ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມຫົວໜ້າຜູ້ແທນການເຈລະຈາເຂດການຄ້າເສລີຈີນ,ຍີ່ປຸ່ນແລະສ.ເກົາຫຼີຮອບທີ 16 ໄດ້ຈັດຂຶ້ນຢູ່ນະຄອນຫຼວງເຊອູນປະເທດສ.ເກົາຫຼີແຕ່ວັນທີ 28 ຫາ 29 ພະຈິກນີ້.
ສາມຝ່າຍດັ່ງກ່າວມີຄວາມເຫັນເປັນເອກະພາບກັນວ່າ: ການສ້າງເຂດການຄ້າເສລີຈີນ,ຍີ່ປຸ່ນແລະສ.ເກົາຫຼີສອດຄ່ອງກັບຜົນປະໂຫຍດຮ່ວມຂອງສາມປະເທດ,ໂດຍສະເພາະແມ່ນພາຍໃຕ້ສະພາບການໃນປັດຈຸບັນທີ່ລັດທິປົກປ້ອງການຄ້າເງີຍຫົວຂຶ້ນແລະສະຖານະການດ້ານເສດຖະກິດຂອງໂລກມີຄວາມສັບສົນຍິ່ງໆຂຶ້ນ,ຄວນອີງຕາມຄວາມຮັບຮູ້ຢ່າງເປັນເອກະພາບລະຫວ່າງຜູ້ນຳສາມປະເທດ,ເລັ່ງລັດຂະບວນການເຈລະຈາ,ສ້າງສັນຍາການຄ້າເສລີທີ່ຮອບດ້ານ,ມີຄຸນນະພາບສູງ,ຕ່າງຝ່າຍຕ່າງມີຜົນປະໂຫຍດແລະມີຄຸນຄ່າຂອງຕົນສະບັບໜຶ່ງຢ່າງຕັ້ງໜ້າ,ຂຸດຄົ້ນຄວາມສາມາດບົ່ມຊ້ອນດ້ານການຮ່ວມມືລະຫວ່າງສາມປະເທດຕື່ມອີກ,ເພື່ອສ້າງພະລັງແຮງໃໝ່ໃຫ້ແກ່ເສດຖະກິດໂລກ.
ການເຈລະຈາຮອບດັ່ງກ່າວໄດ້ເລີ່ມຕົ້ນໃນວັນທີ 27 ພະຈິກນີ້,ທັງສາມຝ່າຍໄດ້ແລກປ່ຽນຄວາມຄິດຄວາມເຫັນຢ່າງເລິກເຊິ່ງກ່ຽວກັບການຍົກລະດັບການຄ້າເສລີແລະສ້າງຄວາມສະດວກໃຫ້ແກ່ການລົງທຶນຫຼາຍກວ່າເກົ່າແລະການສ້າງສັນຍາການຄ້າເສລີ RCEP+ ບົນພື້ນຖານສັນຍາການພົວພັນຄູ່ຮ່ວມເສດຖະກິດຮອບດ້ານຂອງພາກພື້ນຫຼື RCEP ທີ່ສາມຝ່າຍເຂົ້າຮ່ວມ,ພ້ອມທັງໄດ້ບັນລຸຄວາມຮັບຮູ້ທີ່ເປັນເອກະພາບຢ່າງຕັ້ງໜ້າກ່ຽວກັບການວາງແຜນວຽກງານໃນຂັ້ນຕອນຕໍ່ໄປ.
ຄຳເຫັນ
0