ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຫ້ອງການຖະແຫຼງຂ່າວຄະນະລັດຖະບານຈີນຈັດຂຶ້ນໃນວັນທີ 26 ຕຸລານີ້, ທ່ານເຕິ້ງຊິງໂປ່ ຮອງຫົວໜ້າອົງການຮ່ວມມືດ້ານການພັດທະນາສາກົນແຫ່ງຊາດຈີນໄດ້ແນະນຳໃຫ້ຮູ້ວ່າ: ຈີນຈະໃຫ້ການຊ່ວຍເຫຼືອສາກົນໃນການຕ້ານກັບການແຜ່ລະບາດຂອງພະຍາດໂຄວິດ-19 ແລະ ການຮ່ວມມືດ້ານການພັດທະນາ.
ທ່ານເຕິ້ງຊິງໂປ່ກ່າວວ່າ: ວັກຊີນຈີນມີຄວາມປອດໄພດີ ແລະ ຖືກນຳໃຊ້ຢ່າງກວ້າງຂວາງ ເຊິ່ງເປັນທີ່ຍອມຮັບຢ່າງກວ້າງຂວາງຈາກປະເທດຕ່າງໆໃນໂລກ. ອົງການອະນາໄມໂລກໄດ້ຈັດເອົາວັກຊີນໂຄວິດ-19 ຂອງບໍລິສັດຊີໂນຟາມ ແລະ ຊີໂນແວກຂອງຈີນເຂົ້າໃນບັນຊີລາຍຊື່ການນຳໃຊ້ພາຍໃຕ້ສະພາບສຸກເສີນ ເຊິ່ງໄດ້ສະແດງໃຫ້ເຫັນວ່າ: ອົງການຈັດຕັ້ງສາກົນທີ່ມີອິດທິພົນກໍຍອມຮັບວັກຊີນໂຄວິດ-19 ຂອງຈີນຈາກແງ່ມຸມດ້ານວິຊາການ.
ທ່ານກ່າວຕື່ມວ່າ: ໃນໄລຍະຕໍ່ໄປ, ອົງການຮ່ວມມືດ້ານການພັດທະນາກັບສາກົນແຫ່ງຊາດຈີນຈະສືບຕໍ່ຈັດຕັ້ງປະຕິບັດຕາມຄຳໝັ້ນສັນຍາອັນສຳຄັນຂອງທ່ານປະທານສີຈິ້ນຜິງ, ຈະພະຍາຍາມສະໜອງວັກຊີນໂຄວິດ-19 ຈຳນວນ 2 ຕື້ຫຼອດໃຫ້ແກ່ທົ່ວໂລກພາຍໃນປີນີ້, ຈະຊ່ວຍເຫຼືອລ້າວັກຊີນໂຄວິດ-19 ອີກ 100 ລ້ານຫຼອດໃຫ້ແກ່ປະເທດພວມພັດທະນາ ແລະ ບໍລິຈາກ 100 ລ້ານໂດລາສະຫະລັດໃຫ້ແກ່ແຜນປະຕິບັດງານວັກຊີນໂຄວິດ-19. ຈີນຍິນດີຮ່ວມກັບປະຊາຄົມໂລກ, ຊຸກຍູ້ຂະບວນການຮ່ວມມືດ້ານວັກຊີນສາກົນ ແລະ ຊຸກຍູ້ການສ້າງປະຊາຄົມຮ່ວມຊາຕາກຳດ້ານສາທາລະນະສຸກຂອງມວນມະນຸດ.
ຄຳເຫັນ
0