ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 31 ກໍລະກົດຜ່ານມານີ້, ຈີນໄດ້ເປີດນຳໃຊ້ລະບົບນຳທາງດ້ວຍດາວທຽມທົ່ວໂລກເປີຍໂຕ 3 ຢ່າງເປັນທາງການ. “ເປີຍໂຕຂອງໂລກ” ໄດ້ກ້າວເຂົ້າສູ່ຍຸກໃຫ້ບໍລິການທົ່ວໂລກຢ່າງຮອບດ້ານ.
ການສ້າງຕັ້ງລະບົບນຳທາງດ້ວຍດາວທຽມເປີຍໂຕໄດ້ດຳເນີນມາເປັນເວລາ 26 ປີ ແລະ ສ້າງສຳເລັດຢ່າງຮອບດ້ານໃນປີນີ້ ເຊິ່ງຈະສາມາດໃຫ້ບໍລິການດ້ານການກຳນົດຈຸດທີ່ຕັ້ງທີ່ມີຄວາມແໝ່ນຢຳບໍ່ຮອດ 10 ແມັດແກ່ລູກຄ້າທົ່ວໂລກ. ລະບົບເປີຍໂຕໄດ້ເຊື່ອມຕໍ່ກັບສັນຍານລະບົບໂກລນາສຂອງຣັດເຊຍ, ຈີນແລະອາເມຣິກາໄດ້ສຳເລັດການເຊື່ອມຕໍ່ສັນຍາ ແລະ ການນຳໃຊ້ເຊິ່ງກັນແລະກັນລະຫວ່າງສັນຍານລະບົບເປີຍໂຕກັບລະບົບ GPS, ຈີນ ແລະ ເອີຣົບພວມລົງເລິກການປະສານງານຄື້ນຄວາມຖີ່ວິທະຍຸ. ປັດຈຸບັນ, ລະບົບເປີຍໂຕໄດ້ກາຍເປັນລະບົບນຳທາງດ້ວຍຄື້ນວິທະຍຸທົ່ວໂລກ ທີ່ໄດ້ຮັບຄວາມເຫັນດີຈາກອົງການວຽກງານທາງທະເລສາກົນ; ປັດຈຸບັນ, ມີ 137 ປະເທດ ໄດ້ເຊັນສັນຍາຮ່ວມມືກັບລະບົບນຳທາງດ້ວຍດາວທຽມເປີຍໂຕແລ້ວ.
“ເປີຍໂຕຂອງໂລກ” ເນັ້ນໃສ່ການຮ່ວມມືສາກົນ ແລະ ການໃຫ້ບໍລິການທົ່ວໂລກ. ຈີນມີທ່າທີຮ່ວມມືທີ່ເປີດກວ້າງ ເພື່ອຮ່ວມກັນຊົມໃຊ້ໝາກຜົນດ້ານການສ້າງສາພັດທະນາລະບົບເປີຍໂຕກັບບັນດາປະເທດໃນໂລກ.
ໃນສະໄໝບູຮານ, ຄົນຈີນໄດ້ໃຊ້ດາວເປີຍໂຕ 7 ດວງກຳນົດທິດທາງ, ຄົນຈີນໃນຊູ່ມື້ນີ້ໄດ້ໃຫ້ບໍລິການແກ່ທົ່ວໂລກດ້ວຍລະບົບນຳທາງດ້ວຍດາວທຽມເປີຍໂຕ. ເມື່ອຈ້ອງມອງອະນາຄົດ, ລະບົບເປີຍໂຕຍ່ອມຈະໃຫ້ການບໍລິການແກ່ທົ່ວໂລກ ແລະ ສ້າງຄວາມສຸກໃຫ້ແກ່ມວນມະນຸດ ດ້ວຍສັບພະຄຸນ ແລະ ບົດບາດທີ່ດີກວ່າເກົ່າ.
ຄຳເຫັນ
0