|
ຄຳເຫັນຂອງຜູ່ໃຊ້ອິນເທີແນັດແລະຜູ່ຟັງຂອງປະເທດຕ່າງໆກ່ຽວກັບເຫດການຕິເບດແລະພະດາໄລລາມະ
ຂ່າວຈາກ cri online:ໃນຫລາຍມື້ມານີ້ ແວັບໄຊ 39 ພາສາຂອງ cri online ໄດ້ລາຍງານເຫດການຕິເບດ,ອັນໄດ້ພາໃຫ້ຜູ່ໃຊ້ອິນເທີແນັດຂອງ ປະເທດຕ່າງໆໃນໂລກມີການສະແດງປະຕິຕິກິຍາ,ເຂົາເຈົ້າພາກັນໃຫ້ຄຳເຫັນຂອງຕົນເອງດ້ວຍວິທີຕ່າງໆ.ຕໍ່ໄປແມ່ນຄຳເຫັນຂອງຜູ່ໃຊ້ອິນເທີແນັດຈຳນວນຫນຶ່ງຈາກແຫ່ງຕ່າງໆທົ່ວໂລກ.
ສຽງທີ່ມາຈາກເອີລົບ: ການຍອມຮັບຕໍ່ຄຳເວົ້າທີ່ບໍ່ຖືກກັບຄວາມຈິງນັ້ນມັກມາຊ້າຫລາຍ.
ທ່ານກີເຊບເປ ຜູ່ໃຊ້ອິນເທີແນັດອີຕາລີເຄີຍໄປລາຊາ.ທ່ານກ່າວວ່າ, ປີ 2007 ຂ້ອຍເຄີຍໄປຕິເບດ,ປະຊາຊົນຢູ່ແຫ່ງນີ້ມີຊີວິດອັນສະຫງົບສຸກທີ່ສຸດ,ຊີວິດການເປັນຢູ່ຂອງເຂົາເຈົ້າໄດ້ມີການປັບປຸງໃຫ້ດີຂຶ້ນຢ່າງຫລວງຫລາຍ.ຂ້ອຍເຄິຍໄປຕິເບດສາມເທື່ອ, ເຫັນວ່າທາງຫລວງຢູ່ແຫ່ງນັ້ນສ້າງ ດີກວ່າເກົ່າ.ຕົວເມືອງກໍ່ງາມຂຶ້ນເລື້ອຍໆ.ຂ້ອຍຮູ້ສຶກເສຍດາຍຫລາຍທີ່ ເຫດການຈະລາຈົນທີ່ເກີດຂຶ້ນຢູ່ຕິເບດເທື່ອນີ້ໄດ້ທຳລາຍຄວາມສະຫງົບສັນຕິຂອງແຫ່ງນັ້ນ, ຂ້ອຍຄັດຄ້ານຢ່າງແຂງແຮງທີ່ພວກເຂົາເຈົ້າປຸກປັ່ນກໍ່ເຫດການຮຸນແຮງທີ່ແນໃສ່ສາມັນຊົນເທື່ອນີ້.ຂ້ອຍຄອງຄອຍໄປຕິເບດອີກເທື່ອຫນຶ່ງໃນໄວໆນີ້,ເພື່ອໄປເບິ່ງຄວາມສະຫງົບສັນຕິຢູ່ແຫ່ງນັ້ນ.
ທ່ານເບີນ.ໂຄຣວິສ ຜູ່ໃຊ້ອິນເທີແນັດເຢຍລະມັນໄດ້ຂຽນຈົດຫມາຍໃຫ້ແວບໄຊພາສາເຢຍລະມັນຂອງ cri online,ກ່າວວ່າ, ເລື່ອງທີ່ເຮັດໃຫ້ຂ້ອຍເສຍດາຍນັ້ນແມ່ນ,ຢູ່ເຢຍລະມັນກໍ່ມີຄົນທີ່ມີທ່າທີນົກສອງຫົວ,ຕໍ່ພາຍນອກ,ເຂົາຮັບຮອງຜືນແຜ່ນດິນອັນຄົບຖ້ວນຂອງສາທາລະນະລັດປະຊາຊົນຈີນ, ກັບເມືອບ້ານ, ເຂົາເຈົ້າຊ້ຳພັດປະຕິບັດນະໂຍບາຍທີ່ກົງກັນຂ້າມທັງຫມົດ.ມີຫລາຍສື່ມວນຊົນຂອງເຢຍລະມັນສວຍໃຊ້ເຫດການທີ່ເກີດຂຶ້ນຢູ່ຕິເບດໃນຫລາຍມື້ມານີ້ຍຸແຍ່ໃຫ້ຕ້ານສັງຄົມນິຍົມຂອງຈີນ,ແລະເຈດຕະນາສະກັດກັ້ນງານກິລາໂອລິມປິກປັກກິ່ງທີ່ຈະຈັດຂຶ້ນໃນໄວໆນີ້ໂດຍຖືເລື່ອງນີ້ເປັນຂໍ້ອ້າງ.
