ໃນຫລາຍປີມານີ້,ຮ້ານຂາຍປື້ມຂອງປັກກິ່ງພວມຈາກສະຖານທີ່ຂາຍປື້ມກາຍເປັນສະຖານທີ່ແລກປ່ຽນວັດທະນະທຳ.ຮ້ານຂາຍປື້ມຂົ້ວທີສາມປັກກິ່ງທີ່ຫາກໍ່ເປີດຮ້ານໃນຫວ່າງແລ້ວນີ້,ຕັ້ງຢູ່ຈົ່ງກວນຊຸນຂອງປັກກິ່ງ,ຖືວ່າແມ່ນຮ້າຍຂາຍປື້ມພາສາຈີນທີ່ໃຫຍ່ກວ່າຫມູ່ໃນໂລກ,ມີປຶ້ມພາສາຈີນແລະເຄື່ອງສຽງທຸກປະເພດຢ່າງຄົບຖ້ວນ.ຮ້ານຂາຍປື້ມນີ້ອີງຕາມແຕ່ລະຊັ້ນແບ່ງເປັນສີ່ຫົວຂໍ້ໃຫຍ່ຄືແຟຊັນ,ວັດທະນະ ທຳແລະມະນຸດສາດ,ວິທະຍາສາດແລະການສຶກສາ,ຊີວິດການເປັນຢູ່,ແຕ່ລະຊັ້ນກໍ່ມີສາຂາຮ້ານທີ່ຂາຍປື້ມທີ່ມີຫົວຂໍ້ຈຳເພາະ.ຄື ຮ້ານຂາຍປື້ມຊຽງໄຮ້,ຮ້ານຂາຍປື້ມຕິເບດແລະຮານຂາຍປື້ມໄຕ້ຫວັນຮົງກົງເປັນຕົ້ນ.ນອກນີ້, ຮ້ານຂາຍປື້ມແຫ່ງແຫ່ງນີ້ຍັງໄດ້ສະຫນອງການບໍລິການທຸກຢ່າງ, ເຊັ່ນຕັ່ງນ້ອຍໆທີ່ແຈກຢາຍຢູ່ທຸກບ່ອນໄດ້ອຳນວຍຄວາມສະດວກແກ່ຜູ່ອ່ານ.ໃນຮ້ານຍັງກຽມເຈ້ຍຂຽນແລະສໍດຳໃວ້,ຈົນກະທັ້ງໄດ້ຈັດໃຫ້ມີຫ້ອງພັກຜ່ອນສຳລັບແມ່ແລະເດັກແລະລົດເດັກນ້ອຍ.ຢູ່ໃນແລະນອກຮ້ານ,ຍັງຈັດມີສະຖານທີ່ວາງສະແດງສິນລະປະ,ເຊີນສິລະປິນຈັດງານວາງ ສະແດງຢູ່ແຫ່ງນີ້ເປັນປະຈຳ.
ໃນທ່າມກາງບັນຍາກາດວັດທະນະທຳອັນເຂັ້ມຂຸ້ນແລະການບໍລິການທີ່ຕິດແທດຕົວຈິງ,ຮ້ານຂາຍປື້ມໄດ້ສ້າງຂົວຕໍ່ໃຫ້ແກ່ຜູ່ອ່ານກັບນັກປະພັນແລກປ່ຽນກັນ.ຜູ່ອ່ານໄດ້ຮັບຄວາມຊົມໃຊ້ນອກຈາກການຊື້ປື້ມ,ສ່ວນປະລິ ມານຈຳຫນ່າຍຫນັງສືຂອງຮ້ານກໍ່ເພີ່ມຂຶ້ນຢ່າງຫລວງຫລາຍ.ທ່ານຈ່າງ ຜູ່ອ່ານທີ່ຊື້ປື້ມຢູ່ຮ້ານຂາຍປື້ມຂົ້ວທີສາມແມ່ນນັກສຶກສາທີ່ຮຽນຢູ່ມະຫາວິທະຍາໄລ.ທ່ານເຫັນວ່າ, ປະຈຸບັນຮ້ານຂາຍປື້ມໄດ້ຫັນປ່ຽນເປັນສະ ຖານທີ່ແລກປ່ຽນວັດທະນະທຳ, ບໍ່ພຽງແຕ່ຈະເພີ່ມຄວາມດຶງດູດຕໍ່ຜູ່ອ່ານທໍ່ນັ້ນ, ຫາກຍັງຈະເຮັດໃຫ້ຮ້ານຂາຍປື້ມກາຍເປັນບ່ອນທີ່ເຜີຍແຜ່ຄວາມຮູ້ອີກດ້ວຍ. ທ່ານໄດ້ກອດເອົາປື້ມຫລາຍເຫລັ້ມ,ຮູ້ສຶກເພິ່ງພໍໃຈຫລາຍ,ທ່ານເວົ້າວ່າ:
ແຫ່ງນີ້ມີປື້ມຊະນິດຄົບຖ້ວນ, ຂ້ອຍໄດ້ໃຊ້ປື້ມທີ່ເຫມາະກັບຕົນເອງ.ໃນໄລຍະພັກຮ້ອນ,ເພີ່ມຄວາມຮູ້ຫນ້ອຍຫນຶ່ງ,ໄດ້ຊື້ນະວະນິຍາຍທີ່ມີຊື່ສຽງ,ແລະປື້ມອ່ານຫລິ້ນຈຳນວນຫນຶ່ງ, ເພື່ອອ່ານຢູ່ບ້ານ.
1 2 3 4 5
|
