ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ຕຸລານີ້, ກະຊວງປ້ອງກັນປະເທດສິງກະໂປປະກາດບົດລາຍງານ ໂດຍກ່າວວ່າ, ການຊ້ອມຮົບເພື່ອຊອກຄົ້ນແລະຊ່ວຍເຫຼືອຊີວິດສອງຝ່າຍສິງກະໂປ-ມາເລເຊຍປະຈຳປີ ທີ່ໄດ້ດຳເນີນມາເປັນເວລາ 3 ວັນໄດ້ສິ້ນສຸດລົງໃນມື້ດຽວກັນ.
ນີ້ແມ່ນກອງທັບອາກາດສອງປະເທດດຳເນີນການຊ້ອມຮົບເພື່ອຊອກຄົ້ນແລະຊ່ວຍເຫຼືອຊີວິດທີ່ມີຊື່ວ່າ “ມາຊິງ” (MALSING) ເປັນເທື່ອທີສາມແລ້ວ. ການຊ້ອມຮົບໄດ້ດຳເນີນການເຄື່ອນໄຫວຊອກຄົ້ນທາງອາກາດແລະການຊ່ວຍປິ່ນປົວຮ່ວມ ໂດຍອີງຕາມອຸປະຕິເຫດທາງອາກາດທີ່ອາດຈະເກີດຂຶ້ນ. ສິງກະໂປໄດ້ສົ່ງຍົນເຮລີກົບເຕ AS332M ລຳໜຶ່ງ, ສ່ວນມາເລເຊຍໄດ້ສົ່ງຍົນເຮລີກົບເຕ EC725 ລຳໜຶ່ງໄປເຂົ້າຮ່ວມການຊ້ອມຮົບ.
ກະຊວງປ້ອງກັນປະເທດສິງກະໂປກ່າວວ່າ, ການຝຶກຊ້ອມປະເພດນີ້ ໄດ້ຊຸກຍູ້ການຮ່ວມມືໃນຂົງເຂດທີ່ກອງທັບອາກາດສອງປະເທດສົນໃຈຮ່ວມກັນ, ແລະໄດ້ຊຸກຍູ້ການແລກປ່ຽນດ້ານວິຊາການ.
ຄຳເຫັນ
0