ວັນ​ທີ 16 ກັນ​ຍາ​ນີ້, ການ​ແຂ່ງ​ຂັນ​​ລົດ​ຣາ​ລີ​ສາ​ກົນ​ຈີນ-ອາ​ຊຽນປີ 2019 ໄດ້​ຈັດ​ການ​ແຂ່ງ​ຂັນ​ຢູ່​ຕໍ່​ໜ້າ​ສູນ​ການ​ຄ້າ​ວຽງ​ຈັນ​ເຊັນ​ເຕີຢູ່​ນະ​ຄອນ​ຫຼວງວຽງ​ຈັນ ສ​ປ​ປ ລາວ. ນັກ​ແຂ່ງລົດ​ຈາກ​ຈີນ​ແລະ​ບັນ​ດາ​ປະ​ເທດ​ອາ​ຊຽນ 60 ຄົນ​ໄດ້​ແບ່ງ​ເປັນ 20​ ທິມ,ແຂ່ງ​ຂັນ​ສີ​ມື​ດ້ວຍ​ລີ​ລາ​ຕ່າງໆ​ແລະ​ຈັດ​ກິດ​ຈະ​ກຳ​ມ່ວນ​ຊື່ນ​ເຊັ່ນ:ການ​ເອົາ​ແກັດ​ເຈ້ຍ​ໃສ່​ທ້າຍ​ລົດ,ການ​ປ່ຽນ​ລໍ້​ຢາງ​ລົດ,ການ​ຈອດ​ລົດ​ເຂົ້າ​ບ່ອນ​ທີ່​ກຳ​ນົດ​ໄວ້​ດ້ວຍ​ການ​ແນບ​ເຂົ້າ​ແລະ​ຖອຍ​ເຂົ້າ​ແລະ​ລາຍ​ການ​ອື່ນໆ. ໃນ​ທີ່​ສຸ​ດ​ທິມ​ແຂ່ງ​ລົດ​ຈາກ​ລາວ​ໄດ້​ຊະ​ນະ​ເລີດ.