ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ມິຖຸນານີ້, ໜ່ວຍງານນຳພາວຽກງານຮັບມືກັບສະພາບພະຍາດໂຄວິດ-19 ສູນກາງຈີນໄດ້ຈັດກອງປະຊຸມ ໂດຍຊີ້ອອກວ່າ: ປະຈຸບັນ ການທົດລອງຄົ້ນຄ້ວາຜະລິດຢາວັກແຊ້ງທີ່ກ່ຽວຂ້ອງໄດ້ຮັບຜົນສຳເລັດເປັນກ້າວໆ, ຕ້ອງເຄົາລົບກົດເກນວິທະຍາສາດ, ຕັ້ງໜ້າຊຸກຍູ້ການທົດລອງປິ່ນປົວພະຍາດໃນທຸກໄລຍະຕາມກົດໝາຍແລະກົດລະບຽບ, ພະຍາຍາມໃຫ້ມີຄວາມຄືບໜ້າໂດຍໄວ.
ກອງປະຊຸມຍັງຊີ້ອອກວ່າ: ສະພາບພະຍາດຢູ່ຈີນໃນປັດຈຸບັນຍັງຢູ່ໃນລະດັບທີ່ໝັ້ນທ່ຽງໂດຍລວມ, ແຕ່ກໍບໍ່ຄວນປະໝາດຄວາມສ່ຽງທີ່ພະຍາດຈາກຕ່າງປະເທດຈະແຜ່ລະບາດເຂົ້າມາ. ໃນໄລຍະຕໍ່ໄປ, ຕ້ອງສືບຕໍ່ຈັດຕັ້ງປະຕິບັດມາດຕະການປ້ອງກັນແລະຄວບຄຸມພະຍາດຢ່າງເປັນປົກກະຕິ, ແຫ່ງຕ່າງໆຕ້ອງອີງຕາມສະພາບການຟື້ນຟູຄວາມເປັນລະບຽບຮຽບຮ້ອຍດ້ານການຜະລິດແລະການດຳລົງຊີວິດພາຍໃນປະເທດ ແລະການໄປມາຫາສູ່ກັນກັບຄົນຕ່າງປະເທດອາດຈະເພີ່ມຫຼາຍຂຶ້ນ, ປັບປຸງແລະຈັດຕັ້ງປະຕິບັດມາດຕະການປ້ອງກັນແລະຄວບຄຸມພະຍາດຕາມສະພາບຕົວຈິງ. ຊຸກຍູ້ໃຫ້ຂະແໜງການຕ່າງໆ ເປັນຕົ້ນການທ່ອງທ່ຽວ, ວັດທະນະທຳ ແລະກິລາເພີ່ມທະວີການຟື້ນຟູກິດຈະການ.
ກອງປະຊຸມຊີ້ອອກວ່າ: ຕ້ອງສືບຕໍ່ເຮັດວຽກກວດກາກຸ່ມຄົນສຳຄັນເປົ້າໝາຍທີ່ມີຄວາມປາຖະໜາຢາກກວດຫາເຊື້ອໃຫ້ຫຼາຍເທົ່ານີ້ຈະຫຼາຍໄດ້ຈົນສຸດຄວາມສາມາດ, ໂດຍສະເພາະຕ້ອງເລັ່ງລັດການຄົ້ນຄວ້າຜະລິດນ້ຳຢາບົ່ງມະຕິພະຍາດແລະອຸປະກອນເຄື່ອນທີ່ທີ່ສະດວກເພື່ອບົ່ງມະຕິພະຍາດ. ຕ້ອງເພີ່ມຄວາມສາມາດໃນການຮັບມືກັບສະພາບສຸກເສີນໃນການປ້ອງກັນແລະຄວບຄຸມພະຍາດ, ການປິ່ນປິ່ວພະຍາດ ແລະການສະສົມອຸປະກອນປ້ອງກັນພະຍາດ.
ຄຳເຫັນ
0