|
|
 |
| (GMT+08:00)
2008-04-08 17:11:23
|
 |
|
ຄຳເຫັນຂອງຜູ່ໃຊ້ອິນເທີແນັດແລະຜູ່ຟັງຂອງປະເທດຕ່າງໆກ່ຽວກັບເຫດການຕິເບດແລະພະດາໄລລາມະ
cri
ສຽງທີ່ມາຈາກອາເມລິກາໃຕ້ແລະອາເມລິກາລາຕີນ:ຖ້າວ່າພະຜູ່ເປັນເຈົ້າທີ່ເມດຕາເຫັນການກະທຳເຫລົ່ານີ້, ເພິ່ນຕ້ອງສົ່ງເຂົາລົງຫມໍ້ນາຮົກຢ່າງບໍ່ຕ້ອງສົງໄສເລີຍ.
ທ່ານຣີຄາໂດ ຮຸຕາ ຜູ່ຟັງອັກຊັງຕີນເຄີຍມາຈີນສອງເທື່ອ.ທ່ານໄດ້ຝາກຄຳຄິດຄຳເຫັນກັບແວັບໄຊພາສາແອສປາຍຂອງ cri online ໃນວັນທີ 22 ມີນາວ່າ: ຄໍລຳກ່ຽວກັບການຈະລາຈົນທີ່ເກີດຂຶ້ນຢູ່ເມືອງລາຊາທີ່ພວກທ່ານຈັດອອກນັ້ນມີເນື້ອໃນລະອຽດ,ແລະທັນການທີ່ສຸດ.ຂ້ອຍຮູ້ສຶກຄຽດແຄ້ນຫລາຍຕໍ່ພວກຕິເບດເອກະລາດທີ່ມີເຈດຕະນາແບ່ງແຍກຕິເບດອອກຈາກສາທາລະນະລັດປະຊາຊົນຈີນ.ປະຕິກິລິຍາໃນຕົວຈິງແລະຂອງປະຊາຄົມໂລກສະແດງໃຫ້ເຫັນວ່າ, ເຫດການຈະລາຈົນທີ່ມີກົນອຸບາຍອັນເລິກລັບແລະລະມີດກົດຫມາຍລະຫວ່າງຊາດນັ້ນຍ່ອມຈະເສຍໄຊ.ທ່ານຍັງກ່າວວ່າ,ຄົນຈຳ ນວຫນຶ່ງສວຍໃຊ້ບັນຫາຕິເບດມາເຜີຍແຜ່ຂາວທີ່ບໍ່ເປັນຈິງກ່ຽວກັບສະພາບ ປັດຈຸບັນຂອງຈີນນັ້ນແມ່ນບໍ່ມີຫລັກຖານແລະບໍ່ຖືກກັບເລື່ອງຈິງຈັກເມັດ.
ທ່ານຣູແບນສ ເພໂດຼໂຊ ຜູ່ຟັງເບຼຊິນຂຽນຈົດຫມາຍມາບອກວ່າ:ຂ້ອຍສົນໃຈນຳເຫດການຕິເບດຜ່ານແວັບໄຊພາສາປອກຕຸຍການຂອງ cri online ໂດຍຕະຫລອດມາ,ເມື່ອໄດ້ເບິ່ງວີດີໂອໃນຄໍລຳແລ້ວ,ຂ້ອຍຈົນບໍ່ເຊື່ອວ່າ ດາໄລລາມະບໍ່ເອົາຫົວຊານຳຄວາມເປັນລະບຽບຂອງສັງຄົມແລະການທຳລາຍຊີວິດຂອງຜູ່ບໍ່ມີຄວາມຜິດຫຍັງຈົນເຖິງຂັ້ນນັ້ນ.ກ່ອນຫນ້ານີ້,ຂ້ອຍຍັງຄິດວ່າພວກເຂົາແມ່ນຄົນໃຈບຸນແລະມີສິນທຳ.ເຫດການເທື່ອນີ້ເຮັດໃຫ້ຂ້ອຍປ່ຽນທັດສະນະຄະຕິໃນແຕ່ກ່ອນຫມົດ.ຂ້ອຍເຫັນວ່າ, ລັດຖະບານຈີນໄດ້ຈັດການບັນຫານີ້ຢ່າງທັນການ ເຫມາະສົມແລະຖືກຕ້ອງແລ້ວ.ຂ້ອຍຫວັງໃຫ້ຄົນທີ່ຖືກທຳຮ້າຍດ້ານຈິດໃຈນັ້ນສາມາດພົ້ນອອກຈາກເງົາມືດໂດຍໄວ, ແລະຫວັງໃຫ້ ດາໄລລາມະສາມາດຮູ້ແຈ້ງຄວາມຮ້າຍແຮງຂອງສະພາບການແລະຮູ້ແຈ້ງຄວາມຜິດພາດຂອງຕົນເອງ, ແລະຢຸດຕິໂສກນາດຕະກຳເທື່ອນີ້.
