|
ງານວາງສະແດງຮູບແຕ້ມສີນ້ຳມັນຂອງທ່ານເຟິງຊາວເຊທີ່ມີຫົວເລື່ອງວ່າ:ນົກ ກາງແກຢູ່ຕາເວັນອອກກາງທີ່ພວມວາງສະແດງຢູ່ຫໍວິຈິດຕະກຳຈີນນັ້ນ,ໄດ້ເຮັດໃຫ້ວົງການວິຈິດຕະກຳແລະຜູ່ຊົມຈີນມີຄວາມຊື່ນຊົມຢ່າງແຮງກ້າ.ຮູບແຕ້ມສີ ນ້ຳມັນທີ່ຖືສັນຕິພາບຕາເວັນອອກກາງເປັນຫົວຂໍ້ນີ້ແມ່ນຜົນງານທີ່ໃຫ້ຄວາມສົນໃຈນຳເຫດການໃຫຍ່ໃນໂລກທີ່ມີຫນ້ອຍໃນປະຫວັດວິຈິດຕະກຳຂອງຈີນ.ສຽງຮຽກຮ້ອງໃຫ້ມີສັນຕິພາບຂອງທ່ານເຟິງຊາວເຊດ້ວຍສໍຟອຍນັ້ນໄດ້ເຮັດໃຫ້ຄົນທັງຫລາຍຕອບສະຫນອງ.
ງານວາງສະແດງຮູບແຕ້ມສີນ້ຳມັນຂອງທ່ານເຟິງຊາວເຊທີ່ພາດຫົວເລື່ອງວ່າ:ນົກກາງແກຢູ່ຕາເວັນອອກກາງໄດ້ວາງສະແດງຮູບແຕ້ມແຜ່ນໃຫຍ່ທີ່ກວ້າງ 2 ແມັດເຄິ່ງແລະສູງ 2 ແມັດລວມ 18 ແຜ່ນ.ເມື່ອຍ່າງເຂົ້າຫ້ອງ ວາງສະແດງ,ຜູ່ຊົມກໍ່ຖືກດຶງດູດສາຍຕາຈາກຮູບແຕ້ມຊື່ນົກກາງແກຢູ່ຕາເວັນອອກກາງ.ໃນຮູບນີ້, ນົກກາງແກສີຂາຖືກບາດເຈັບ,ເລືອດອອກເຕັມໂຕ, ພວມກົ້ມຫົວລົງຄາບເອົາບັງພັນບາດທີ່ຕິດເລືອດ.ໃນທ່າມກາງຄວັນຫມື້,ຢູ່ທາງຫລັງຂອງນົກກາງແກຈະເຫັນທຸງຂອງອິສຣາແອນແລະປາເລັສຕິນ,ເຮັດໃຫ້ຜູ່ຊົມກຶກກອງເຖິງຫລາຍບັນຫາ.ໃນຫລາຍປີມານີ້,ຄົນທັງຫລາຍໄດ້ຮູ້ດີກ່ຽວກັບສະພາບການໃນຕາເວັນອອກກາງຈາກສື່ມວນຊົນຕ່າງໆ,ແຕ່ສະພາບການຂອງຕາເວັນອອກກາງພັດປະກົດຕົວຢູ່ຕໍ່ຫນ້າຜູ່ຊົມໂດຍກົງແບບນີ້ຍິ່ງສະເທືອນໃຈຜູ່ຊົມຫລາຍ.ໃນ ຮູບແຕ້ມແຜ່ນໃຫຍ່ 18 ແຜ່ນ,ນົກກາງແກໄດ້ປະກົດຕົວດ້ວຍຮູບການຕ່າງໆ, ຮູບແຕ້ມແຕ່ລະແຜ່ນສ້າງຄວາມສະເທືອນໃຈໃຫ້ແກ່ຜູ່ຊົມ,ຄວາມສົນໃຈດ້ານມະນຸດສະທຳແລະສຽງຮຽກຮ້ອງສັນຕິພາບຂອງຜູ່ແຕ້ມໄດ້ຮັບການຍ້ອງຍໍຈາກຜູ່ຊົມ.
1 2 3 4 5 6
|
