ສຽງຈາກອາຊີ, ຫວັງວ່າຈະໄດ້ຊົມງານກິລາໂອລິມປິກຢ່າງມ່ວນຊື່ນ ແຕ່ບໍ່ແມ່ນຄວາມຮຸ່ນແຮງທີ່ຕ່ຳຊ້າ.
ທ່ານອານານດ໌ ໂມຮານ ຜູ້ຟັງລັດອຸດຕາປຼາເດັດອິນເດຍໂທມາຫາເວັບໄຊພາສາອິນດີຂອງCRI-ONLINEວ່າ, ເຫດການຈະລາຈົນທີ່ເກີດຂຶ້ນຢູ່ເຂດຕິເບດເຮັດໃຫ້ຂ້ອຍຕື່ນຕົກໃຈ. ຜ່ານເວັບໄຊຂອງພວກເຈົ້າ, ຂ້ອຍໄດ້ຮູ້ວ່າການປະຕິຮູບແລະໄຂປະຕູສູ່ພາຍນອກຂອງຈີນໄດ້ນຳເອົາຜົນປະໂຫຍດຕົວຈິງຢ່າງຫຼວງຫຼາຍມາໃຫ້ປະຊາຊົນຕິເບດ, ຊີວິດການເປັນຢູ່ຂອງປະຊາຊົນດີຂຶ້ນເທື່ອລະກ້າວ, ໂດຍສະເພາະແມ່ນທາງລົດໄຟຊີ່ງໄຫຕິເບດທີ່ຫາກໍ່ເປີດບໍລິການໃນມໍ່ໆນີ້ໄດ້ເປັນຂົວຕິດຕໍ່ໃຫ້ຕິເບດແລກປ່ຽນທາງການວັດຖຸແລະບຸກຄະລາກອນກັບແຫ່ງຕ່າງໆໃນທົ່ວປະເທດ, ປະຊາຊົນຫຼາຍກວ່າເກົ່າໄດ້ຜ່ານທາງລົດໄຟເສັ້ນນີ້ໄປເຂດຕິເບດ ໄປເບິ່ງແດນທີ່ເລິກລັບສວຍງາມແຫ່ງນີ້. ເຂດຕິເບດຕິດກັບດິນເດຍປະເທດຂອງຂ້ອຍ, ສະນັ້ນສັນຕິພາບແລະສະຖຽນລະພາບຂອງເຂດຕິເບດກໍ່ມີການພົວພັນກັບສັນຕິພາບແລະການພັດທະນາຂອງອິນເດຍ. ຂ້ອຍກ່າວປະນາມເຫດການຈະລາຈົນທີ່ເກີດຂຶ້ນຢູ່ຕິເບດບໍ່ເອົາຫົວຊານຳສັນຕິພາບ, ຫວັງວ່າເຫດການແນວນີ້ຄົງບໍ່ເກີດຂຶ້ນອີກຈັກເທື່ອ.
ອິນເຕີເນັດຂອງເນປານບໍ່ພັດທະນາປານໃດ, ແຕ່ກໍມີຜູ້ໃຊ້ອິນເຕີເນັດໄດ້ສົ່ງຈົດໝາຍມາໃຫ້ເວັບໄຊພາສາເນປານຂອງCRI-ONLINEໂດຍຂຽນວ່າ, ຮູ້ສຶກຄຽດແຄ້ນທີ່ສຸດຕໍ່ກຸ່ມດາໄລລາມະໃຊ້ກຳລັງຮຸນແຮງທຳລາຍເຂດຕິເບດທີ່ນັບມືນັບຈະເລີນຮຸ່ງເຮືອງ, ແລະກ່າວວ່າເດັດດ່ຽວສະໜັບສະໜູນນະໂຍບາຍຈີນດຽວ.
