ຕອນ​ເຊົ້າ​ວັນ​ທີ 13 ກັນ​ຍານີ້, ເຂດ​ທິວ​ທັດ​ຮວງ​ຊ່ານ​ແຂວງ​ອ່ານ​ຮຸ່ຍ​ມີ​​ເຝື້ອ​ຂາວປົກ​ຄຸມ, ​ສະ​ນັ້ນ, ບາງ​ເທື່ອ​ເຫັນ​ພາບ​ຈອມ​ພູ​ຕ່າງໆ ແຕ່ບາງ​ເທື່ອ​ກໍ​ບໍ່​ເຫັນຈອມ​ພູ. ເມື່ອ​ຂຶ້ນ​ບ່ອນ​ສູງຫຼຽວມອງ​ໄປ​​ໄກ​ສຸດ​ສາຍ​ຕາ, ຈອມ​ພູ​ລຽນ​ຮົ່ວ (ດອກ​ບົວ), ຈອມ​ພູ​ທ່ຽນ​ຕູ່ (ເມືອງ​ເອກ​ຂອງ​ສະ​ຫວັນ​) ພ້ອມ​ດ້ວຍ​ຈອ​ມ​ພູ​ຕ່າງໆ​ຢູ່​ທິດ​ຕາ​ເວັນ​ຕົກ ຖືກ​ເຝື້ອ​ຂາວ​ດົກ​ໜານັ້ນ​ປົກ​ຄຸມ, ຕົ້ນ​ສົນ​ຮ​ວງ​ຊ່ານ​ທີ່​ມີ​ຮູບ​ຊົງ​ທັງ​ແປກ​ທັງ​ງາມ ແລະ ຫີນ​ສີ​ນ້ຳ​ຕານໄດ້​ປະ​ສົມ​ກົມ​ກຽວ​ກັນ​ກັບ​ທະ​ເລ​​ເຝື້ອ ເຊິ່ງ​ໄດ້​ຕົບ​ແຕ່ງ​ພູ​ຮວງ​ຊ່ານ​ຢ່າງ​ສວຍ​ສົດ​ງົດ​ງາມ​ປານ​ຮູບ​ແຕ້ມ.