ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກຸມພານີ້, ທ່ານ ຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມເປີດກວ້າງລະດັບລັດຖະມົນຕີກ່ຽວກັບບັນຫາວັກຊີນພະຍາດໂຄວິດ-19 ຂອງສະພາຄວາມໝັ້ນຄົງອົງການສະຫະປະຊາຊາດໂດຍຜ່ານທາງວິດີໂອ, ພ້ອມທັງໄດ້ກ່າວຄຳປາໄສທີ່ມີຫົວຂໍ້ວ່າ “ຖືປະຊາຊົນເປັນໃຈກາງ ເພີ່ມທະວີການຮ່ວມມືກັນຕ້ານກັບພະຍາດໂຄວິດ-19 ຂອງໂລກ”.
ທ່ານ ຫວາງຢີ້ ກ່າວວ່າ: ພວກເຮົາຕ້ອງສຸມຄວາມພະຍາຍາມໃຫ້ຫຼາຍກວ່າເກົ່າ, ເພື່ອປະກອບສ່ວນອັນໃໝ່ເຂົ້າໃນການຕ້ານກັບການແຜ່ລະບາດຂອງພະຍາດໂຄວິດ-19 ແລະປົກປັກຮັກສາສັນຕິພາບ. ທ່ານໄດ້ສະເໜີຈຸດຢືນ 4 ຂໍ້ຄື: ໜຶ່ງ, ຍຶດໝັ້ນການຖືເອົາປະຊາຊົນຢູ່ເໜືອກວ່າທຸກສິ່ງທຸກຢ່າງ,ເພີ່ມທະວີການຮ່ວມມືຕ້ານກັບພະຍາດໂຄວິດ-19 ຂອງໂລກ; ສອງ, ຈັດຕັ້ງປະຕິບັດມະຕິຕົກລົງຂອງສະພາຄວາມໝັ້ນຄົງອົງການສະຫະປະຊາຊາດຢ່າງຮອບດ້ານ,ສ້າງສະພາບແວດລ້ອມທີ່ດີໃຫ້ແກ່ການຕ້ານກັບພະຍາດໂຄວິດ-19; ສາມ, ແກ້ໄຂບັນຫາການຂາດແຄນວັກຊີນພະຍາດໂຄວິດ-19, ເພີ່ມການຊ່ວຍເຫຼືອປະເທດພວມພັດທະນາ; ສີ່, ເພີ່ມທະວີການປະສານງານ,ເສີມຂະຫຍາຍບົດບາດຢ່າງເປັນລະບົບຂອງອົງການສະຫະປະຊາຊາດຢ່າງເຕັມສ່ວນ.
ຫົວຂໍ້ຂອງກອງປະຊຸມຄັ້ງນີ້ແມ່ນ “ຮັບປະກັນໃຫ້ປະເທດຕ່າງໆໄດ້ຮັບວັກຊີນພະຍາດໂຄວິດ-19 ຢ່າງຍຸຕິທຳພາຍໃຕ້ສະພາບທີ່ມີການປະທະກັນແລະບໍ່ມີຄວາມໝັ້ນຄົງ.”
ຄຳເຫັນ
0