ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ກັນຍານີ້, ຜູ້ຕາງໜ້າຂອງ 60 ກວ່າປະເທດໄດ້ປະກອບຄຳເຫັນຮ່ວມກັນຢູ່ທີ່ກອງປະຊຸມສະພາສິດທິມະນຸດອົງການສະຫະປະຊາຊາດໂດຍສະໜັບສະໜູນຈຸດຢືນຂອງຈີນໃນບັນຫາກ່ຽວກັບຊິ່ນຈ່ຽງ, ຮົງກົງ, ຕິເບດແລະອື່ນໆ, ຄັດຄ້ານການຖືສິດທິມະນຸດເປັນຂໍ້ອ້າງເພື່ອແຊກແຊງວຽກງານພາຍໃນຂອງຈີນ. ຕໍ່ກັບເລື່ອງນີ້, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວຢືນຢັນໃນກອງປະຊຸມຖະແຫຼງຂ່າວປະຈຳວັນທີ 27 ກັນຍານີ້ວ່າ: ເລື່ອງນີ້ສະແດງໃຫ້ເຫັນວ່າ ຊາວໂລກເອງຮູ້ດີວ່າອັນໃດຜິດອັນໃດຖືກ.
ທ່ານນາງຮວ້າຊຸ່ນຢິງກ່າວວ່າ: ບາງປະເທດຕາເວັນຕົກບໍ່ຫົວຊານຳຄວາມເປັນຈິງ, ເສກສັນປັ້ນແຕ່ງຄຳຕົວະຍົວະແລະສ້າງຂ່າວລື ເພື່ອແຊກແຊງວຽກງານພາຍໃນຂອງຈີນ ເຊິ່ງຖືກປະເທດພວມພັດທະນາທັງຫຼາຍຂວ້ຳບາດຮ່ວມກັນ. ບາງປະເທດຕາເວັນຕົກມີເຈດຕະນາຖືເອົາສິດທິມະນຸດເປັນຂໍ້ອ້າງເພື່ອກົດດັນປະເທດອື່ນ, ຢຽບຢ່ຳລະບຽບກົດໝາຍສາກົນ, ເຊິ່ງຖືກຕອບໂຕ້ຢ່າງເດັດຂາດ. ເລື່ອງຈິງໄດ້ພິສູດໃຫ້ເຫັນອີກຄັ້ງໜຶ່ງວ່າ ການຫັນບັນຫາສິດທິມະນຸດເປັນບັນຫາການເມືອງ, ໃຊ້ສອງມາດຕະຖານ, ທຳລາຍສິດທິມະນຸດຂັ້ນພື້ນຖານຂອງປະຊາຊົນປະເທດອື່ນ, ປະຊາຊົນຈີນຈະບໍ່ຍອມຮັບເດັດຂາດ, ທຸກປະເທດແລະປະຊາຊົນທຸກຄົນໃນໂລກນີ້ທີ່ມີຄວາມຍຸດຕິທຳແລະຄວາມເປັນທຳ ຈະບໍ່ຍອມຮັບເລື່ອງນີ້ຢ່າງເດັດຂາດເຊັ່ນດຽວກັນ.
ຄຳເຫັນ
0