ຄຽງຄູ່ກັບການສ້າງເຂດການຄ້າເສລີຈີນອາຊຽນໃຫ້ສຳເລັດ,ແຂວງກວາງຕຸ້ງຈະເຮັດແນວໃດກຳແຫນ້ນໂອກາດ, ເປີດກວ້າງຜົນປະໂຫຍດຂອງທັງສອງຝ່າຍກວາງຕຸ້ງກັບອາຊຽນ, ເພີ່ມທະວີການຮ່ວມມືດ້ານເສດຖະກິດການຄ້າລະຫວ່າງກວາງຕຸ້ງກັບອາຊຽນ, ທ່ານຫລຽງກຸ້ຍຊ່ວນເຫັນວ່າ, ກ່ອນອື່ນຫມົດແມ່ນຕ້ອງຊຸກຍູ້ການຄ້າສິນຄ້າລະຫວ່າງສອງຝ່າຍໃຫ້ຂະຫຍາຍຕົວຢ່າງຮອບດ້ານ,ກ່ຽວກັບເລື່ອງນີ້,ທ່ານໄດ້ມີຂໍ້ສະເຫນີຄືແນວນີ້:
ຈະສະຫນັບສະຫນູນການຄ້າຂາອອກຜະລິດຕະພັນທີ່ມີທ່າແຮງຂອງກວາງຕຸ້ງຄື:ຜະລິດຕະພັນກົນຈັກໄຟຟ້າ,ເຄື່ອງນຸ່ງຫົ່ມ, ເກີບ,ເຄື່ອງປັ້ນດິນເຜົາ,ແລະໂຄມໄຟເປັນຕົ້ນ;ພະຍາຍາມເອົາໃຈໃສ່ຕະຫລາດທີ່ຈະເລີນໃຫມ່ຢູ່ຫວຽດນາມ, ລາວ, ມຽນມາແລະກຳປູເຈຍ.ເພີ່ມການນຳເຂົ້າຜະລິດຕະພັນທີ່ມີທ່າແຮງຂອງອາຊຽນ, ໂດຍສະເພາະແມ່ນຜະລິດຕະພັນກະສິກຳ,ຜະລິດຕະພັນບໍ່ແຮ່ແລະພະລັງງານອື່ນໆ,ສ້າງຊ່ອງທາງສະຫນອງສິນຄ້າທີ່ຫມັ້ນຄົງຍາວນານ.
ທ່ານຫລຽງກຸ້ຍຊ່ວນຊີ້ອອກວ່າ, ໃນຂະນະທີ່ຊຸກຍູ້ການຂະຫຍາຍຕົວຂອງການຄ້າດ້ານສິນຄ້ານັ້ນ, ແຂວງກວາງຕຸ້ງຍັງຈະຕັ້ງຫນ້າຊຸກຍູ້ວິສາຫະກິດກວາງຕຸ້ງເຂົ້າໄປສູ່ອາຊຽນ. ແຂວງກວາງຕຸ້ງຈະຊຸກຍູ້ວິສາຫະກິດທີ່ມີເຕັກນິກພດີຈຳນວນຫນຶ່ງໂດຍສະເພາະແມ່ນຂະແຫນງການກົນຈັກ, ເອເລັກໂຕຼນິກ, ອຸດສາຫະກຳເບົາ,ແຜ່ນແພແລະອື່ນໆໄປສ້າງຖານຜະລິດຢູ່ອາຊຽນ, ຊຸກຍູ້ວິສາຫະກິດເຂົ້າຮ່ວມການກໍ່ສ້າງພື້ນຖານໂຄງລ່າງຂອງປະເທດອາຊຽນເຊັ່ນ:ທ່າກຳປັ່ນ, ຖະຫນົນຫົນທາງ, ພະລັງໄຟຟ້າ,ການສ້າງສາຕົວເມືອງ, ອະນຸລັກສິ່ງແວດລ້ອມແລະການສື່ສານ.
1 2 3 4 5 
