ທ່ານຈ້າວຈ້ຽນ ຜູ່ອອກແບບປື້ມດັ່ງກ່າວແມ່ນສາສະດາຈານສະຖາບັນວິຈິດຕະກຳຂອງມະຫາວິທະຍາໄລຊິງຮວາ,ເປັນສິນລະປິນດ້ານການຕົບແຕ່ງປື້ມທີ່ມີຊື່ສຽງ.ທ່ານໄດ້ໃຊ້ເວລາເຄີ່ງປີເພື່ອອອກແບບປື້ມນີ້.ທ່ານເວົ້າວ່າ:
ຜູ່ອື່ນເວົ້າວ່າ, ການອອກແບບປື້ມນີ້ເຈົ້າກໍ່ໃຊ້ເວລາເຄິ່ງປີ,ດົນໂພດ.ຂ້າພະເຈົ້າຄິດວ່າຄວນຄິດຢ່າງລະອຽດ, ເພາະຕ້ອງທວນຄືນຄວາມຮູ້ສຶກໃນເວລາຫລິ້ນວ່າວ,ເຮັດແນວນີ້ມັນຕ້ອງການເວລາ.ຂ້າພະເຈົ້າຮູ້ສຶກວ່າ, ປື້ມນີ້ກ່ອນອື່ນມັນແມ່ນວັດທະນະທຳຂອງຈີນ, ເຈ້ຍທີ່ເອົາມາເຮັດເປັນປື້ມທີ່ຫຍິບດ້ວຍເສັ້ນດ້າຍ,ເວົ້າຈາກດ້ານດັ້ງເດີມແລ້ວ, ແມ່ນຢາກຄືກັນກັບເຈ້ຍເຮັດວ່າວຂອງຈີນ.ຫມາຍຄວາມວ່າ,ໃນດ້ານອຸປະກອນ, ຮູບຊົງ,ແລະເນື້ອໃນນັ້ນ,ພວກມັນແມ່ນອ່າວເປັນເອກະພາບກັນ.ໃນເວລາອອກແບບ, ຂ້າພະເຈົ້າຄິດວ່າປື້ມນີ້ຕ້ອງເຮັດເປັນປື້ມແບບຈີນແທ້, ຕ້ອງຫຍິບດ້ວຍເສັ້ນດ້າຍ, ເມື່ອຈັບເອົາກໍ່ຮູ້ສຶກອ່ອນນິ້ມແລະເບົາຫລາຍ,ມັນຈິ່ງສອດຄ່ອງກັບຮູບຊົງຂອງວ່າວ.
ປື້ມສິນລະປະວ່າວຂອງທ່ານຊາວເຊຊິນໄດ້ສະແດງໃຫ້ເຫັນສະເຫນ ດ້ານສິນລະປະຂອງສີສັນດັ້ງເດີມຂອງຈີນດ້ວຍວິທີອັນພິເສດ,ນີ້ກໍ່ແມ່ນຈີນພິມຈຳຫນ່າຍຮູບວ່າວຂອງທ່ານຊາວເຊຊິນດ້ວຍວິທີມີພາບປະກອບເປັນຄັ້ງ ທຳອິດ, ມີຜົນສະທ້ອນບໍ່ທຳມະດາ.ຕາມການສັນນິຖານເຫັນວ່າ, ໃນປະຫວັດສາດພັນປີຂອງການເຮັດວ່າວຂອງຈີນ,ວ່າວທີ່ເຮັດດ້ວຍທ່ານຊາວເຊຊິນໄດ້ສົ່ງຜົນສະທ້ອນຕໍ່ການຈໍ່ຕົວຂອງວ່າວປັກກິ່ງຢ່າງຫລວງຫລາຍ.ປະຈຸບັນ, ວ່າວຂອງທ່ານຊາວເຊຊິນໄດ້ຖືກຈັດເຂົ້າໃນບັນຊີລາຍຊື່ມໍລະດົກວັດທະນະ ທຳທີ່ບໍ່ແມ່ນວັດຖຸຂອງນະຄອນປັກກິ່ງແລ້ວ.
1 2 3 4 5
|
