ຕາມຂ່າວ CRI: ຫວ່າງບໍ່ດົນມານີ້, ເຈົ້າໜ້າທີ່ຕໍາຫຼວດລາວ-ຈີນໄດ້ປະສານສົມທົບກັນເພື່ອຕ້ານອາຊະຍາກຳການຫຼອກລວງທາງໂທລະຄົມ ໂດຍໄດ້ທຳລາຍຈຸດຫຼອກລວງທາງໂທລະຄົມຫຼາຍຈຸດຢູ່ລາວ ແລະສາມາດຈັບຜູ້ຕ້ອງຫາຄົນຈີນໄດ້ຈຳນວນໜຶ່ງ. ໃນຕອນທ່ຽງວັນທີ 15 ຕຸລານີ້, ເຈົ້າໜ້າທີ່ຕໍາຫຼວດລາວໄດ້ມອບຜູ້ຕ້ອງຫາຄົນຈີນເຫຼົ່ານີ້ໃຫ້ແກ່ເຈົ້າໜ້າທີ່ຕໍາຫຼວດຈີນ ແລະຄຸມສົ່ງກັບຄືນປະເທດຈີນດ້ວຍຍົນເໝົາລໍາເພື່ອໄປດຳເນີນຄະດີຕາມກົດໝາຍຢູ່ຈີນ.