ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນຫວ່າງມໍ່ໆມານີ້, ລາຄານ້ຳມັນເຊື້ອໄຟ ແລະອາຍແກັສທຳມະຊາດ ໄດ້ຖີບຕົວສູງຂຶ້ນຮອດລະດັບສູງສຸດໃນຮອບຫຼາຍປີມານີ້. ພ້ອມດຽວກັນນັ້ນ, ໃນທະວີບອາຊີ ແລະເອີຣົບ ຕ່າງກໍ່ໄດ້ເກີດມີບັນຫາຂາດແຄນພະລັງງານ ເຊິ່ງໄດ້ເຮັດໃຫ້ລາຄາໄຟຟ້າສ້າງສະຖິຕິສູງສຸດໃນປະຫວັດສາດ.
ວັນທີ 14 ຕຸລານີ້, ອົງການພະລັງງານສາກົນໄດ້ເປີດເຜີຍບົດລາຍງານປະຈຳເດືອນກ່ຽວກັບລາຄານ້ຳມັນເຊື້ອໄຟສະບັບຫຼ້າສຸດ ໂດຍລະບຸວ່າ: ເນື່ອງຈາກວ່າລາຄາຖ່ານຫີນ ແລະອາຍແກັສທຳມະຊາດໄດ້ຖີບຕົວສູງຂຶ້ນຮອດລະບັບສູງສຸດໃນປະຫວັດສາດ, ບວກກັບການຈຳກັດການໃຊ້ໄຟຟ້າແບບປ່ຽນຝຽນກັນໃຊ້, ໄດ້ເຮັດໃຫ້ຂະແໜງການພະລັງງານໄຟຟ້າ ແລະຂະແໜງການທີ່ໃຊ້ພະລັງງານຫຼາຍ ຫັນມານຳໃຊ້ນ້ຳມັນເຊື້ອໄຟ ເພື່ອຮັບປະກັນການສະໜອງພະລັງງານໄຟຟ້າ ແລະເຮັດໃຫ້ທຸລະກິດສາມາດດຳເນີນໄປໄດ້ຢ່າງສະດວກ.
ສ່ວນການຖີບຕົວສູງຂຶ້ນຂອງລາຄາພະລັງງານ ກໍໄດ້ເພີ່ມຄວາມກົດດັນຕໍ່ອັດຕາເງິນເຟີ້, ບວກກັບໄຟດັບ, ອາດຈະເຮັດໃຫ້ການເຄື່ອນໄຫວດ້ານອຸດສາຫະກຳຕົກຕ່ຳ ລົງ ແລະເຮັດໃຫ້ຂະບວນການຟື້ນຟູເສດຖະກິດທົ່ວໂລກຊັກຊ້າ.
ຄຳເຫັນ
0