ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 20 ສິງຫານີ້, ທ່ານຊັນວາດໍ ຊານເຊສ ຊີເຣນ ປະທານາທິບໍດີຊັນວາດໍໄດ້ຖະແຫຼງຜ່ານທາງໂທລະພາບວ່າ: ຕົນເຊື່ອໝັ້ນວ່າການສ້າງສາຍພົວພັນທາງການທູດກັບຈີນແມ່ນ “ບາດກ້າວທີ່ຖືກຕ້ອງ” ເຊິ່ງສອດຄ່ອງກັບກົດໝາຍສາກົນ, ຫຼັກການການພົວພັນສາກົນ ທັງສອດຄ່ອງກັບທ່າອ່ຽງລວມແຫ່ງການພັດທະນາຂອງຍຸກສະໄໝປະຈຸບັນທີ່ບໍ່ອາດປີ້ນຄືນໄດ້.
ທ່ານກ່າວຕື່ມວ່າ: ການສ້າງສາຍພົວພັນທາງການທູດກັບຈີນຈະສ້າງຜົນປະໂຫຍດໃຫ້ປະເທດຕົນ ແລະສ້າງໂອກາດໃຫ້ປະຊາຊົນຊັນວາດໍທຸກຄົນໃຫ້ຫຼາຍຂຶ້ນ. “ຈີນເປັນກຸ່ມເສດຖະກິດໃຫຍ່ອັນດັບສອງຂອງໂລກ, ເສດຖະກິດຂະຫຍາຍຕົວຢ່າງບໍ່ຢຸດຢັ້ງ ແລະໝາກຜົນທີ່ໄດ້ຮັບໃນຂົງເຂດຕ່າງໆເຮັດໃຫ້ຈີນກາຍເປັນໜຶ່ງໃນບັນດາປະເທດປະສົບຄວາມສຳເລັດທີ່ສຸດໃນໂລກໃນປັດຈຸບັນນີ້." ນອກຈາກນີ້, ຈີນໄດ້ປະກອບສ່ວນສຳຄັນໃນການຮັກສາສັນຕິພາບໂລກ, ຊຸກຍູ້ການຮ່ວມມືໃຕ້ໃຕ້ ແລະອື່ນໆ, ການສ້າງສາຍພົວພັນທາງການທູດຂອງສອງປະເທດຈະຊຸກຍູ້ການປະສານງານໃນວຽກງານສາກົນ ແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.
ຄຳເຫັນ
0