ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແຫຼ່ງຂ່າວຈາກເວັບໄຊກະຊວງການຕ່າງປະເທດຈີນໃຫ້ຮູ້ໃນວັນທີ 20 ກັນຍານີ້ວ່າ:, ທ່ານຈ້າວລີ້ຈ່ຽນ, ໂຄສົກກະຊວງການຕ່າງປະເທດຈີນ ຕອບຄຳຖາມຂອງນັກຂ່າວ ກ່ຽວກັບຜົນການເລືອກຕັ້ງສະພາດູມາແຫ່ງຊາດຣັດເຊຍໃນເບື້ອງຕົ້ນໂດຍກ່າວວ່າ: ການເລືອກຕັ້ງສະພາດູມາແຫ່ງຊາດຣັດເຊຍແມ່ນເຫດການສຳຄັນໃນຊີວິດການເມືອງແຫ່ງຊາດຣັດເຂຍ, ຜົນການເລືອກຕັ້ງໄດ້ສະແດງໃຫ້ເຫັນເຖິງຄວາມມຸ່ງຫວັງຂອງປະຊາຊົນຣັດເຊຍ, ໃນຖານະເປັນຄູ່ປະສານງານຍຸດທະສາດຮອບດ້ານຂອງຣັດເຊຍ, ຈີນຈະເດັດຄືດັ່ງທີ່ເຄີຍໄດ້ປະຕິບັດຜ່ານມາ, ເດັດດ່ຽວສະໜັບສະໜູນປະຊາຊົນຣັດເຊຍເລືອກ ເສັ້ນທາງການພັດທະນາຂອງຕົນຢ່າງເປັນເຈົ້າຕົນເອງ, ເດັດດ່ຽວສະໜັບສະໜູນຣັດເຊຍໄດ້ຮັບຜົນສຳເລັດອັນໃໝ່ພາຍໃຕ້ການນຳພາຂອງທ່ານປະທານາທິບໍດີປູຕິນ, ກ້າວໄປສູ່ການພັດທະນາ ແລະ ຄວາມຈະເລີນຮຸ່ງເຮືອງ.
ຫຼັງຈາກສະພາດູມາແຫ່ງຊາດຊຸດໃໝ່ຂອງຣັດເຊຍໄດ້ຮັບການເລືອກຕັ້ງອອກມາແລ້ວ, ຈີນຍິນດີສືບຕໍ່ເພີ່ມທະວີການຮ່ວມມືລະຫວ່າງອົງການນິຕິບັນຍັດຂອງສອງປະເທດຈີນ-ຣັດເຊຍ, ຊຸກຍູ້ການໄປມາຫາສູ່ແລກປ່ຽນກັນລະຫວ່າງສອງພັກ, ເພີ່ມເນື້ອໃນຂອງການພົວພັນຈີນ-ຣັດເຊຍໃນຍຸກໃໝ່ໃຫ້ອຸດົມສົມບູນກວ່າເກົ່າ.
ຄຳເຫັນ
0