ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, “ກິດຈະກຳຮັບສະໝັກຜູ້ຖ່າຍທຳຮູບເງົາສັ້ນມືອາຊີບລຸ້ນຊາວໜຸ່ມທົ່ວໂລກສຳລັບງານກິລາໂອລິມປິກລະດູໜາວປັກກິ່ງ 2022” ທີ່ຈັດໂດຍຄະນະກຳມະການຈັດງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກຄົນພິການລະດູໜາວປັກກິ່ງ 2022 ໂດຍມີຈຸດປະສົງເຊື້ອເຊີນຊາວໜຸ່ມທົ່ວໂລກ ເຂົ້າຮ່ວມການຖ່າຍທຳຮູບເງົາສັ້ນແບບມືອາຊີບທົ່ວໂລກສຳລັບງານກິລາໂອລິມປິກລະດູໜາວປັກກິ່ງ.
ຜູ້ສະໝັກເຂົ້າຮ່ວມກິດຈະກຳດັ່ງກ່າວຕ້ອງຍື່ນແບບຟອມສະໝັກດ້ວຍຕົນເອງ, ເອກະສານສັນຍາ, ບົດບັນລະຍາຍຮູບເງົາຕາມຄວາມຄິດສ້າງສັນຂອງຕົນ, ລິຂະສິດຜົນງານຂອງຕົນ, ແລະເອກະສານທີ່ຢືນຢັນຖານະຂອງຕົນ. ບົດດຽວກັນສາມາດສະເໜີໄປຮ່ວມຫຼາຍປະເພດ, ແຕ່ວ່າ ແຕ່ລະລາຍການຕ້ອງມີບົດບັນລະຍາຍຄວາມຄິດສ້າງສັນຂອງຕົນເອງ. ຜົນງານທີ່ຜູ້ສະໝັກຍື່ນໃຫ້ນັ້ນບໍ່ຈຳກັດຈຳນວນ, ອາດຈະເປັນຮູບເງົາເລື່ອງສັ້ນ, ເປັນຮູບເງົາແບບສາລະຄະດີສັ້ນກ່ຽວກັບເຫດການຫຼືບຸນຄົນໃດກໍໄດ້, ຖ້າມີເນື້ອໃນສະເພາະກ່ຽວກັບກິລາລະດູໜາວແຮ່ງດີ. ກິດຈະກຳຮັບສະໝັກຄັ້ງນີ້ບໍ່ຕ້ອງເສຍຄ່າໃດໆ, ຖ້າຫາກວ່າທ່ານສົນໃຈຢາກເຂົ້າຮ່ວມ, ກໍປະກອບເອກະສານດັ່ງກ່າວແລ້ວສົ່ງໄປຫາທີ່ຢູ່ໃນອີແມວທາງການຄື: olympicfilm@beijing2022.cn ,ກິດຈະກຳຄັ້ງນີ້ປິດຮັບສະໝັກໃນວັນທີ 21 ທັນວາປີ 2020.
ກ່ຽວກັບຂໍ້ມູນລະອຽດຂອງກິດຈະກຳຄັ້ງນີ້, ເຊີນທ່ານຕິດຕາມທາງເວບໄຊທາງການຂອງຄະນະກຳມະການຈັດງານກິລາໂອລິມປິກລະດູໜາວປັກກິ່ງ ຄື: （https://www.beijing2022.cn/a/20200921/009700.htm）
ຄຳເຫັນ
0