(ລະຄອນເລື່ອງເຟມ)
ລະຄອນເລື່ອງ FAME ແຕ່ງຂຶ້ນໃນຊຸມປີ 1980 ,ເມື່ອໄດ້ສະແດງມາຫລາຍປີແລ້ວກໍ່ຍັງໄດ້ຮັບຄວາມນິຍົມຊົມຊອບສູງຢູ່,ຈົນເກີດຜົນສະ ທ້ອນເຖິງຄົນສອງຮຸ່ນຢູ່ເອີລົບແລະອາມເລກິກາ.ອາດເວົ້າໄດ້ວ່າ,ລະຄອນເລື່ອງນີ້ແມ່ນເລື່ອງຫນຶ່ງທີ່ນຳໄປສະແດງຢູ່ຫລາຍປະເທດທີ່ສຸດ.ເລື່ອງນີ້ແມ່ນເອົາເລື່ອງຈິງທີ່ເກີດຂຶ້ນໃນໂຮງຮຽນສິນລະປະມັດທະຍົມອຸດົມທີ່ມີຊື່ສຽງຂອງນິວຢອກເປັນເບື້ອງຫລັງ,ບັນລະຍາຍປະສົບການຄວາມຫຍຸ້ງຍາກ, ຄວາມເຈັບປວດ,ຄວາມຮັກແລະບົດຮຽນທາງລົບຂອງຊາວຫນຸ່ມຫລາຍໆຄົນທີ່ຫວັງຢາກມີຊື່ສຽງດັງຂຶ້ນໃນມື້ຫນຶ່ງຍາມດຽວ,ໃນທີ່ສຸດຈິ່ງຮູ້ວ່າຢາກໄດ້ຮັບຜົນສຳເລັດກໍ່ຕ້ອງເຮັດແທ້ທຳຈິງແລະກ້າວໄປເທື່ອລະກ້າວ.
ລະຄອນເລື່ອງນີ້ໄດ້ເລີ່ມສະແດງຢູ່ນະຄອນຊຽງໄຮ້,ເມືອງຊູໂຈວແລະເມືອງອື່ນໆຂອງຈີນແຕ່ທ້າຍປີກາຍນີ້,ໄດ້ຮັບຄວານນິຍົມຫລາຍ,ເທື່ອນີ້, ມາສະແດງຢູ່ປັກກິ່ງ,ການຂາຍປີ້ກໍ່ດີຫລາຍ,ນາງຈິ່ນຊີຊຸນ,ຜູ່ຮັບຜິດຊອບການສະແດງລະຄອນ FAME ຢູ່ປັກກິ່ງ, ປະທານບໍລິສັດຊື້ໂປເວີຍເຢ້ຫຸ້ນສ່ວນເຫັນວ່າ, ເນື້ອເລື່ອງທີ່ໃຫ້ກຳລັງໃຈຄົນໄດ້ເຮັດໃຫ້ໄວຫນຸ່ມສະໄຫມນີ້ສະທ້ອນໃຈຫລາຍ.
ການນຳເອົາລະຄອນດົນຕີເລື່ອງນີ້ມາສະແດງຢູ່ຈີນ,ຂ້ອຍຮູ້ສຶກວ່າມັນຈະເກີດຜົນສະທ້ອນທີ່ດີຕໍ່ໄວຫນຸ່ມທັງຫລາຍ,ສາມາດລະດົມໃຫ້ເຂົາເຈົ້າພະຍາຍາມບັນລຸຄວາມຝັນຂອງຕົນເອງ.
ພວກເດັກນ້ອຍແລະນັກຮຽນທີ່ພວມພັກຫນາວກໍ່ແມ່ນຜູ່ຊົມທີ່ສຳຄັນທີ່ສຸດໃນຕະຫລາດສະແດງຍາມກຸດຈີນຄືກັນ.ໂຮງລະຄອນໃຫຍ່ຫລາຍແຫ່ງກໍ່ໄດ້ພິຈາລະນາເຖິງຂໍ້ນີ້,ແລະໄດ້ຈັດໃຫ້ມີລະຄອນເດັກ.ໂຮງລະຄອນສິນລະປະເດັກນ້ອຍຂອງຈີນໄດ້ຈັດໃຫ້ມີການສະແດງລະຄອນສອງເລື່ອງລຽນຕິດ, ເລື່ອງ ທ້າຍຢາງນຽວ ຄືເລື່ອງ ນົກຕາເວັນຈະເລີ່ມສະແດງແຕ່ມື້ອອກໃຫມ່ສາມຄ່ຳເດືອນຈຽງຫລື ວັນທີ 16 ກຸມພາຈົນຮອດວັນທີ 7 ມີນາ.
1 2 3 4
