ການປະກວດປື້ມທີ່ສວຍງາມກວ່າຫມູ່ໃນໂລກແມ່ນກິດຈະກຳປະກວດໃນຂອບເຂດທົ່ວໂລກທີ່ມີອິດທິພົນກວ່າຫມູ່ໃນວົງການພິມຈຳຫນ່າຍປື້ມແລະວົງການຜູ່ຊ່ຽວຊານໃນສາກົນ. ມັນມີເນື້ອໃນສອງດ້ານ,ຕົ້ນຕໍແມ່ນປະກວດການອອກແບບແລະຄວາມງາມໂດຍລວມຂອງປື້ມ,ນອກນີ້,ຍັງລວມທັງຄຸນຄ່າແລະຄວາມສຳຄັນດ້ານວັດທະນະທຳ ວິຊາການແລະປະຫວັດສາດຂອງປື້ມ.ກ່ຽວກັບສິນລະປະວາວຂອງທ່ານຊາວເຊຊິນແຕ່ກ່ອນປະເທດຈີນ ບໍ່ເຄີຍພິມຈຳຫນ່າຍປື້ມທີ່ມີເນື້ອໃນຄ້າຍຄືກັນນີ້,ນີ້ແມ່ນເຫລັ້ມທຳອິດ,ສິນ ລະປະວ່າວຂອງທ່ານຊາວເຊຊິນລວມທັງທ່ານຊາວເຊຊິນເອງກໍ່ເປັນຕົວແທນໃຫ້ແກ່ວັດທະນະທຳຈີນ,ແມ່ນຂີດຫມາຍອັນຫນຶ່ງ, ເຊິ່ງສ່ອງແສງເຖິງການສືບທອດວັດທະນະທຳ.
ທ່ານຊາວເຊຊິນທີ່ດຳລົງຊີວິດໃນສັດຕະວັດທີ 18 ແມ່ນນັກປະພັນວັນນະຄະດີທີ່ມີຊື່ສຽງໃນສະໄຫມບູຮານຂອງຈີນ,ນະວະນິຍາຍເລື່ອງຄວາມຝັນໃນຫໍແດງທີ່ທ່ານເປັນຜູ່ຂຽນນັ້ນແມ່ນນະວະນິຍາຍເລື່ອງຫນຶ່ງໃນນະວະນິຍາຍບູຮານທີ່ມີຊື່ສຽງ 4 ເລື່ອງຂອງຈີນ.ພ້ອມກັນນັ້ນ,ທ່ານກໍ່ແມ່ນຜູ່ຊ່ຽວຊານດ້ານວິຈິດສິນລະປະຜູ່ຫນຶ່ງ, ຊ່າງເຮັດວ່າວ,ທ່ານເຄີຍຂຽນປື້ມ ກ່ຽວກັບການເຮັດວ່າວທຸກຊະນິດໂດຍສະເພາະ,ແຕ່ປື້ມນີ້ໄດ້ຫາຍສາບສູນແລ້ວ,ຕາມທ່ານຂົງຊຽງເຈີທີ່ປີນີ້ອາຍຸ 83 ປີເລົ່າສູ່ຟັງວ່າ, ທ່ານໂຊກດີເຄີຍໄດ້ຮັບເນື້ອໃນສ່ວນຫລາຍຂອງປື້ມນີ້ໃນຍາມຍັງຫນຸ່ມ, ຮູບວ່າວຮ້ອຍກວ່າຊະນິດທີ່ພິມໃນປື້ມສິນລະປະວ່າວຂອງທ່ານຊາວເຊຊິນນັ້ນ, ກໍ່ແມ່ນຄົນສາມຮຸ່ນຂອງທ່ານຂົງຊຽງເຈີຕັ້ງເຮັດອອກມາເພື່ອພິມປື້ມເຫລັ້ມນີ້,ແລ້ວໃຫ້ຊ່າງພາບຖ່າຍເອົາໄວ້.
ປື້ມສິນລະປະວາວຂອງທ່ານຊາວເຊຊິນຕ່າງກັບປື້ມຕ່າງໆທີ່ຕົບແຕ່ງຢ່າງສວຍງາມຫລູຫລາທີ່ຂາຍຢູ່ຕະຫລາດໃນປະຈຸບັນ,ປື້ມນີ້ໄດ້ຮຽນເອົາແບບຈັດສັນປື້ມຂອງສະໄຫມບູຮານຈີນ,ເອົາເສັ້ນດ້າຍຂາວມາຫຍິບໄວ້, ປົກຫນ້າດ້ວຍເຈ້ຍສີຄາມ,ຮູບວາວແລະຮູບພາບອັນສວຍງາມໃນປື້ມທັງສາມາດເປັນສິ່ງວາງສະແດງໄດ້,ທັງສາມາດຕັດອອກມາແລ້ວໃສ່ຂອບຮູບໄວ້ໄດ້,ກາຍເປັນເຄື່ອງປະດັບປະດາເຮືອນທີ່ສວຍງາມ,ຮູບວ່າວຈຳນວນຫນຶ່ງເຖິງວ່າແມ່ນພິມໃສ່ເຈ້ຍ,ແຕ່ກໍ່ຄືກັບວ່າວແທ້ຈິງທີ່ບິນຂຶ້ນສູ່ກາງຫາວ.
1 2 3 4 5
|
