ທ່ານຕ້າ ເອແພັກ ນັກຮ້ອງຊື່ດັງຂອງລາວທີ່ຜູ້ພາກສຽງພະເອກຮູບເງົາເລື່ອງ "ໝາປ່າພະຈົນໄພ"ກ່າວວ່າມັນເປັນສິ່ງທ້າທາຍເຊິ່ງເບິ່ງຄືວ່າງ່າຍແຕ່ເຮັດຍາກ.ທ່ານກ່າວວ່າ:
ແຕ່ກ່ອນຄິດວ່າງ່າຍແຕ່ກ່ອນມີຕຳໜິວ່ານັກພາກບໍ່ກົງກັບໂຕລະຄອນ, ແຕ່ຫລັງຈາກຕົນ ເອງລອງເບິ່ງ, ໂອ້ເປັນພາສາທີ່ເວົ້າປົກກະຕິຂອງເຮົານີ້ແຫລະແຕ່ເວລາພາກຮູບເງົາມັນຄືຍາກ ແທ້, ເຮົາຕ້ອງເຂົ້າໃຈບົດລະຄອນ, ຕ້ອງເຂົ້າໃຈເຖິງໂຕຕົນຂອງເຂົາແລະຕ້ອງຮູ້ວ່າ ເຂົາເຮັດ ຫຍັງຢູ່ແລະເຂົສຮູ້ສຶກຫຍັງຕອນນັ້ນ ເຊິ່ງເປັນອີ່ຫຍັງທີ່ເຂົ້າໃຈຍາກ.
ທ່ານຕ້າ ເອແພັກ ຮູ້ສຶກພໍໃຈທີ່ສຸດຕໍ່ຜົນງານການພາກຮູບເງົາເລື່ອງທຳອິດຂອງຕົນແລະຂໍເຊີນແຟນຄລັບຂອງຕົນໄປເບິ່ງຮູບເງົາເພື່ອສຳຜັດກັບມົນສະເໜ່ຂອງຮູບເງົາຈີນ.ເຊັ່ນດຽວກັນກັບທ່ານຕ້າ ເອແພັກ , ນາງວຽງລາຕີ ກຽດສັດຖາ ຜູ້ດີເດັ່ນຈາກການປະກວດນັກພາກຮູບເງົາທີ່ໄດ້ພາກສຽງເປັນເທື່ອທຳອິດເຊັ່ນກັນ. ນາງບອກວ່າ,ຕົນໄດ້ປະໂຫຍດຫຼາຍຢ່າງຈາກຮູບເງົາສອງເລື່ອງ. ນາງກ່າວວ່າ:
ສຳລັບຂ້າພະເຈົ້າເອງແມ່ນໄດ້ພາກຮູບເງົາທັງສອງເລື່ອງເລີຍ, ຄືເລື່ອງ ໝາປ່າຜະຈົນໄພ ແລະ ເລື່ອງ ມະເຮັງຂອງຂວັນວັນເກີດຄົບຮອບ 29 ປີ, ສຳລັບເລື່ອງໝາປ່າພະຈົນໄພ ແມ່ນຂ້າພະເຈົ້າໄດ້ພາກສຽງເປັນຕົວປະກອບໃນບົດຂອງເດັກນ້ອຍ, ມີບາຢ່າ, ບັນດາໝູ່ຂອງ ບາຢ່າແລະສຽງປະກອບແມ່ຍິງອື່ນທີ່ຢູ່ໃນຮູບເງົາເລື່ອງນີ້, ແລະສຳລັບຮູບເງົາເລື່ອງມະເຮັງ ຂອງ ຂວັນ ວັນເກີດຄົບຮອບ 29 ປີ ແມ່ນຂ້າພະເຈົ້າພາກສຽງເປັນແຟນໃໝ່ກັບ ນາງພະຍາບານ, ຄວາມຮູ້ສຶກຂອງຕົນເອງໃນການພາກສຽງຄັ້ງນີ້ແມ່ນຮູ້ສຶກມີຄວາມປະທັບໃຈຫຼາຍໃນຮູບເງົາທັງສອງເລື່ອງເລີຍ ໂດຍສະເພາະພິເສດແມ່ນ ເລື່ອງໝາປ່າຜະຈົນໄພ ເພາະເຮັດໃຫ້ຂ້າພະເຈົ້າໄດ້ ຮູ້ກ່ຽວກັບວັດທະນາທຳຊົນເຜົ່າຂອງຊາວຈີນເຊິ່ງມີຄວາມລະອຽດອ່ອນ, ການດຳລົງຊີວິດມີ ຄວາມຮັກຄວາມຜູກພັນກັບສັດແລະທຳມະຊາດ, ສຳລັບເລື່ອງມະເຮັງກໍ່ເປັນເລື່ອງທີ່ປະທັບໃຈ ອັນໜື່ງກ່ຽວການຕໍ່ສູ້ກັບພະຍາດໂດຍສະເພາະແມ່ນນາງເອກ ເຊິ່ງຄອບຄົວຂອງຂ້າພະເຈົ້າ ກໍ່ເປັນພະຍາດຮ້າຍນີ້ ແລະ ໄດ້ເສຍຊີວິດໃນວັນເກີດຂອງລາວເຊັ່ນກັນ. ແລະທັງສອງເລື່ອງນີ້ ແມ່ນຮູບເງົາດີເດັ່ນຂອງຈີນເພາະສະນັ້ນ, ຢາກຂໍເຊີນຊວນໝົດທຸກຄົນມາເບິ່ງມາຊົມຮູບເງົາທັງ ສອງເລື່ອງນີ້ ເພາະເປັນເລື່ອງທີ່ມີເນື້ອໃນຄວາມໝາຍດີ ແລະ ເໝາະສຳລັບຜູ້ຊົມທຸກ ເພດທຸກ ໄວບໍ່ວ່າຈະເປັນເດັກນ້ອຍ, ຜູ້ໃຫຍ່, ຜູ້ເຖົ້າ ກໍ່ສາມາດເບິ່ງໄດ້ເຊິ່ງໃຫ້ຂໍ້ຄິດຫຼາຍໆດ້ານຈາກ ຮູບເງົາທັງສອງເລື່ອງເລີຍ ຂໍຂອບໃຈ.
