ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 6 ສິງຫານີ້, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວໃນກອງປະຊຸມລັດຖະມົນຕີກະຊວງການຕ່າງປະເທດຂອງເວທີປຶກສາຫາລືພາກພື້ນອາຊຽນຄັ້ງທີ 28 ວ່າ: ບໍ່ແຊກແຊງວຽກງານພາຍໃນຂອງປະເທດອື່ນແມ່ນຫລັກການສຳຄັນຂອງກົດບັດອົງການສະຫະປະຊາຊາດ ແລະ ຫລັກມາດຖານພື້ນຖານຂອງການພົວພັນສາກົນ, ແມ່ນການກະທຳທີ່ສົມຄວນມີໃນເວລາຈັດຕັ້ງປະຕິບັດລັດທິຫລາຍຝ່າຍ, ຍິ່ງເປັນເຄັບລັບຂອງປະເທດພວມພັດທະນາຈຳນວນຫລວງຫລາຍໃນການປົກປັກຮັກສາຄວາມເປັນເອກະລາດດ້ານອະທິປະໄຕ ແລະຜົນປະໂຫຍດທີ່ຊອບທຳ. ປະເທດຕ່າງໆຄວນມີຄວາມສະເໝີພາບເຊິ່ງກັນ ແລະກັນ, ສາມາດເພີ່ມທະວີການແລກປ່ຽນ ແລະເພີ່ມຄວາມເຂົ້າໃຈກັນບົນພື້ນຖານທີ່ເຄົາລົບນັບຖືເຊິ່ງກັນ ແລະກັນ, ແຕ່ບໍ່ຄວນບັງຄັບໃຫ້ປະເທດອື່ນຍອມຮັບຄວາມຄິດເຫັນຂອງຕົນ, ບໍ່ຄວນຖືເອົາປະຊາທິປະໄຕ ແລະສິດທິມະນຸດເປັນຂໍ້ອ້າງເພື່ອແຊກແຊງວຽກງານພາຍໃນຂອງປະເທດອື່ນຕາມລຳພັງ, ຈົນເຖິງຂັ້ນສະແຫວງຫາຜົນປະໂຫຍດສ່ວນຕົວ. ປະເທດສ່ວນໃຫຍ່ໃນອາຊີຕາເວັນອອກກໍມີປະຫວັດສາດຄືກັນທີ່ຖືກປະເທດຈັກກະພັດຮຸກຮານ ແລະຂົ່ມເຫັງ, ແຕ່ໃນຍຸກສະໄໝປັດຈຸບັນ, ຊາຕາກຳຂອງບັນດາປະເທດຄວນກຳຢູ່ໃນມື້ຂອງຕົນ, ອະນາຄົດຂອງພາກພື້ນຄວນສ້າງຂຶ້ນໂດຍປະເທດຕ່າງໆຮ່ວມກັນ.
ຄຳເຫັນ
0