ວັນທີ23ມີນານີ້, ທ່ານຈອນ ເຟຼດີ ກັສຕີລົນ ຜູ້ຟັງໂກລົມບີໄດ້ຂຽນຄວາມເຫັນຢູ່ເວັບໄຊວ່າ, ຂ້ອຍຮູ້ສຶກເສຍດາຍທີ່ເກີດການຈະລາຈົນຢູ່ເມືອງລາຊາ, ແລະຮູ້ສຶກເສຍໃຈທີ່ການກໍ່ຄວາມຮຸນແຮງຂອງກຸ່ມຕິເບດເອກະລາດນຳເອົາຄວາມເສຍຫາຍມາໃຫ້ຈີນ.
ວັນທີ18ມີນານີ້, ຄືມື້ກອງປະຊຸມສະພາຜູ້ແທນປະຊາຊົນແຫ່ງຊາດຈີນອັດລົງ, ທ່ານແອວເບີໂຕ ມາຊາໂດ ຜູ້ຟັງອູລຸໄກວໄດ້ສົ່ງEMAIL ມາ, ກ່າວປະນາມພວກແບ່ງແຍກສ່ວນໜ້ອຍກໍ່ເຫດການຈະລາຈົນຢູ່ເຂດຕິເບດ. ທ່ານແອວເບີໂຕຂຽນວ່າ, ໃນນາມເປັນຜູ້ຟັງທີ່ຕິດຕາມລາຍການວິທະຍຸCRIແລະເອົາໃຈໃສ່ນຳຈີນມາເປັນເວລາດົນນານ, ບໍ່ເຊື່ອຄວາມຂີ້ຕົວະຂອງພວກເຂົາດອກ. ພວກເຮົາຈະບໍ່ລືມວ່າເຂດຕິເບດແມ່ນພາກສ່ວນໜຶ່ງໃນດິນແດນອັນສັກກາລະບູຊາຂອງຈີນ, ບໍ່ລືມວ່າກ່ອນປົດປ່ອຍປະຊາຊົນຕິເບດໄດ້ດຳລົງຊີວິດແນວໃດ. ພວກເຮົາຮູ້ວ່າພາຍໃຕ້ລະບອບຂ້າທາດໃນເວລານັ້ນ, ເຈົ້າທາດສ່ວນໜ້ອຍດຳລົງຊີວິດແບບຢູ່ດີກິນດີບົນຢາດເລືອດແລະນ້ຳຕາຂອງຂ້າທາດກະສິກອນ, ສ່ວນຂ້າທາດຢູ່ຊັ້ນຕ່ຳພັດຖືກກົດຂີ່ຂູດດຮີດ, ບໍ່ມີເງື່ອນໄຂພື້ນຖານເພື່ອຢູ່ລອດແລະບໍ່ມີກຽດສັກສີຂອງຄວາມເປັນມະນຸດ. ໃນເວລານັ້ນ, ເສດຖະກິດຂອງຕິເບດຫຼ້າຫຼັງແລະວັດທະນະທຳຊຸດໂຊມ, ລະດັບຊັ້ນສັງຄົມກໍ່ເຂັ້ມງວດທີ່ສຸດ. ປະຊາຊົນທຳມະດາສາມັນບໍ່ຮູ້ໜັງສືພໍໂຕ. ສ່ວນໃນປະຈຸບັນ, ພາຍໃຕ້ລະບົບເຂດຊົນເຜົ່າປົກຄອງຕົນເອງ, ພາຍໃຕ້ຄວາມເອົາໃຈໃສ່ຂອງລັດຖະບານຈີນແລະການສະໜັບສະໜູນຂອງປະຊາຊົນຈີນທົ່ວປະເທດ, ປະຊາຊົນຕິເບດຄຸ້ມຄອງຕົນເອງ, ພັດທະນາການລ້ຽງສັດ ປູກຝັງແລະການ ທ່ອງທ່ຽວ, ລູກເຕົ້າເຂົາເຈົ້າໄດ້ເຂົ້າຮຽນຢູ່ມະຫາວິທະຍາໄລ, ສາສະໜາ ວັດທະນະທຳແລະຮີດຄອງປະເພນີຂອງເຂົາເຈົ້າໄດ້ຮັບຄວາມເຄົາລົບນັບຖືໃນລະດັບສູງທີ່ສຸດ. ພວກເຮົາໄດ້ເຫັນວ່າ, ໃນກອງປະຊຸມສະພາຜູ້ແທນປະຊາຊົນແຫ່ງຊາດຈີນ, ຜູ້ແທນຂອງເຂດຕິເບດໄດ້ປະກອບຄວາມຄິດຄວາມເຫັນຢ່າງສົມອົກສົມໃຈເຊັ່ນດຽວກັນກັບຜູ້ແທນຊົນເຜົ່າສ່ວນໜ້ອຍອື່ນໆ, ປະກອບຄວາມຄິດຄວາມເຫັນຂອງຕົນເພື່ອການພັດທະນາປະເທດຈີນ. ທັງໝົດເຫຼົ່ານີ້ໃນເມື່ອກ່ອນແມ່ນເປັນໄປບໍ່ໄດ້. ຂໍອວຍພອນໃຫ້ອະນາຄົດຂອງເຂດຕິເບດດີງາມກວ່າເກົ່າ.
