ທ່ານເທເລີ້ ສີສົມບັດ ຜູ້ຊົມຮູບເງົາບອກນັກຂ່າວວ່າ ຕົນຕື້ນຕັນໃຈຈົນນ້ຳຕາໄຫຼ 3 ເທື່ອໃນເວລາເບິ່ງຮູບເງົາເລື່ອງ "ມະເຮັງ…ຂອງຂວັນວັນຄົບຮອບ 29 ປີ".
ເທເລີ້ ສີສົມບັດ ກ່າວວ່າ:ມື້ນີ້ເທເລີ້ມາເບິ່ງຮູບເງົາ ຮູ້ສຶກປະທັບໃຈຫຼາຍ ບໍ່ຄິດມາກ່ອນເລີຍ ວ່າວົງການຮູບເງົາຈະກ້າວກະໂດດຂະຫນາດນີ້. ສຳລັບຮູບເງົາເທເລີ້ຄິດວ່າເປັນຮູບເງົາທີ່ຊຶ້ງ, ຕະຫຼົກແລະໂຣແມນຕິກທີ່ເຮັດໃຫ້ເທເລີ້ເສຍນ້ຳຕາອອກມາຕັ້ງ 3 ຮອບເລີຍ, ຕອນທຳອິດທີ່ໄຫ້ ແມ່ນຕອນທີ່ນາງເອກບອກລາກັບຄອບຄົວ, ບອກລະຫັດບັດທະນາຄານກັບແມ່, ຕອນທີ 2 ແມ່ນຕອນທີ່ພະເອກເສຍໃຈທີ່ເຫັນນາງເອກກຳລັງຈະຈາກໄປ ແລະ ຕອນທີ 3 ແມ່ນຕອນທີ່ ສາຍວິດີໂອທີ່ນາງເອກອັດໄວ້ເຊີໄພຣ້ໃນມື້ງານສົບຂອງຕົນເອງ.
ຮູບເງົາເລື່ອງນີ້ເປັນຮູບເງົາເລື່ອງທຳອິດທີ່ມີສິນລະປິນລະດັບທ໋ອບຂອງວົງການບັນເທີງລາວຮ່ວມກັນພາກສຽງເປັນພາສາລາວ ແລະ ຖືວ່າອ້າຍເອື້ອຍເຮັດອອກມາໄດ້ດີຫຼາຍ ເທເລີ້ຢາກ ໃຫ້ທຸກຄົນມາເບິ່ງ ແລະ ເຊຍວົງການບັນເທີງລາວ ວ່າການພັດທະນາການແປພາສາລາວ ໄດ້ດີຊໍ່າໃດ ແລ້ວມາເບິ່ງກັນເດີ້.
ການສາຍຮູບເງົາດີເດັ່ນຂອງຈີນທົ່ວປະເທດລາວຄັ້ງນີ້ຈະສາຍຮູບເງົາຈີນພາກສຽງພາສາລາວທັງປະກອບຕົວໜັງສືຈີນລອດພື້ນ. ຫຼັງຈາກມື້ຈັດພິທີສາຍຮູບເງົາຮອບປະຖົມມະເລີກຮອດກາງເດືອນທັນວາເປັນເວລາ1ເດືອນ, ຈະສາຍຮູບເງົາໂດຍບໍ່ເກັບຄ່າປີ້ຢູ່ໂຮງຮູບເງົາແລະບ້ານຕ່າງໆໃນ 8 ແຂວງແລະເມືອງເປັນຕົ້ນນະຄອນຫຼວງວຽງຈັນ,ຫຼວງພະບາງແລະອື່ນໆ ເພື່ອໃຫ້ປະຊາຊົນລາວຮັບຮູ້ວັດທະນະທຳຈີນ,ເຂົ້າໃຈຊີວິດການເປັນຢູ່ຂອງຄົນຈີນແລະຮູ້ປະເທດຈີນໃຫ້ຫຼາຍກວ່າເກົ່າ.
