|
|
 |
| (GMT+08:00)
2006-08-23 09:54:48
|
 |
|
ຮ້ານຂາຍປື້ມນ້ອຍໃຫຍ່ຂອງປັກກິ່ງຈັດກິດຈະກຳຕ່າງໆໃນຍາມພັກຮ້ອນ
cri
Author: sayvanny
ທີ່ທ່ານພວມຟັງຢູ່ນີ້ແມ່ນຮູບເງົາເລື່ອງ"ດອກໄມ້ນ້ອຍສີແດງ"ທີ່ຮ້ານຂາຍປື້ມຫວາງຟູຈິນສາຍໃຫ້ລູກຄ້າເບິ່ງໂດຍບໍ່ໄດ້ເສຍເງິນ.ຮູບເງົາເລື່ອງນີ້ໄດ້ສະແດງເຖິງໂລກຂອງເດັກນ້ອຍໃນສາຍຕາຂອງເດັກນ້ອຍ,ຮູບເງົານີ້ໄດ້ຮັບການຕີລາຄາສູງໃນງານຮູບເງົາແບັກແລງແລະເວນີສໃນປີກາຍ.ການສາຍຮູບເງົາຢູ່ໃນຮ້ານຂາຍປື້ມ,ໄດ້ດຶງດູດຜູ່ອ່ານບໍ່ຫນ້ອຍມາເບິ່ງ.
ຍ້ອນວ່າພໍດີແມ່ນຍາມພັກຮ້ອນຂອງນັກຮຽນປະຖົມແລະມັດທະຍົມ, ການເພີ່ມປະລິມານຈຳຫນ່າຍປື້ມນັ້ນແມ່ນເປົ້າຫມາຍສຳຄັນອັນຫນຶ່ງທີ່ຮ້ານຂາຍປື້ມຈັດກິດຈະກຳຕ່າງໆ.ປີນີ້ແມ່ນປີເກີດແຜ່ນດິນໄຫວຢູ່ເມືອງຖາງຊານທີ່ສະເທືອນໂລກຄົບຮອບ 30 ປີ,ສຳນັກພິມຫລາຍແຫ່ງຂອງຈີນລ້ວນແຕ່ໄດ້ພິມຈຳຫນ່າຍປື້ມທີ່ກ່ຽວພັນກັບແຜ່ນດິນໄຫວ.ໃນນັ້ນ, ປື້ມເຫລັ້ມຫນຶ່ງທີ່ພາດຫົວເລື່ອງວ່າ: ປະສົບການໃນແຜ່ນດິນໄຫວໄດ້ຮັບຄວາມສົນໃຈອັນກວ້າງຂວາງຈາກຜູ່ອ່ານ. ທ່ານຊູຊູຢາງ ນັກປະພັນທີ່ມີຊື່ສຽງຂອງຈີນແມ່ນຫນຶ່ງໃນບັນດານັກປະພັນຂອງປື້ມເຫລັ້ມນີ້.ໃນງານພົບປະກັບຜູ່ອ່ານທີ່ຈັດຂຶ້ນຢູ່ຮ້ານຂາຍປື້ມຫວາງຟູຈິນ,ປະຫວັດສາດທີ່ທ່ານຊູຊູຢາງເລົ່າສູ່ຟັງນັ້ນໄດ້ດຶງດູດຜູ່ອ່ານຈຳນວນຫລວງຫລາຍ.ທ່ານເວົ້າວ່າ:
ແຜ່ນດິນໄຫວທີ່ຮຸນແຮງທີ່ເກີດຂຶ້ນຢູ່ເມືອງຖາງຊານເມື່ອວັນທີ 28 ກໍລະກົດປີ 1976 ແມ່ນເຫດການທີ່ມີຄວາມຫມາຍເລິກເຊິ່ງຍາວໄກໃນປະຫວັດສາດສະໄຫມໃຫມ່ຂອງຈີນ.ເພາະວ່າແຜ່ນດິນໄຫວເທື່ອນີ້ໄດ້ປ່ຽນຊາຕາກຳຂອງຄົນຈຳນວນຫລວງຫລາຍ,ສະນັ້ນ, ການຂຽນປື້ມເຫລັ້ມນີ້ແມ່ນສຳຄັນທີ່ສຸດ,ໃນເວລານັ້ນ, ຂ້າພະເຈົ້າບໍ່ໄດ້ໄປແນວຫນ້າກອບກູ້ໄພແຜ່ນດິນໄຫວຢູ່ເມືອງຖາງຊານ,ຫາກແມ່ນຖ້າຮັບຄຳສັ່ງໄປແນວຫນ້າໃນນາມເປັນສະມາຊິກຫນ່ວຍປິ່ນປົວ.ໃນໄລຍະເຄິ່ງເດືອນທີ່ຂ້າພະເຈົ້າລໍຖ້າຄຳສັ່ງໄປແນວຫນ້າ,ຂ່າວກ່ຽວກັບການກອບກູ້ຜູ່ບາດເຈັບໃນໃນແຜ່ນດິນໄຫວໄດ້ສ່ົງມາບໍ່ຂາດ,ໃນນັ້ນສ່ອງແສງວິລະກຳສະມາຊິກກອບກູ້ບໍ່ຫນ້ອຍ.ຂ້າພະເຈົ້າເຊື່ອວ່າ,ທັງຫມົດເຫລົ່ານີ້ໄດ້ເປັນບົດຮຽນສັ່ງສອງຄົນທີ່ບໍ່ເຄີຍປະສົບແຜ່ນດິນໄຫວແຮງ,ເວົ້າສຳລັບຜູ່ທີ່ເຂົ້າຮ່ວມການກູ້ໄພແລະປະສົບໄພແຜ່ນດິນໄຫວແຮງຢູ່ເມືອງຖາງຊານຊ້ຳພັດແມ່ນຄວາມຊົງຈຳທີ່ລືມຍາກ.
1 2 3 4 5
|
|
|
