ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ກັນຍານີ້, ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດກ່າວວ່າ ສະພາບບັນຫາຢາເສບຕິດ ທົ່ວໂລກໜ້າຕື່ນຕົກໃຈຫຼາຍ, ປະຊາຄົມໂລກຄວນໃຊ້ການເຄື່ອນໄຫວທີ່ເຂັ້ມແຂງກວ່ານີ້ເພື່ອຮັບມືກັບບັນຫາຫຍຸ້ງຍາກສັບສົນນີ້.
ທ່ານກູເຕີເຣັສກ່າວໃນກອງປະຊຸມລະດັບສູງຂອງອົງການສະຫະປະຊາຊາດວ່າດ້ວຍການຮຽກຮ້ອງໃຫ້ທົ່ວໂລກໃຊ້ການກະທຳເພື່ອຮັບມືກັບບັນຫາຢາເສບຕິດໃນໂລກວ່າ: ບັນຫາຢາເສບຕິດກໍຄືການຕິດຢາເສບຕິດຈະມີຢູ່ທຸກເວລາ, ປະຊາຄົມໂລກຕ້ອງໃຊ້ການກະທຳເພື່ອຮັບມືກັບບັນຫານີ້ໃນທັນທີ.
ທ່ານກູເຕີເຣັສກ່າວວ່າ: ປະລິມານການຜະລິດຢາຝິ່ນແລະໂຄເຄນຂອງໂລກໄດ້ສ້າງສະຖິຕິສູງອີກ. ໃນຊຸມປີມໍ່ໆມານີ້,ທົ່ວໂລກມີປະມານ 31 ລ້ານຄົນຕ້ອງເຂົ້າຮັບການປິ່ນປົວຍ້ອນຕິດຢາເສບຕິດ, ແຕ່ລະປີມີປະມານ 450.000 ຄົນເສຍຊີວິດຍ້ອນການໃຊ້ຢາເສບຕິດເກີນສ່ວນຫຼືສຸຂະພາບມີບັນຫາກ່ຽວພັນກັບຢາເສບຕິດ.
ທ່ານກູເຕີເຣັສຍັງກ່າວຕື່ມວ່າ: ເພື່ອຮັບມືກັບບັນຫາຫຍຸ້ງຍາກສັບສົນດັ່ງກ່າວນີ້, ປະຊາຄົມໂລກຕ້ອງໃຊ້ການກະທຳຢ່າງເຂັ້ມແຂງໃນສອງດ້ານຄືໜຶ່ງ ຄວນປາບປາມການຄ້າຢາເສບຕິດແລະຜູ້ຄ້າຂາຍຢາເສບຕິດ, ເດັດດ່ຽວບໍ່ໃຫ້ຜູ້ຄ້າຂາຍຢາເສບຕິດມີບ່ອນລົບລີ້ທີ່ປອດໄພ, ດຳເນີນການຮ່ວມມືລະຫວ່າງຊາດຢ່າງມີປະສິດທິຜົນຫຼາຍກວ່າເກົ່າທັງມ້າງເພທຳລາຍເຄືອຂ່າຍຄ້າຂາຍຢາເສບຕິດແລະອື່ນໆ, ສອງ: ຄວນຮັບປະກັນໃຫ້ຜູ້ຕິດຢາເສບຕິດໄດ້ຮັບການປິ່ນປົວ.
ຄຳເຫັນ
0