອງມີແຜນການຝຶກ ອົບຮົມອັນລະອຽດ.ສະນັ້ນ ທ່ານກຼາວຈຸນແລະສະມາຄົມບານເຕະຈີນໄດ້ໃຫ້ຄຳຫມັ້ນສັນຍາຕໍ່ຊາວຫນຸ່ມເຍົາວະຊົນເຫລົ່ານີ້ວ່າ, ໃນໄລຍະຝຶກອົບຮົມຢູ່ເຢຍລະມັນ, ພວກເຂົາເຈົ້າສາມາດເຂົ້າຮ່ວມການແຂ່ງຂັນລະດັບສູງຢ່າງຫນ້ອຍອາທິດລະເທື່ອ, ແລະເຂົ້າຮ່ວມການແຂ່ງຂັນລະຫວ່າງຊາດທີ່ມີລະ ດັບສູງຢ່າງຫນ້ອຍເດືອນລະສອງເທື່ອ, ເຂົ້າຮ່ວມການແຂ່ງຂັນ U18 ຂອງເຢຍລະມັນ, ເຂົ້າຮ່ວມຊຸດຝຶກອົບຮົມໄລຍະສັນຕ່າງໆທີ່ຈັດໂດຍສະມາຄົມບານເຕະເຢຍລະມັນແລະສະຫະພັນບານເຕະເອີລົບ, ໄປອັກຊັງຕິນ ແຂ່ງຂັນກັບທິມທີ 2 ຂອງສະມາຄົມບານເຕະທີ່ມີຊື່ສຽງຄື ສະມາຄົມລິເວີໄພຼແລະສະມາຄົມໂບກາຢູນີແລະທິມແຫ່ງຊາດ U17 ຂອງອັກຊັງຕີນເປັນຕົ້ນ.
ທີ່ຈິງແລ້ວ, ທິມດາລາ 2008 ທິມນີ້ບໍ່ແມ່ນທິມບານເຕະທີ່ເຂົ້າຮ່ວມງານກິລາໂອລິມປິກປັກກິ່ງປີ 2008,ມີແຕ່ຜູ່ດີເດັ່ນກວ່າຫມູ່ຢູ່ໃນທິມນີ້ຈິ່ງເຂົ້າຮ່ວມທິມໄວຫນຸ່ມແຫ່ງຊາດຈີນໃນປະຈຸບັນໄດ້, ແລະຮອດຄາວນັ້ນປະກອບເປັນທິມໂອລິມປິກແຫ່ງຊາດເຂົ້າຮ່ວມງານກິລາໂອລິມປິກປັກກິ່ງ. ສະມາຄົມບານເຕະຈີນກ່າວວ່າພວກເຂົາເຈົ້າຈະບໍ່ສົນໃຈນຳຜົນງານຂອງທິມຈີນໃນງານກິລາໂອລິມປິກປີ 2008, ພຽງແຕ່ຢາກໃຫ້ທິມບານເຕະທິມນີ້ໄປຮຽນຢູ່ເຢຍ ລະມັນສ້າງແຫລ່ງຝຶກອົບຮົມນັກບານເຕະໄວຫນຸ່ມຈີນຢູ່ເອີລົບ. ທີ່ຫມັ້ນຝຶກອົບຮົມທີ່ຕັ້ງຢູ່ເມືອງບັດ.ກິຊິງແກນກໍ່ແມ່ນທີ່ຫມັ້ນຝຶກອົບຮົມແຫ່ງທຳອິດທີ່ສະມາ ຄົມບານເຕະຈີນສ້າງຕັ້ງຂຶ້ນຢູ່ຕ່າງປະເທດ.
1 2 3 4 5 6
|
|
|
