ຖະໜົນການຄ້າ"ບານາຊາ"ແມ່ນໜຶ່ງໃນບັນດາສິ່ງກໍ່ສ້າງທີ່ເປັນສັນຍະລັກຂອງເມືອງໃໝ່ເປຊ່ວນ.ນາງໂກວຢ້ຽນ ພະນັກງານພະແນກວັດທະນະທຳການທ່ອງທ່ຽວເປຊ່ວນບອກວ່າ: "ບານາຊາ"ແມ່ນພາສາເຜົ່າຊ່ຽງ,ມີຄວາມໝາຍວ່າ"ບ່ອນຊື້ຂາຍສິນຄ້າ"
""ບານາຊາ"ຕົ້ນຕໍແມ່ນສ່ອງແສງໃຫ້ເຫັນວັດທະນະທຳດັ້ງເດີມແລະຜະລິດຕະພັນພິເສດຂອງເຜົ່າຊ່ຽງເປຊ່ວນເຊັ່ນວ່າເຄື່ອງຖັກແສ່ວເຜົ່າຊ່ຽງ,ເຄື່ອງນຸ່ງເຜົ່າຊ່ຽງ,ດົນຕີເຜົ່າຊ່ຽງ,ຜະລິດຕະພັນທ້ອງຖິ່ນພິເສດແລະອື່ນໆ.ໃນນັ້ນໄດ້ສະແດງໃຫ້ເຫັນວັດທະນະທຳເຜົ່າຊ່ຽງຈາກ8ດ້ານເຊັ່ນດົນຕີເຜົ່າຊ່ຽງເປຊ່ວນ,ເປຊ່ວນທີ່ມີສະເໜ່,ຫົວຄິດປະດິດສ້າງຂອງເປຊ່ວນ,ເປຊ່ວນດັ້ງເດີມ,ນາໆສີສັນເປຊ່ວນ,ລາຕີເປຊ່ວນແລະທ່ຽວເມືອງເປຊ່ວນຢ່າງສະໜຸກສະໜານເປັນຕົ້ນ,ເຮັດໃຫ້ນັກທ່ອງທ່ຽວໄດ້ສຳຜັດຮູ້ເຖິງການປ່ຽນແປງຂອງວັດທະນະທຳເຜົ່າຊ່ຽງບູຮານຈາກແບບດັ້ງເດີມເປັນແບບທັນສະໄໝ."
ທ່ານຈູຫົງຈື້ ຜູ່ສືບທອດສືມືເຮັດເຄື່ອງເຄືອບເງົາເປຊ່ວນ
ທ່ານຈູຫົງຈື້ແມ່ນຄົນເມືອງເປຊ່ວນແທ້ໆ,ເພິ່ນພ້ອມກັບເມຍໄດ້ເປີດຮ້ານນ້ອຍແຫ່ງໜຶ່ງຢູ່ຖະໜົນການຄ້າໂດຍຂາຍເຄື່ອງເຄືອບເງົາເຊັ່ນເຟີ້ນີເຈີ້ແລະເຄື່ອງຫັດຖະກຳທີ່ຜະລິດດ້ວຍຕົນເອງ.ສືມືເຮັດເຄື່ອງເຄືອບເງົາແມ່ນເຕັກນິກແບບໜຶ່ງທີ່ເຮັດເຄື່ອງຫັດຖະກຳທີ່ມີຈຸດພິເສດຫຼາຍຢ່າງເຊັ່ນທົນຄວາມຮ້ອນ,ເຊື່ອມກັດແລະກັນທາດກົດໄດ້.ທ່ານຈູ່ຫົງຈື້ຮຽນສີມືນີ້ຕັ້ງແຕ່ອາຍຸ10ປາຍປີ,ປະຈຸບັນ,ເພິ່ນເປັນຜູ່ສຶບທອດສືມືເຮັດເຄື່ອງເຄືອບເງົາເຜົ່າຊ່ຽງເປຊ່ວນພຽງຜູ່ດຽວ.
ເມື່ອເວົ້າເຖິງສາເຫດທີ່ເປີດຮ້ານຢູ່ຖະໜົນການຄ້າ"ບານາຊາ",ທ່ານຈູ່ຫົງຈື້ກ່າວວ່າ,ເພິ່ນຢາກໃຫ້ຄົນນັບມື້ນັບຫຼາຍຮູ້ຈັກກັບວັດທະນະທຳທີ່ມີສີສັນພິເສດຂອງເຜົ່າຊ່ຽງ.
"ຢູ່ຖະໜົນການຄ້າ"ບານາຊາ"ມີນັກທ່ອງທ່ຽວຫຼາຍ,ພວກເຮົາສະແດງມໍລະດົກວັດທະນະທຳເຄື່ອງເຄືອບເງົາທີ່ສືບທອດມາຈາກບັນພະບູລຸດເຜົ່າຊ່ຽງ,ໃຫ້ນັກທ່ອງທ່ຽວຊື້ເຄື່ອງຫັດຖະກຳແລະຜະລິດຕະພັນຂອງເຜົ່າຊ່ຽງພວກເຮົາ,ໃຫ້ເຂົາເຈົ້າຮັບຮູ້ຈຸດພິເສດຂອງເຜົ່າຊ່ຽງພວກເຮົາ."
ນອກຈາກແຫຼ່ງທ່ອງທ່ຽວທີ່ເໝາະແກ່ການເລາະທ່ຽວເຊັ່ນ: ຖະຫນົນການຄ້າປານາຊາແລ້ວ,ເມືອງໃຫມ່ເປຊ່ວນຍັງເປັນບ້ານໃຫມ່ສຳລັບປະຊາຊົນດຳລົງຊີວິດຢ່າງມີຄວາມສຸກ. ເຂດໃຫມ່ເປຊ່ວນຕັ້ງຢູ່ລະຫວ່າງແມ່ນ້ຳອ່ານຊ່າງແລະລຽບສາຍພູເປັນລຽງລາຍ, ແມ່ນ້ຳທີ່ໃສໄຫລຜ່ານຈາກທິດເຫນືອຫາທິດໃຕ້ຂອງເມືອງ, ຕົ້ນໄມ້ທີ່ປູກໃຫມ່ມີຊີວິດຊີວາຫລາຍ. ເຮືອນຢູ່ທີ່ສະອາດງາມຕາແລະອອກແບບພິເສດລຽງເປັນແຖວຢ່າງເປັນລະບຽບຮຽບຮ້ອຍ, ໄດ້ກາຍເປັນພາບທີ່ງາມທີ່ສຸດຂອງເມືອງໃຫມ່.
1 2 3 4