ຜູ່ໃຊ້ອິນເທີແນັດທີ່ມີນາມສະກຸນຫລີ ຂອງເຢຍລະມັນໄດ້ປະກອບຄຳເຫັນໃສ່ແວັບໄຊພາສາເຢຍລະມັນຂອງ cri online ວ່າ:ໃນຫລາຍມື້ມານີ້ ສື່ມວນຊົນເຢຍລະມັນເຊິ່ງລວມທັງ ຊ່ອງຂ່າວຫລື N-TV ຊ່ອງຫນຶ່ງ ຫລືARD ຊ່ອງສອງຫລື ZDF ຂອງເຢຍລະມັນແລະວາລະສານ Der Spiegel ລາຍສັບປະດາໄດ້ລາຍງານຂ່າວກ່ຽວກັບເຫດການຈະລາຈົນທີ່ເກີດຂຶ້ນຢູ່ເມືອງລາຊາຕິເບດໄປໃນທາງບິດເບືອນ,ພວກເຂົາແມ່ນເວົ້າຄຳຂີ້ຕົວະໂດຍບໍ່ຮູ້ສຶກລະອາຍ.ຖ້າວ່າແມ່ນໃນ 50 ປີກ່ອນ, ອາດຈະບໍ່ມີຄົນຮູ້ວ່າເຂົາເຈົ້າແມ່ນຕົວະຄົນ,ແຕ່ໃນສະໄຫມປັດຈຸບັນ, ເຂົາເຈົ້າຕ້ງກິນແຫນງຍ້ອນຕົນເອງໄດ້ເວົ້າຂີ້ຕົວະ.ຂ້ອຍຫວັງຢາກໃຫ້ມີຄົນຫລາຍກວ່າເກົ່າໄດ້ອ່ານຂ່າວຂອງ CRI ONLINE.
ທ່ານມິຣ໊ໂຄ ແອວ ຜູ່ຟັງເຢຍລະມັນໄດ້ສົ່ງຈົດຫມາຍມາບອກວ່າ: ໃນຫລາຍມື້ມານີ້, ເຫດການທີ່ເກີດຂຶ້ນຢູ່ຕິເບດຂອງຈີນໄດ້ເຮັດໃຫ້ຄົນສົນໃຈນຳຢ່າງກວ້າງຂວາງ. ຂ້ອຍເຫັນວ່າ ນີ້ແມ່ນເຫດການທີ່ອົງການຂ່າວລັບແລະອິດທິກຳລັງຕ່າງປະເທດວາງແຜນໂດຍມີເຈດຕະນາແອບແຝງ,ຈຸດປະສົງຂອງພວກເຂົາແມ່ນສ້າງຄວາມປັ່ນປ່ວນທາງການເມືອງຢູ່ຈີນໃນປີຈັດງານກິລາໂອລິມປິກ,ເຮັດໃຫ້ຈີນໂດດດ່ຽວໃນສາກົນ.ຂ້ອຍຫວັງໃຫ້ລັດຖະບານຈີນຈົ່ງຄວບຄຸມສະຖານະການໄວ້ໂດຍໄວ,ບໍ່ໃຫ້ເຈດຈຳນົງຂອງຈັກກະພັດນິຍົມທີ່ສ້າງຄວາມປັ່ນປ່ວນຢູ່ຈີນບັນລຸຜົນເປັນຈິງ.