ທ່ານແອວເບີໂຕຍັງເວົ້າວ່າ, ກຸ່ມດາໄລລາມະວາງແຜນສ້າງຄວາມວຸ້ນວາຍຢູ່ເຂດຕິເບດ, ເຮັດໃຫ້ຊີວິດແລະຊັບສິນຂອງປະຊາຊົນເຜົ່າຕິເບດແລະເຜົ່າຮັ້ນຢູ່ແຫ່ງນັ້ນໄດ້ປະສົບການເສຍຫາຍຢ່າງໜັກໜ່ວງ, ປະຊາຊົນທີ່ບໍ່ມີຄວາມຜິດຫຍັງຖືກເຂັ່ນຂ້າ, ຮ້ານຄ້າຖືກເຜົາຜານທຳລາຍ, ຈົນກະທັ້ງແພດໝໍກໍ່ຖືກທຳຮ້າຍ, ນີ້ແມ່ນການກະທຳຜິດກົດໝາຍ. ແຕ່ໃດໆມາຕິເບດກໍແມ່ນພາກສ່ວນໜຶ່ງຂອງຜືນແຜ່ນດິນອັນສັກກາລະບູຊາຂອງຈີນ. ຂ້ອຍໂຄລົບນັບຖືລັດຖະບານຈີນທີ່ທຳຄວາມພະຍາຍາມເພື່ອປາບການຈະລາຈົນແລະຮັກສາສະຖຽນລະພາບຂອງເຂດຕິເບດ, ແລະຂໍຝາກຄວາມຖາມຂ່າວໄປຍັງປະຊາຊົນເຜົ່າຕິເບດແລະເຜົ່າຮັ້ນທີ່ຖືກບາດເຈັບໃນເຫດການຈະລາຈົນ.
ວັນທີ27ມີນານີ້, ທ່ານເຮຣາໂດ ຜູ້ຟັງນີກາຣາກວາໄດ້ສົ່ງEMAILມາໂດຍກ່າວປະນາມຢ່າງຮຸນແຮງຕໍ່ໂທດກຳຂອງຜູ້ທີ່ເອີ້ນຕົນເອງເປັນພະດາໄລລາມະນັ້ນ. ທ່ານເຮຣາໂດເວົ້າວ່າ, ຖ້າຜູ້ເປັນພະເຈົ້າທີ່ເມດຕາເຫັນເລື່ອງເຫຼົ່ານີ້, ເພິ່ນຕ້ອງສົ່ງເຂົາລົງນາຮົກຢ່າງບໍ່ຕ້ອງສົງໄສ, ເພາະວ່າການກະທຳແນວນີ້ໄດ້ລະເມີດຫຼັກການຄວາມຮັກແພງແລະສັນຕິສຸກທັງໝົດ. ເຫດການຈະລາຈົນ"ວັນທີ14ມີນາ"ເຈຕະນາເຮັດໃຫ້ເຂດຕິເບດກາຍເປັນລັດໜຶ່ງຂອງອາເມລິກາ. ແຕ່ເສຍດາຍການລາຍງານຂອງພວກເຂົາກ່ຽວກັບເຫດການດັ່ງກ່າວທີ່ເກີດຢູ່ຈີນແມ່ນບິດເບືອນຄວາມຈິງທັງນັ້ນ. ໃນໂລກນີ້ມີຄົນສ່ວນໜຶ່ງບໍ່ທຳຄວາມພະຍາຍາມເພື່ອຄວາມຈະເລີນຮຸ່ງເຮືອງໃຫ້ແກ່ປະເທດຊາດ, ຊ້ຳພັດໝາຍຈະຢາກທຳລາຍສະຖຽນລະພາບ, ແລະທຳລາຍຊື່ສຽງຂອງປະເທດຊາດ. ພວກເຂົາຢາກສວຍໃຊ້ເຫດການເທື່ອນີ້ມາຂວ້ຳບາດງານກິລາໂອລິມປິກປັກກິ່ງປີ2008.
