ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມີນານີ້, ທ່ານເຕິ້ງຊີຈຸ່ນ ເອກອັກຄະລັດຖະທູດຈີນປະຈຳອາຊຽນໄດ້ໃຫ້ສຳພາດຕໍ່ສື່ມວນຊົນຕ່າງໆຢູ່ນະຄອນຫຼວງຈາກາຕາຂອງປະເທດອິນໂດເນເຊຍ.
ເມື່ອເວົ້າເຖິງວັນລະນຶກການສ້າງສາຍພົວພັວຄູ່ເຈລະຈາຈີນ-ອາຊຽນຄົບຮອບ 30 ປີ, ທ່ານເຕິ້ງຊີຈຸ່ນກ່າວວ່າ: 30 ປີກ່ອນ, ຈີນ ແລະ ອາຊຽນສ້າງສາຍພົວພັນຄູ່ເຈລະຈາກັນ, ຈາກນັ້ນມາ, ການພົວພັນຈີນ-ອາຊຽນໄດ້ຢືນຢູ່ແຖວໜ້າຂອງການຮ່ວມມືພາກພື້ນ. ເມື່ອຢືນຢູ່ຈຸດເລີ່ມຕົ້ນໃໝ່, ພວກເຮົາຍິນດີສ້າງປະຊາຄົມຮ່ວມຊາຕາກຳຈີນ-ອາຊຽນທີ່ແໜ້ນແຟ້ນກວ່າເກົ່າ, ສ້າງສາຍພົວພັນ 30 ປີຮອບໜ້າໃຫ້ດີເດັ່ນກວ່າເກົ່າ.
ທ່ານເຕິ້ງຊີຈຸ່ນກ່າວຕື່ມວ່າ: ຈີນຈະສະໜັບສະໜູນວຽກງານຕ້ານກັບການແຜ່ລະບາດຂອງພະຍາດໂຄວິດ-19 ຢູ່ອາຊຽນຕື່ມອີກ, ຊ່ວຍອິນໂດເນເຊຍສ້າງສູນຜະລິດວັກຊີນຢູ່ອາຊີຕາເວັນອອກສຽງໃຕ້ ແລະ ລົງເລິກການຮ່ວມມືແບບຕ່າງຝ່າຍຕ່າງມີຜົນປະໂຫຍດກັບອາຊຽນຕື່ມອີກ. ຈະຈັດເອົາການສ້າງສະພາບການພັດທະນາໃໝ່ຂອງຈີນເຊື່ອມຕໍ່ກັບ “ຂອບການຟື້ນຟູຮອບດ້ານຂອງອາຊຽນ”, ພ້ອມທັງຊຸກຍູ້ໃຫ້ “ສັນຍາວ່າດ້ວຍການພົວພັນຄູ່ຮ່ວມເສດຖະກິດຮອບດ້ານ” ຫຼື RECP ມີຜົນສັກສິດ ແລະ ໄດ້ຮັບການຈັດຕັ້ງປະຕິບັດຕົວຈິງໂດຍໄວ, ຂຸດຄົ້ນຄວາມສາມາດບົ່ມຊ້ອນຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຢ່າງເຕັມສ່ວນ. ນອກນີ້, ຈີນຍັງຈະເພີ່ມທະວີການປະສານງານດ້ານຍຸດທະສາດ ແລະ ການແລກປ່ຽນດ້ານວັດທະນະທຳແລະການປະດິດສ້າງໃໝ່ກັບອາຊຽນຕື່ມອີກ.
ຄຳເຫັນ
0