ທ່ານແຮຣມຸດ ມັດ ຜູ່ຟັງເຢຍລະມັນໄດ້ສົ່ງອີເມຣມາບອກວ່າ: ແຕ່ທຳອິດ, ຂ້ອຍກໍ່ເດົາອອກໂລດວ່າ, ນີ້ຕ້ອງແມ່ນເລ່ຫລ່ຽມຂອງຄົນບາງຈຳພວກ ທີ່ມີເຈດຈຳນົງແອບແຝງເພື່ອສະກັດກັ້ນງານກິລາໂອລິມປິກປັກກິ່ງທີ່ຈະຈັດຂຶ້ນໃນໄວໆນີ້.ຟັງແຕ່ຄວາມຊື່ລືກ່ຽວກັບເຫດການເທື່ອນີ້ແລະການລາຍງານຂ່າວທີ່ບໍ່ຖືກກັບຕົວຈິງໃນທົ່ວໂລກກໍ່ເຫັນໄດ້ວ່າ, ຜູ່ຢູ່ເບື້ອງຫລັງຂອງເຫດການເທື່ອນີ້ໄດ້ວາງແຜນຢ່າງຮອບຄອບພຽງໃດ.ຄົນຈຳນວນຫນຶ່ງຂອງເຢຍລະມັນແລະແຫ່ງອື່ນໆໃນໂລກຄັດຄ້ານຈີນແລະສະຫນັບສະຫນູນອັນທີ່ວ່າຕິ ເບດເສລີພາບ,ແຕ່ຕິເບດທີ່ມີເສລີພາບຄວນເປັນແນວໃດແທ້? ແມ່ນບໍ່ມີຄົນຮູ້.ອີກອັນຫນຶ່ງ, ເຫດການທີ່ເກີດຂຶ້ນຢູ່ຕິເບດເທື່ອນີ້ກໍ່ເຫັນວ່າມັນດີຢູ່ບ່ອນໃດ, ເຫັນແຕ່ຄົນຈີນຫລວງຫລາຍຖືກບາດເຈັບຈົນເສຍຊີວິດ, ແຕ່ຈຸດນີ້ບໍ່ໄດ້ເຮັດໃຫ້ຜູ່ທີ່ຫລັບຫູຫລັບຕາເຂົ້າຮ່ວມເຫດການເທື່ອນີ້ຢູ່ໃນໂລກນັ້ນສົນໃຈນຳເລີຍ.ຂ້ອຍຍັງໄດ້ເຫັນຂອງໂທລະພາບ cctv 4 ລານງານວ່າ, ມີແມ່ຍິງ 5 ຄົນຖືກພວກກໍ່ການຈະລາຈົນເຜົາຈົນຕາຍ,ນີ້ເຮັດໃຫ້ຂ້ອຍຕົກໃຈຫລາຍ.ຢູ່ປະເທດພວກເຮົາ, ຫນ້ອຍຄົນທີ່ຮູ້ວ່າປະຊາຊົນຕິເບດຂອງຈີນໄດ້ຮັບສິດປົກຄອງຕົນເອງຢ່າງຫລວງຫລາຍ.ພວກທ່ານໄດ້ຈັດເອົາລາຍການສັບປະ ດາວັດທະນະທຳຕິເບດປີ 2006 ທີ່ມີເນື້ອໃນກ່ຽວຂ້ອງມາອອກໃນແວັບໄຊຂອງພວກທ່ານ, ເຮັດແນວນີ້ດີຫລາຍ,ສາມາດເຮັດໃຫ້ຄົນທັງຫລາຍຫວນຄືນເລື່ອງທີ່ດີງາມໃນອະດີດ.