ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 19 ຕຸລານີ້, ກອງປະຊຸມສື່ມວນຊົນໂລກກ່ຽວກັບການຈັດງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກລະດູໜາວຄົນພິການປັກກິ່ງປີ 2022 ໄດ້ຈັດຂຶ້ນໂດຍຜ່ານທາງວິດີໂອ. ຜູ້ແທນຂອງຄະນະກຳມະການງານກິລາໂອລິມປິກສາກົນ, ຄະນະກຳມະການກິລາໂອລິມປິມຂອງປະເທດແລະເຂດແຄວ້ນຕ່າງໆ, ສະຫະພັນກິລາປະເພດດ່ຽວສາກົນແລະສື່ມວນຊົນທົ່ວໂລກລວມ 400 ທ່ານເຂົ້າຮ່ວມ.
ທ່ານຈ່າງຈ້ຽນຕົ່ງ ຮອງເຈົ້າຄອງນະຄອນປັກກິ່ງ ຮອງປະທານຄະນະປະຕິບັດງານຂອງຄະນະຈັດງານກິລາໂອລິມລະດູໜາວປິກປັກກ່າວວ່າ: ຄະນະຈັດງານກິລາໂອລິມປິກປັກກິ່ງໄດ້ໃຫ້ຄວາມສຳຄັນຢ່າງສູງຕໍ່ວຽກງານສື່ມວນຊົນ, ໄດ້ປະຕິບັດຕາມຄຳໝັ້ນສັນຍາໃນເວລາຮ້ອງຂໍເປັນເຈົ້າພາບຈັດງານຢ່າງເຂັ້ມງວດ, ພະຍາຍາມຕອບສະໜອງຄວາມຕ້ອງການດ້ານການລາຍງານຂ່າວຂອງສື່ມວນຊົນໃນໄລຍະກະກຽມການຈັດງານແລະໃນເວລາຈັດງານ.
ທ່ານນາງ ລູຊີ ມົງທານາເລລາ ຫົວໜ້າກຳມາທິການຂ່າວສານຂອງຄະນະກຳມະການໂອລິມປິກສາກົນ ທັງເປັນຫົວໜ້າການເຄື່ອນໄຫວວຽກງານສື່ມວນຊົນກ່າວວ່າ: ກອງປະຊຸມສື່ມວນຊົນໂລກຄັ້ງນີ້ມີຜົນດີຕໍ່ສຳນັກຂ່າວຕ່າງໆເພື່ອວາງແຜນການລາຍງານຂ່າວກ່ຽວກັບງານກິລາໂອລິມປິກລະດູໜາວໄດ້ດີກວ່າເກົ່າ. ຄະນະກຳມະການໂອລິມປິກສາກົນຈະສະໜັບສະໜູນວຽກງານຫ້າງຫາກະກຽມການຈັດງານຂອງຄະນະຈັດງານກິລາໂອລິມປິກລະດູໜາວປັກກິ່ງ.
ກອງປະຊຸມຄັ້ງນີ້ມີຈຸດປະສົງແນະນຳຄວາມຄືບໜ້າຂອງວຽກງານກະກຽມການຈັດງານກິລາໂອລິມປິກລະດູໜາວປັກກິ່ງໃຫ້ສື່ມວນຊົນໂລກໃຫ້ຮັບຊາບ. ໃນກອງປະຊຸມດັ່ງກ່າວ, ຜູ້ແທນສື່ມວນຊົນທີ່ບໍ່ສາມາດມາເບິ່ງສະຖານທີ່ຕົວຈິງຍ້ອນພະຍາດໂຄວິດ-19 ນັ້ນ ໄດ້ຜ່ານລະບົບຈຳລອງສະໜາມກິລາຕ່າງໆ ຊອກຮູ້ຄວາມຄືບໜ້າແລະການກໍ່ສ້າງຂອງເດີ່ນກິລາຕ່າງໆ ແລະສິ່ງກໍສ້າງທີີ່ຮັບໃຊ້ສື່ມວນຊົນ, ໄດ້ຮັບຟັງການແນະນຳຂອງພາກສ່ວນທີ່ກ່ຽວຂ້ອງຂອງຄະນະຈັດງານກິລາໂອລິມປິກປັກກິ່ງແລະອື່ນໆ.
ຄຳເຫັນ
0