ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊິນຮວາ: ວັນທີ 13 ພະຈິກນີ້, ອັງກິດ ແລະ ສະຫະພາບເອີລົບກ້າວເຖິງຂັ້ນມີຄວາມເຫັນເປັນເອກະພາບກັນກ່ຽວກັບເນື້ອໃນສັນຍາ “ຖອນຕົວອອກຈາກສະຫະພາບເອີລົບ”. ຫາງສຽງເຫັນວ່າ, ນີ້ເປັນບາດກ້າວສຳຄັນສຳລັບອັງກິດແລະສະຫະພາບເອີລົບໃນການເຈລະຈາ “ຖອນຕົວອອກຈາກສະຫະພາບເອີລົບ” ເປັນເວລາປີກວ່າມານີ້.
ທ່ານຣົບ ເມກາເຟີສັນ ໂຄສົກສຳນັກງານນາຍົກລັດຖະມົນຕີອັງກິດກ່າວວ່າ, ສອງຝ່າຍໄດ້ຜ່ານຜ່າການເຈລະຈາທີ່ຍາກລຳບາກ ແລະ ໄດ້ບັນລຸສັນຍາໃນທີ່ສຸດ, ແຕ່ຍັງບໍ່ທັນໄດ້ເປີດເຜີຍເນື້ອໃນສັນຍາ. ທ່ານກ່າວຕື່ມວ່າ, ທ່ານນາງເທເຣຊາ ເມ ນາຍົກລັດຖະມົນຕີອັງກິດຈະເປັນປະທານຈັດກອງປະຊຸມຄະນະລັດຖະບານໃນຕອນບ່າຍວັນທີ 14 ພະຈິກນີ້ ເພື່ອປຶກສາຫາລືເນື້ອໃນສັນຍາ ແລະ ແຜນການຕໍ່ໄປ.
ປັດຈຸບັນ, ຫາງສຽງອັງກິດໃຫ້ຄວາມສົນໃຈທີ່ສຸດຕໍ່ເນື້ອໃນສັນຍາກ່ຽວກັບບັນຫາຊາຍແດນທີ່ພົວພັນເຖິງອຽກລັງ. ເດືອນແລ້ວນີ້, ນາຍົກລັດຖະມົນຕີອັງກິດເຄີຍກ່າວວ່າ, ການເຈລະຈາ “ຖອນຕົວອອກຈາກສະຫະພາບເອີລົບ” ໄດ້ສຳເລັດໄປແລ້ວ 95% ເຫຼືອພຽງບັນຫາຊາຍແດນອຽກລັງເທົ່ານັ້ນ.
ຄຳເຫັນ
0