ຂ້ອຍເຊື່ອວ່າ, ເຈດຈຳນົງຂອງອິດທິກຳລັງແບ່ງແຍກທີ່ຢາກແຍກຕິເບດອອກຈາກຈີນນັ້ນຍ່ອມຈະຖືກຈີນແລະປະຊາ ຊົນທີ່ດຳລົງຊີວິດຢູ່ຕິເບດນັ້ນທັບມ້າງຢ່າງເຖິງຖອງ.ພ້ອມກັນນັ້ນ ຂ້ອຍກໍ່ຫວັງໃຫ້ ລັດຖະບານຈີນຄວບຄຸມສະຖານະການໄວ້ໂດຍໄວ, ປະຊາຊົນສາມາດດຳລົງຊີວິດຢູ່ຕິເບດຄືແຕ່ກ່ອນ,ບໍ່ຕ້ອງເປັນຫ່ວງນຳຄວາມປອດໄພຂອງຊີວິດ.ຂ້ອຍຍັງຫວັງໃຫ້, ສື່ມວນຊົນທ້ອງຖີ່ນຂອງພວກຂ້ອຍສາມາດປັບການລາຍງານຂ່າວຢ່າງຖືກຕ້ອງ.ກ່ຽວກັບສື່ມວນຊົນ, ເລື່ອງທີ່ເຮັດໃຫ້ຂ້ອຍຮູ້ສຶກບໍ່ສະບາຍໃຈນັ້ນແມ່ນ:ຕໍ່ການລາຍງານທີ່ບໍ່ຖືກກັບຄວາມຈິງ,ເຂົາເຈົ້າມັກເຜີຍແຜ່ໄວເກີນໄປ, ແຕ່ຄຳຍອມຮັບວ່າການລາຍງານຜິດນັ້ນພັດຊັກຊ້າຫລາຍ.ຂ້ອຍຮູ້ສຶກຄຽດແຄ້ນທີ່ສຸດຕໍ່ການກະທຳທີ່ສວຍໃຊ້ເຫດການນີ້ຮຽກຮ້ອງໃຫ້ຄັດຄ້ານງານກິລາໂອລິມປິກປັກກິ່ງ.
ທ່ານໂຈກິນ ຜູ່ຟັງເມືອງບາເຊໂລນາແຫ່ງແອສປາຍໄດ້ສົ່ງອີເມຣມາບອກວ່າ: ຈາກການສ້າງທາງລົດໄຟຊິງຫາຍຕິເບດເຫັນໄດ້ວ່າການພັດທະນາເສດຖະ ກິດຂອງຕິເບດແລະລະດັບຊີວິດການເປັນຢູ່ຂອງປະຊາຊົນຕິເບດໄດ້ກ້າວ ຫນ້າຢ່າງຫລວງຫລາຍແລ້ວ, ນີ້ແມ່ນແຍກອອກບໍ່ໄດ້ຈາກນະໂຍບາຍທີ່ລັດຖະບານໃຫ້ບູລິມະສິດ ແລະ ປະຊາຊົນທົ່ວປະເທດຈີນໃຫ້ການສະຫນັບ ສະຫນູນ.ຍ້ອນວ່າເປັນແນວນີ້, ເຈດຈຳນົງທີ່ຫວັງແບ່ງແຍກຕິເບດຈິງຜິດໃຈຄົນ.
ທ່ານໂຈດານໂນ ຜູ່ຟັງອີຕາລີໄດ້ໂທລະສັບທັງສົ່ງແຟັກມາເພື່ອສະແດງການກ່າວປະນາມຢ່າງຮຸນແຮງແລະຄວາມເສຍດາຍຂອງທ່ານຕໍ່ເຫດການຮຸນແຮງທີ່ເກີດຂຶ້ນຢູ່ເມືອງລາຊາ.ທ່ານກ່າວວ່າ, ທ່ານສຸດທີ່ສະຫນັບສະຫນຸນການກະທຳຂອງລັດຖະບານຈີນທີ່ຈັດການຕໍ່ເຫດການເທື່ອນີ້.
