ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 1 ທັນວານີ້, ໃນເວລາສົມເດັດພະເທບຣັດຕະນະລາຊະສຸດາ ສະຫຍາມບໍຣົມລາຊະກຸມມາລີ ມະຫາຈັກກຣີສິລິນທອນຊົງເຂົ້າຮ່ວມກິດຈະກຳຢູ່ສະຖານເອກອັກຄະລັດຖະທູດຈີນປະຈຳໄທ, ພະອົງຊົງກ່າວວ່າ: ຍິນດີສືບຕໍ່ສຸມຄວາມພະຍາຍາມເພື່ອຊຸກຍູ້ມິດຕະພາບໄທ-ຈີນໃຫ້ໄດ້ຮັບການປັບປຸງກ້າວເຂົ້າສູ່ລວງເລິກຢ່າງບໍ່ຢຸດຢັ້ງ.
ວັນທີ 1 ທັນວານີ້, ສະຖານທູດຈີນປະຈຳໄທໄດ້ຈັດກິດຈະກຳເພື່ອຊົມເຊີຍສົມເດັດພະເທບທີ່ໄດ້ຮັບ“ຫຼຽນກາມິດຕະພາບ”ຂອງຈີນ. ພະອົງໄດ້ເອົາຫຼຽນກາອອກມາໃຫ້ແຂກຊົມ, ແລະຊົງກ່າວວ່າ: ຮູ້ສຶກເປັນກຽດທີ່ໄດ້ເປັນສັກຂີພິຍານແລະເຂົ້າຮ່ວມຂະບວນວິວັດທີ່ຍິ່ງໃຫຍ່ແຫ່ງການຂະຫຍາຍມິດຕະພາບໄທ-ຈີນ, ຍິນດີສືບຕໍ່ສຸມຄວາມພະຍາຍາມເພື່ອຊຸກຍູ້ມິດຕະພາບໄທ-ຈີນໃຫ້ໄດ້ຮັບການປັບປຸງກ້າວເຂົ້າສູ່ລວງເລິກຢ່າງບໍ່ຢຸດຢັ້ງ.
ໃນເວລາກ່າວຄຳປາໄສ, ທ່ານຫຼຸຍຈ້ຽນ ເອກອັກຄະລັດຖະທູດຈີນປະຈຳໄທໄດ້ກ່າວຍ້ອງຍໍໃນລະດັບສູງຕໍ່ສົມເດັດພະເທບທີ່ໄດ້ຄົ້ນຄວ້າແລະເຜີຍແຜ່ວັດທະນະທຳຈີນຕະຫຼອດຫຼາຍສິບປີທີ່ຜ່ານມາ, ແລະໄດ້ປະກອບສ່ວນທີ່ດີເດັ່ນເຂົ້າໃນການຊຸກຍູ້ການຮ່ວມມືທີ່ແທ້ຈິງແລະມິດຕະພາບອັນເປັນມູນເຊື້ອລະຫວ່າງຈີນ-ໄທ.
ເດືອນກັນຍາປີນີ້, ລັດຖະບານຈີນໄດ້ມອບ“ຫຼຽນກາມິດຕະພາບ”ໃຫ້ແກ່ສົມເດັດພະເທບຣັດຕະນະລາຊະສຸດາ ສະຫຍາມບໍຣົມລາຊະກຸມມາລີ ມະຫາຈັກກຣີສິລິນທອນ.
ຄຳເຫັນ
0