|
|
 |
| (GMT+08:00)
2006-08-16 09:30:26
|
 |
|
ທ່ານເຟິງຊາວເຊ ນັກແຕ້ມຈີນທີ່ວິ້ງວອນໃຫ້ມີສັນຕິພາບໃນຕາເວັນອອກກາງ
cri
Author: sayvanny
ທ່ານເຟິງຊາວເຊເກີດຢູ່ຊົນນະບົດແຂວງກວາງຕຸ້ງ ພາກໃຕ້ຂອງຈີນໃນປີ 1964,ເພິ່ນມັກແຕ້ມຮູບຕັ້ງແຕ່ຍາມຍັງນ້ອຍ,ປີ 1983 ເພິ່ນໄດ້ເສັງເຂົ້າໂຮງຮຽນປັ້ນດິນເຜົາກວາງຕົງ.ແຕ່ເພິ່ນບໍ່ມັກເຮັດເຄື່ອງປັ້ນດິນເຜົາ,ໄດ້ທຸ່ມເຫື່ອເທແຮງເຂົ້າໃນການຮຽນແຕ້ມຮູບສີນ້ຳມັນໂດຍຕົນເອງ.ພາຍຫລັງຮຽນຈົບບໍ່ດົນ, ເພິ່ນກໍ່ໄປເຮັດວຽກຢູ່ຫໍວັດທະນະທຳເມືອງໂຟຊານ.ຈົນຮອດປີ 2004,ທ່ານເຟິງຊາວເຊໄດ້ຈາກຫົວຫນ້າຫໍວັດທະນະທຳເລື່ອນຂັ້ນເປັນຮອງຫົວຫນ້າຫ້ອງການວັດທະນະທຳເມືອງ,ເພິ່ນໄດ້ຍຶດຫມັ້ນການປະດິດສ້າງດ້ານວິຈິດຕະກຳໂດຍຕະຫລອດ,ສ່ວນການສຳຫລວດແລະການພິຈາລະນາກ່ຽວກັບວຽກງານການຄຸ້ມຄອງວັດທະນະທຳຂອງທ່ານກໍ່ໄດ້ຊື່ມເຂົ້າໃນການປະດິດຄິດສ້າງ.ປີ 2003, ງານວາງສະແດງຮູບແຕ້ມສີນ້ຳມັນສ່ວນຕົວຂອງທ່ານເຟິງຊາວເຊທີ່ມີຫົວເລື່ອງວ່າ:ເອົາໃຈໃສ່ນຳຕະຫລາດວັດທະນະທຳຈີນໄດ້ ວາງສະແດງຢູ່ຫໍວິຈິດຕະກຳຈີນ,ຜົນງານຂອງເພິ່ນເຫມືອນດັ່ງຮູບເງົາບັນທຶກເລື່ອງຈິງ,ໄດ້ສ່ອງແສງເຖິງປະກົດການບໍ່ດີຢູ່ສະຖານທີ່ລື້ນເລິງແລະບັນຫາສັງຄົມຄືຮ້ານບັນເທິງແລະຮ້ານອິນເຕີແນັດ,ໄດ້ສົ່ງຜົນສະທ້ອນໃຫ້ສັງຄົມຢ່າງກວ້າງຂວາງ,ສະນັ້ນ, ທ່ານໄດ້ຮັບນາມມະຍົດເປັນນັກແຕ້ມລັດທິຕົວຈິງຝ່າຍຕິຕຽນໃຫມ່.
ດຽວນີ້ ທ່ານແມ່ນຮອງປະທານສະມາຄົມນັກວິຈິດຕະກຳເມືອງໂຟຊານ.ເພື່ອຍົກລະດັບດ້ານສິລະປະຂອງຕົນໃຫ້ສູງຂຶ້ນ, ທ່ານໄດ້ເຂົ້າຮຽນໃນຫ້ອງນັກສິກສາປະລິນຍາໂທວິຊາວິຈິດຕະກຳຂອງສະຖາບັນຄົ້ນຄວ້າສິ ລະປະ ຈີນ,ໄດ້ຮຽນແລະຄົ້ນຄວ້າທິດສະດີວິຈິດສິລະປະຢ່າງເປັນລະບົບ.ໃນພຶດຕິກຳຕົວຈິງ,ທ່ານຄ່ອຍໆຊອກເຫັນວິທີແຕ້ມແບບໃຫມ່,ຄື ໃຊ້ອຸປະກອນແຕ້ມຮູບສີນ້ຳມັນປະສານກັບວິທີແຕ້ມຮູບແບບຈີນ, ແລ້ວແຕ້ມຮູບສີນ້ຳມັນທີ່ມີຈິດໃຈວັດທະນະທຳດັ້ງເດີມຂອງຈີນ.
1 2 3 4 5 6
|
|
|