ທ່ານອີ ແມ່ນຊາວຈີນທີ່ອາໄສຢູ່ຝຣັ່ງ, ທ່ານໄດ້ປະທ້ວງຢ່າງຮຸນແຮງຕໍ່ເຫດການທີ່ເກີດຂຶ້ນຢູ່ເມືອງລາຊາໃນວັນທີ 14 ມີນາ.ທ່ານກ່າວວ່າ, ເມື່ອໄດ້ເຫັນສາມັນຊົນບໍ່ຫນ້ອຍທີ່ບໍ່ມີຄວາມຜິດຫຍັງຖືກບາດເຈັບແລະຈົນເສຍຊີວິດໃນເຫດການເທື່ອນີ້,ທ່ານຮູ້ສຶກເສຍໃຈຫລາຍ.ທ່ານອີກ່າວວ່າ, ໃຕ້ການນຳພາຂອງລັດຖະບານຈີນ,ໃນຫລາຍສິບປີມານີ້ ສັງຄົມຕິເບດໄດ້ມີການປ່ຽນແປງປານປິ້ນຟ້າຂວ້ຳແຜ່ນດິນ,ຈຸດປະສົງຂອງກຸ່ມຄົນບໍ່ດີທີ່ຢາກສວຍໃຊ້ເຫດການຕິເບດເປັນເອກະລາດເຮັດໃຫ້ງານກິລາໂອລິມປິກປັກກິ່ງຫັນເປັນບັນຫາການເມືອງນັ້ນແມ່ນປະກົດເປັນຈິງບໍ່ໄດ້ຈັກເມັດ.ທ່ານເຊື່ອວ່າລັດຖະບານຈີນຍ່ອມຈະສາມາດຈັດການກັບເຫດການເທື່ອນີ້ຢ່າງເຫມາະສົມທີ່ສຸດ.
ທ່ານຈີນດຼິດ ໂທມີເຊັກ ຜູ່ຟັງສາທາລະນະລັດເຊັກແມ່ນຜູ່ຮັກພາສາແອສເປລັງໂຕ.ໃນອີເມຣທີ່ທ່ານສົ່ງໄປໃຫ້ແວັບໄຊພະແນກແອສເປລັງໂຕຂອງ cri online, ທ່ານຂຽນວ່າ: ເລື່ອງທີ່ເຮັດໃຫ້ຂ້ອຍເສຍໃຈແລະຮູ້ສຶກວິຕົກກັງວົນນັ້ນແມ່ນຂ່າວກ່ຽວກັບຢູ່ເມືອງລາຊາແລະເມືອງອື່ນໆ,ມີຄົນຈຳນວນຫນ້ອຍທີ່ສຸດດຳເນີນການທຳລາຍຢ່າງມີຈຸດປະສົງອັນເລິກລັບ.ຂ້ອຍຫວັງຢ່າງຈິງໃຈວ່າເຫດການທີ່ບໍ່ຄວນເກີດຂຶ້ນນີ້ຢ່າໄປກະທົບເຖີງການສົ່ງຕໍ່ທວນໄຟແລະວຽກງານກະກຽມງານກິລາໂອລິມປິກປັກກິ່ງທີ່ຈະຈັດຂຶ້ນໃນໄວໆນີ້.ຂ້ອຍອວຍພອນໃຫ້ວຽກງານກະກຽມງານໂອລິມປິກຈົ່ງດຳເນີນໄປຢ່າງສະດວກ,ອວຍພອນໃຫ້ງານກິລາໂອລິມປິກປັກກິ່ງຈົ່ງສຳເລັດຜົນຢ່າງເຕັມເມັດເຕັມຫນ່ວຍ.
ນາງອີເລັນນາ ຜູ່ຟັງໂມນາໂກໄດ້ສົ່ງອີເມຣມາໃຫ້ແວັບໄຊພາສາຝຣັ່ງຂອງ cri online ຂຽນວ່າ, ການເອົາເຫດການຮຸນແຮງທີ່ເກີດຂຶ້ນຢູ່ຕິເບດໃນຫວ່າງ ກ່ອນນີ້ບໍ່ດົນພົວພັນກັບງານກິລາໂອລິມປິກປັກກິ່ງແມ່ນເລື່ອງທີ່ບໍ່ມີເຫດຜົນທີ່ສຸດ.ງານກິລາໂອລິມປິກແມ່ນການແຂ່ງຂັນລະຫວ່າງກຳລັງແຮງກັບຄວາມສວຍງາມ, ບໍ່ແມ່ນເວທີສະແດງຂອງການເມືອງ,ສະນັ້ນ ສື່ມວນຊົນບາງແຫ່ງເອົາເຫດການຈະລາຈົນຢູ່ຕິເບດກັບງານກິລາໂອລິມປິກມາພົວພັນກັນແມ່ນຜິດພາດທີ່ສຸດ.ນາງອວຍພອນໃຫ້ງານກິລາໂອລິມປິກປັກກິ່ງຈົ່ງໄດ້ຮັບຜົນສຳເລັດຢ່າງສູງ.
1 2 3 4 5
|
