ໃນຫລາຍປີມານີ້, ແຂວງກວາງຕຸງໄດ້ຖືການເພີ່ມທະວີການແລກປ່ຽນແລະຮ່ວມມືກັບປະເທດຕ່າງໆໃນອາຊຽນເປັນຍຸດທະສາດສຳຄັນຂອງແຂວງ ກວາງຕຸງໃນການສ້າງສະພາບການໃຫມ່ທີ່ໄຂປະຕູສູ່ພາຍນອກ.ທ່ານຫລຽງກຸ້ຍຊ່ວນຊີ້ອອກວ່າ, ກຸ່ມວິສາຫະກິດທີ່ຂຶ້ໜກັບແຂວງກວາງຕຸງແລະແລະວິສາຫະກິດທີ່ຖືບໍລິສັດເມເດຍ,ບໍລິສັດເກີລີ້ແລະບໍລິສັດ TCL ເປັນຕົວແທນນັ້ນລ້ວນແຕ່ໄດ້ລົງທຶນຢ່າງຫລວງຫລາຍຢູ່ປະເທດອາຊຽນ.ໃນນັ້ນ, ບໍລິສັດຫນົງເຄີ່ນໄດ້ສ້າງໂຮງງານປຸງແຕ່ງຢາງພາລາສາມແຫ່ງຢູ່ໄທແລະມະເລເຊຍແລະກຽມສ້າງໂຮງງານປຸງແຕ່ງແຫ່ງທີ 4 ແລະດຳເນີນການທຸລະກິດປູກ ຢາງພາລາ.
ເຂດການຄ້າເສລີຈີນອາຊຽນສ້າງສຳເລັດໃນປີ 2010, ແລະຈະກາຍເປັນເຂດການຄ້າເສລີທີ່ມີປະຊາກອນ 1 ຕື້ 900 ລ້ານຄົນ,GDP 6 ພັນຕື້ໂດລາ,ແລະມີມູນຄ່າການຄ້າ 4500 ຕື້ໂດລາ,ແລະກໍ່ແມ່ນເຂດການຄ້າເສລີທີ່ໃຫຍ່ທີ່ສຸດຂອງປະເທດທີ່ພວມພັດທະນາ.ທ່ານຫລຽງກຸ້ຍຊ່ວນເຫັນວ່າ, ເຂດການຄ້າເສລີຈີນອາຊຽນຈະສ້າງສະພາບທີ່ບໍ່ມີຝ່າຍໃດເສຍປຽບໃຫ້ແກ່ວິສາຫະກິດແລະປະຊາຊົນຂອງຈີນເຊິ່ງລວມທັງແຂວງກວາງຕຸງແລະປະເທດຕ່າງໆໃນອາຊຽນ.ທ່ານກ່າວວ່າ:
ການສ້າງເຂດການຄ້າເສລີຈີນອາຊຽນສຳເລັດຈະນຳເອົາຜົນສະທ້ອນ ອັນຕັ້ງຫນ້າຈາກສາມດ້ານແລະຫມາກຜົນທີ່ບໍ່ມີຝ່ຝາຍໃດເສຍປຽບຄື:ອັນທີຫນຶ່ງ: ຈະຊຸກຍູ້ການຄ້າຂາເຂົ້າຂາອອກລະຫວ່າງສອງຝ່າຍໃຫ້ເຕີບໂຕຢ່າງແຂງແຮງ, ເມື່ອສ້າງເຂດການຄ້າເສລີແລະບັນລຸການປອດພາສີພ້ອມທັງໃຫ້ການຄ້າສະດວກຂຶ້ນແລ້ວ,ກໍ່ຈະເປີດກວ້າງຂະຫນາດຂາເຂົ້າຂາອອກຂອງຜະລິດຕະພັນກົນຈັກ,ເຄື່ອງໃຊ້ປະຈຳວັນແລະຜະລິດຕະພັນແບບຊັບພະຍາກອນລະຫວ່າງກວາງຕຸງກັບອາຊຽນ;ອັນທີສອງ,ການລົງທຶນລະຫວ່າງສອງຝ່າຍມີອະນາຄົດກວ້າງຂວາງແລະມີກຳລັງແຮງບົ່ມຊ້ອນອັນມະຫາສານ.ເມື່ອເຂດການຄ້າເສລີສ້າງສຳເລັດແລ້ວ,ແຂວງກວາງຕຸງຈະດຶງດູດທຶນຈາກສິງກະໂປ, ມະເລເຊຍ,ໄທ,ອິນໂດເນເຊຍແລະຟິລິບປິນ,ທັງຈະໄປລົງທຶນສ້າງໂຮງງານຢູ່ຫວຽດນາມ, ລາວ,ມຽນມາແລະກຳປູເຈຍ;ອັນທີສາມ:ແມ່ນເລັ່ງລັດພັດທະນາຂະແຫນງການບໍລິການດ້ານການຄ້າຂອງກວາງຕຸງ.
1 2 3 4 5 