ຜູ້ໃຊ້ອິນເຕີເນັດຕວກກີທີ່ຊື່ວ່າມູຊາ ໂອຊານ ໄດ້ຂຽນວ່າ, ເມື່ອໄດ້ອ່ານເວັບໄຊຂອງພວກທ່ານແລ້ວ, ຂ້າພະເຈົ້າໄດ້ຮູ້ເຖິງເລື່ອງຈິງຂອງເຫດການ. ຂ້າພະເຈົ້າຮູ້ສຶກເສຍໃຈທີ່ສຸດທີ່ໄດ້ຮູ້ວ່າຄວາມສະຫງົບສຸກຂອງຕິເບດທີ່ໄດ້ຮັກສາມາຫຼາຍປີນັ້ນຖືກພວກຄົນບໍ່ດີຈຳນວນໜຶ່ງທຳລາຍ. ຂ້າພະເຈົ້າສະໜັບສະໜູນມາດຕະການຂອງລັດຖະບານຈີນ. ເຫດການທີ່ເກີດຂຶ້ນຢູ່ຕິເບດບໍ່ແມ່ນເຫດການທີ່ເກີດຂຶ້ນຢ່າງບັງເອີນ, ຫາກແມ່ນເຫດການທີ່ໄດ້ວາງແຜນຢ່າງຕັ້ງໃຈ. ງານກິລາໂອລິມປິກປັກກິ່ງແມ່ນງານມະໂຫລານທີ່ຂ້າພະເຈົ້າແລະຄົນທີ່ຢູ່ອ້ອມຂ້າງຂ້າພະເຈົ້າຄອງຄອຍມາດົນນານແລ້ວ, ພວກຂ້າພະເຈົ້າລ້ວນແຕ່ຫວັງຢາກຜ່ານຈາກໂທລະພາບຊົມງານກິລາໂອລິມປິກປັກກິ່ງຢ່າງມ່ວນຊື່ນ, ບໍ່ຄືພວກໃຊ້ກຳລັງຮຸນແຮງທີ່ຊົ່ວຊ້າ.
ຜູ້ໃຊ້ອິນເຕີເນັດອີຣານຫຼາຍທ່ານກໍໄດ້ໂທລະສັບຫຼືຝາກອີເມວມາຫາເວັບໄຊພາສາເປີເຊຍຂອງCRI Online, ລ້ວນແຕ່ສະແດງຄວາມສົນໃຈຕໍ່ເຫດການຈະລາຈົນທີ່ເກີດຂຶ້ນຢູ່ຕິເບດ, ແລະຄວນສະໜັບສະໜູນມາດຕະການຈັດການເຫດການທີ່ກ່ຽວຂ້ອງຂອງລັດຖະບານຈີນ.
ທ່ານຊາອິດ ຣາເຮີມານ ຊາວອາຟການິສະຖານໄດ້ສົ່ງອີເມວມາຫາເວັບໄຊພາສາປູສຕູຂອງCRI Online ໂດຍຂຽນວ່າ, ຂ້າພະເຈົ້າບໍ່ເຂົ້າໃຈເລີຍວ່າເປັນຫຍັງມີຄົນຈຳນວນໜຶ່ງເອົາບັນຫາຕິເບດມາເກາະຫ້ອຍກັບງານກິລາໂອລິມປິກປັກກິ່ງ, ຂ້າພະເຈົ້າເຊື່ອວ່າຈີນມີຄວາມສາມາດຈັດງານກິລາໂອລິມປິກໄດ້ດີ, ຂ້າພະເຈົ້າຄອງຄອຍທີ່ສຸດແລະຈະຕິດຕາມຢ່າງແນ່ນອນ. ທ່ານລາຟອຸຣາ ມານດູເຊີ ຜູ້ຟັງວິທະຍຸພາສາປູສຕູຂອງCRIໄດ້ໂທລະສັບມາໃຫ້ກຳລັງໃຈແກ່ພະນັກງານເວັບໄຊພາສາປູສຕູ, ໂດຍກ່າວວ່າ: ຜ່ານຈາກເວັບໄຊແລະວິທະຍຸຂອງພວກທ່ານ, ຂ້າພະເຈົ້າໄດ້ເຂົ້າໃຈເລື່ອງຈິງຢ່າງຮອບດ້ານ, ຂ້າພະເຈົ້າມີແຕ່ຢາກເວົ້າວ່າ, ຕິເບດແມ່ນພາກສ່ວນໜຶ່ງຂອງຈີນ, ເລື່ອງນີ້ບໍ່ຕ້ອງສົງໄສເລີຍ! ຂໍໃຫ້ພວກທ່ານຈົ່ງພະຍາຍາມເຮັດວຽກ, ຂ້າພະເຈົ້າຈະຕິດຕາມໂດຍຕະຫຼອດ.
1 2 3 4 5
|
