(ເຈ້ຍໂຄສະນາລະຄອນເລື່ອງເຟມ)
ຄຽງຄູ່ກັບບຸນກຸດຈີນ,ບຸນປະເພນີທີ່ສຳຄັນແລະຄຶກຄື້ນທີ່ສຸດຂອງຈີນໃກ້ຈະວຽນມາເຖິງ, ຕະຫລາດສະແດງລາຍການຂອງນະຄອນຫລວງປັກກິ່ງກໍ່ເລີ່ມຄືກຄື້ນຂຶ້ນຄືກັນ.ໃນໄລຍະສະແດງລາຍການທີ່ສຳຄັນທີ່ສຸດໃນປີຫນຶ່ງ,ງິ້ວປັກກິ່ງ,ຊ້ຽງເຊິ່ງທີ່ເປັນສິນລະປະການສະແດງເວົ້າຕະຫລົກມາເຮັດໃຫ້ຄົນຫົວ,ງານດົນຕີຊິມໂຟນີ, ດົນຕີ JAZZ ແລະລະຄອນດົນຕີ Broadway ຂອງຕາເວັນຕົກເຮັດໃຫ້ຜູ່ຊົມສາມາດສຳຜັດກັບສະເຫນ່ທີ່ວັດທະນະທຳພື້ນເມືອງປະສົມປະສານກັບຄວາມທັນສະໄຫມ.ໂຮງລະຄອນເດັກກໍ່ຈະສະແດງລະຄອນໃຫມ່,ເຮັດໃຫ້ເດັກນ້ອຍມີໂອກາດໄປເບິ່ງສິນລະປະເທິງເວທີສະແດງໃນຍາມພັກຮຽນ.ງານສະແດງ 300 ກວ່າຮອບຈະເຮັດໃຫ້ຄົນປັກກິ່ງແລະຜູ່ໄປທ່ຽວປັກກິ່ງໄດ້ຮັບອາຫານຕາທີ່ຍອດຢ້ຽມ.
ຢູ່ໂຮງດົນຕີສວນຈົ່ງຊານທີ່ໃກ້ກັບວັງກູ້ກົ່ງຂອງນະຄອນຫລວງປັກກິ່ງ,ການສະແດງໃນຍາມບຸນກຸດຈີນໄດ້ເລີ່ມດຳເນີນໃນຕົ້ນເດືອນກຸມພານີ້,ແລະຈະດຳເນີນໄປຈົນຮອດທ້າຍເດືອນກຸມພາ, ດົນຕີພື້ນເມືອງ, ງິ້ວປັກກິ່ງແລະຊ້ຽງເຊິ່ງການເວົ້າຕະຫລົກເຮັດໃຫ້ຜູ່ຊົມໄດ້ຊົມວັດທະນະທຳດັ້ງເດີມທີ່ມີຫລາກຫລາຍສີສັນ.
ນາງຈູ້ຈິ່ງ, ຜູ່ຮັບຜິດຊອບຈັດຕັ້ງການສະແດງຢູ່ໂຮງດົນຕີສວນຈົ່ງສານແມ່ນຊ່ຽວຊານໃນຂະແຫນງການຈັດງານສະແດງ,ນາງເຫັນວ່າ, ໃນຍາມບຸນຕະຫລາດການສະແດງຂອງນະຄອນປັກກິ່ງຍັງຈະຄຶກຄື້ນກວ່ານີ້ອີກ, ສະນັ້ນ, ໂຮງດົນຕີແຫ່ງນີ້ໄດ້ຈັດຕັ້ງລາຍການພິເສດຫລາຍຮອບ.ນາງບອກວ່າ:
ບຸນກຸດຈີນແມ່ນບຸນປະເພນີຂອງຊາວຈີນ, ພວກເຮົາໄດ້ຈັດໃຫ້ມີງານດົນຕີພື້ນເມືອງສອງຮອບ,ແລະຍັງຈະຮ່ວມມືກັບໂຮງງິ້ວປັກກິ່ງແຫ່ງຊາດຈັດງານສະແດງງິ້ວປັກກິ່ງສະຫລອງກຸດຈີນສອງຮອບໃນມື້ຂຶ້ນປີໃຫມ່ແລະມື້ອອກໃຫມ່ສອງຄ່ຳເດືອນຈຽງຄືວັນທີ 14 ແລະວັນທີ 15 ກຸມພານີ້, ຍັງມີການສະແດງຊ້ຽງເຊິ່ງສອງຮອບ, ລ້ວມແຕ່ແມ່ນລາຍການພື້ນເມືອງຂອງຄົນຈີນພວກເຮົາ.
1 2 3 4 
