ງານພົບປະກັບຜູ່ອ່ານແລະຊຸດສຳມະນາທີ່ຄ້າຍຄືກັນນີ້ຍັງມີຫລາຍ. ຮ້ານຂາຍປື້ມຊີຕານແມ່ນຮ້ານຂາຍປື້ມຂະຫນາດໃຫຍ່ທີ່ຕັ້ງຢູ່ກາງເມືອງປັກກິ່ງອີກຫລັງຫນຶ່ງ, ຮ້ານນີ້ນອກຈາກໄດ້ຈັດຊຸດສຳມະນາວັນນະຄະດີ,ປະ ຫວັດສາດ,ພູມີສາດ,ພາສາອັງກິດແລະຫລົບໄພສຸກເສີນເປັນຕົ້ນ, ຍັງໄດ້ຈັດຊຸດສຳມະນາໂອລິມປິກເປັນພິເສດ,ຄືໄດ້ເຊີນສາສະດາຈານ,ນັກຂ່າວ,ນັກ ກິລາດັງແລະຜູ່ມີຊື່ສຽງໃນສັງຄົມມາຜັດປ່ຽນກັນກ່າວປາຖະກະຖາ,ໂຄສະນາທັດສະນະຄະຕິໂອລິມປິກສີຂຽວ,ໂອລິມ ປິກວິທະຍາສາດແລະໂອລິມປິກມະນຸດສາດ,ພ້ອມທັງເຜີຍແຜ່ຄວາມຮູ້ໂອລິມປິກ, ເສີມຂະຫຍາຍນຳໃຈໂອລິມປິກ.
ຄຽງຄູ່ກັບງານໂອລິມປິກປີ 2008 ຫຍັບມໍ່ເຂົ້າ, ຊາວເມືອງປັກກິ່ງມີຄວາມກະຕືລືລົ້ນນັບມື້ນັບສູງຂຶ້ນໃນການຮຽນພາສາອັງກິດ. ຮ້ານຂາຍປື້ມ ຫລາຍໆຮ້ານຂອງປັກກິ່ງໄດ້ຈັດຊຸດສອນພາສາອັງກິດ.ອາຈານວາງກໍ່ແມ່ນຄູສອນທີ່ຮ້ານຂາຍປື້ມເຊີນໄປ.ທ່ານດີໃຈຫລາຍທີ່ໄດ້ເຂົ້າຮ່ວມການສອນແບບນີ້.ທ່ານເວົ້າວ່າ:
ເພື່ອຕ້ອນຮັບງານໂອລິມປິກປີ 2008,ຕ້ອງເຜີຍແຜ່ຄວາມຮູ້ພາສາອັງກິດແລະວິທີໃຊ້ພາສາອັງກິດຂັ້ນພື້ນຖານໃຫ້ຄົນນັບມື້ນັບຫລາຍ,ຜ່ານວິທີຈັດຊຸດສອນ,ຄົນນັບມື້ນັບຫລາຍຈະໄດ້ຮູ້ວິທີຮຽນພາສາອັງກິດ.ຈະຊ່ອຍຊາວເມືອງປັກກິ່ງມີລະດັບພາສາອັງກິດສູງກວ່າເກົ່າ.
1 2 3 4 5
|