ທ່ານຣີຄາໂດ ຊານຕົສ ຜູ້ຟັງເບຼຊີນກ່າວວ່າ, ຂ້ອຍຮູ້ສຶກເສຍໃຈແລະຄຽດແຄ້ນທີ່ສຸດຕໍ່ເຫດການຈະລາຈົນທີ່ເກີດຂຶ້ນຢູ່ເຂດຕິເບດໃນວັນທີ14ມີນານີ້. ຂ້ອຍເຫັນວ່າ, ດາໄລລາມະຄືນັກຫຼິ້ນການເມືອງແລະພວກລັດທິກໍ່ການຮ້າຍ, ພວມໃຊ້ວິທີຫົວຮຸນແຮງເພື່ອບັນລຸຈຸດປະສົງຂອງເຂົາ. ໃນເຫດການຈະລາຈົນເທື່ອນີ້, ຫຼາຍຄົນທີ່ບໍ່ມີໂທດຫຍັງໄດ້ເສຍຊີວິດໄປ, ສັງຄົມຕົກຢູ່ໃນສະພາບວຸ້ນວາຍ, ເຊິ່ງໄດ້ສ້າງຜົນກະທົບອັນໜັກໜ່ວງທີ່ສຸດໃນສັງຄົມ. ທັງໝົດເຫຼົ່ານີ້ສະແດງໃຫ້ເຫັນວ່າກຸ່ມດາໄລລາມະໄຝ່ຝັນໃຊ້ຮູບການອັນຜິດພາດສູ້ກັບລັດຖະບານ, ແລະມີເຈຕະນາແບ່ງແຍກຕິເບດ. ແຕ່ວ່າຂ້ອຍເຊື່ອໝັ້ນວ່າ, ຄວາມວຸ້ນວາຍເຫຼົ່ານີ້ຈະຜ່ານໄປໂດຍໄວ, ລັດຖະບານຈີນສາມາດແກ້ໄຂບັນຫາເຫຼົ່ານີ້ຢ່າງເໝາະສົມແນ່ນອນ. ງານກິລາໂອລິມປິກກໍ່ຈະໄຂຂຶ້ນຢ່າງສະດວກໃນເດືອນສິງຫາປີນີ້.
ທ່ານເອຕູອາໂດ ຄາເອຕາໂນ ຜູ້ຟັງເບຼຊິນກ່າວວ່າ, ເຫດການຈະລາຈົນທີ່ເກີດຂຶ້ນຢູ່ເມືອງລາຊາໃນວັນທີ14ມີນາແລ້ວນີ້ໄດ້ສະແດງໃຫ້ເຫັນເຈຕະນາຂອງກຸ່ມດາໄລລາມະທີ່ໝາຍຈະແບ່ງແຍກຈີນ, ສະນັ້ນຂ້ອຍສະໜັບສະໜູນຢ່າງເຕັມສ່ວນຕໍ່ມາດຕະການແລະຫຼັກໝັ້ນຂອງລັດຖະບານຈີນໃນການຈັດການບັນຫາດັ່ງກ່າວ. ແຕ່ບູຮານນະການມານີ້, ເຂດຕິເບດກໍ່ແມ່ນພາກສ່ວນໜຶ່ງທີ່ຕັດແຍກບໍ່ໄດ້ຂອງແຜ່ນດິນຈີນ. ນີ້ແມ່ນຄວາມຈິງທີ່ບໍ່ຕ້ອງສົງໄສ, ແລະກໍ່ແມ່ນຄວາມຈິງທີ່ປ່ຽນແປງບໍ່ໄດ້ຕະຫຼອດໄປ.
1 2 3 4 5
|
|
|
