ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານວະລະດີເມຍ ປູຕິນ ປະທານາທິບໍດີຣັດເຊຍກ່າວໃນວັນທີ 14 ພະຈິກນີ້ວ່າ: ຣັດເຊຍໃຫ້ຄວາມສຳຄັນຢ່າງສູງຕໍ່ການເສີມຂະຫຍາຍສາຍພົວພັນກັບອາຊຽນບົນພື້ນຖານເຄົາລົບນັບຖືເຊິ່ງກັນແລະກັນແລະຄຳນຶງເຖິງຜົນປະໂຫຍດຂອງກັນແລະກັນ.
ທ່ານປູຕິນກ່າວໃນໂອກາດເຂົ້າຮ່ວມກອງປະຊຸມສຸດຍອດຣັດເຊຍ-ອາຊຽນທີ່ຈັດຂຶ້ນຢູ່ສິງກະໂປໃນວັນທີ 14 ພະຈິກນີ້ວ່າ: ການພົວພັນດ້ານເສດຖະກິດລະຫວ່າງຣັດເຊຍກັບອາຊຽນກຳລັງຂະຫຍາຍຕົວໄປໜ້າ, ສອງຝ່າຍໄດ້ຮ່ວມມືກັນໃນຫຼາຍຂົງເຂດເຊິ່ງລວມທັງອຸດສາຫະກຳ,ວິທະຍາສາດເຕັກໂນໂລຊີຂັ້ນສູງ,ພະລັງງານແລະກະສິກຳ, ສອງຝ່າຍກຳລັງຈັດຕັ້ງປະຕິບັດແຜນການຮ່ວມມືຕົວຈິງໃຫ້ປະສົບຜົນສຳເລັດ. ທ່ານປູຕິນກ່າວຕື່ມວ່າ, ຣັດເຊຍແລະອາຊຽນໄດ້ປະສານງານກັນໃນບັນຫາສຳຄັນໃນພາກພື້ນອາຊີປາຊີຟິກ, ຮ່ວມກັນຮັບມືກັບສິ່ງທ້າທາຍແລະໄພຂົ່ມຂູ່ໃນດ້ານຄວາມໝັ້ນຄົງຂອງພາກພື້ນ ທັງໄດ້ຮັດແໜ້ນການຮ່ວມມືໃນການຕໍ່ຕ້ານລັດທິກໍ່ການຮ້າຍ,ການຄ້າຂາຍຢາເສບຕິດແລະອາຊະຍາກຳຢ່າງມີການຈັດຕັ້ງ.
ນອກນີ້, ທ່ານປູຕິນຍັງໄດ້ເຊື້ອເຊີນບຸກຄົນວົງການການເມືອງແລະທຸລະກິດຂອງບັນດາປະເທດອາຊຽນໄປເຂົ້າຮ່ວມກອງປະຊຸມເວທີປຶກສາຫາລືເສດຖະກິດສາກົນແລະກອງປະຊຸມເວທີປຶກສາຫາລືເສດຖະກິດຕາເວັນອອກແຊນປີເຕີສະເບີກທີ່ຈະຈັດຂຶ້ນຢູ່ຣັດເຊຍໃນປີໜ້າ.
ຄຳເຫັນ
0