(]ລະຄອນເດັກເລື່ອງນົກຕາເວັນ)
ລະຄອນເລື່ອງນົກຕາເວັນແມ່ນລະຄອນເລື່ອງສຳຄັນທີ່ຂອງໂຮງລະຄອນສິນລະປະເດັກນ້ອຍຈີນທີ່ຈະເລີ່ມສະແດງໃນປີນີ້,ເຊິ່ງໄດ້ນຳເອົາເນື້ອໃນກ່ຽວກັບໂຮ້ວອີ້ຍິງດວງຕາເວັນທີ່ບັນທຶກໄວ້ໃນບົດ ຊ່ານຫ້າຍຈິງ,ທີ່ເປັນບົດປະພັນບູຮານຂອງຈີນ, ແລະໄດ້ດັດແກ້ຕາມຈຸດພິເສດເດັກນ້ອຍຄື:ໃນສະໄຫມບູຮານ, ມີນົກຕາເວັນ 10 ໂຕຜັດປ່ຽນກັນນຸ່ງເສື້ອຕາເວັນໄປຍາມຢູ່ເທິງຟ້າ,ແຕ່ເຊີນອີຣທີ່ເປັນງູຢູ່ເທິງຟ້າເພື່ອສະຫນອງຕັນຫາຂອງຕົນເອງ, ຈິ່ງຕົວະໃຫ້ນົກ ຕາເວັນ 10 ໂຕໄປຍາມຢູ່ເທິງຟ້ານຳກັນ,ແສງຕາເວັນທີ່ແຮງກ້າສ່ອງຈົນເຖິງແຜ່ນທໍລະນີເຫືອດແຫ້ງຫມົດສູ່ຢ່າງ.ສັດສາວາສິ່ງບໍ່ມີບ່ອນລີ້ບ່ອນຊົ້ນ.ນົກຕາເວັນໄດ້ຮູ້ວ່າໂຕເອງຜິດແລ້ວ,ຈິ່ງຂໍໃຫ້ໂຮ້ວອີ້ຍິງປີກຂອງຕົນເອງຖິ້ມ,ແລ້ວປາບເຊິນອີເອີໃຫ້ເສຍໄຊ, ເຮັດໃຫ້ສັດສາວາສິ່ງຟື້ນຊີບຄືນໃຫມ່.
ທ່ານໂຈ່ວເວີນຫົງ, ຜູ່ກຳກັບການສະແດງລະຄອນເລື່ອງນີ້ບອກໃຫ້ນັກຂ່າວຮູ້ວ່າ,ການສະແດງລະຄອນເລື່ອງນີ້ມີຊີວິດຊີວາຫລາຍ, ຫວັງວ່າເມື່ອເບິ່ງນິທານເດັກເລື່ອງນີ້ແລ້ວ, ເດັກນ້ອຍທັງຫລາຍຄົງຈະມ່ວນຊື່ນແລະສຳຜັດກັບວັດທະນະທຳປະເພນີຂອງຈີນ.ທ່ານເວົ້າວ່າ:
ພວກເຮົາໄດ້ມີການທົດລອງໃຫມ່ໆຫລາຍຢ່າງ, ໃນການສະແດງເທິງເວທີແລະວິທີເລົ່າເລື່ອງ, ເຄື່ອງນຸ່ງ,ການສະແດງ,ການຮ້ອງເພງແລະການຟ້ອນລ້ວນແຕ່ໄດ້ໃຊ້ຮູບການໃຫມ່,ງາມຫລາຍ,ທັງມີສີສັນວັດທະນະທຳພື້ນເມືອງຂອງຈີນຢ່າງຫລວງຫລາຍ,ພວກເຮົາຢາກຜ່ານຈາກລະຄອນເລື່ອງນີ້,ໃຫ້ການອະທິບາຍແລະຮັບຮູ້ວັດທະນະທຳພື້ໜເມືອງແບບໃຫມ່ແກ່ເດັກນ້ອຍແລະຜູ່ໃຫຍ່.ຍາມບຸນແມ່ນຍາມທີ່ເດັກນ້ອຍມ່ວນຊື່ນທີ່ສຸດ,ພໍ່ແມ່ກໍ່ມີເວລາຫວ່າງພາລູກໄປເບິ່ງລະຄອນ,ຮັບເອົາແນວຄິດທີ່ດີຂອງລະຄອນ, ຫມົດທຸກຄົນມ່ວນຊື່ນເບີກບານ,ເປັນເລື່ອງທີ່ດີທີ່ສຸດ.
ຍາມບຸນກຸດຈີນ, ນອກຈາກການສະແດງແບບຂາຍປີ້ 300 ກວ່າຮອບທີ່ພວກເຮົາໄດ້ກ່າວມານີ້ແລ້ວ, ອົງການປົກຄອງນະຄອນຫລວງປັກກິ່ງຍັງຈະໃຫ້ການອຸດຫນູນແກ່ຄະນະສິນລະປະອາຊີບຈຳນວນຫນຶ່ງໄປສະແດງຮັບໃຊ້ມວນຊົນຢູ່ເຂດຄຸ້ມຊຸມຊົນແລະຊານເມືອງຢູ່ອ້ອມຂ້າງນະຄອນຫລວງປັກກິ່ງອີກ.
1 2 3 4
