ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ຕຸລານີ້ຕາມເວລາທ້ອງຖິ່ນ, ໃນພິທີມອບໃບແຈ້ງການໝົດອາຍຸການຂອງຄະນະລັດຖະບານແອັງເຈີລາ ເມີເຄວ, ທ່ານແຟຣງ ໂວນເຕີ ສະໄຕໄມເອີ ປະທານາທິບໍດີເຢຍລະມັນໄດ້ມອບໃບ້ແຈ້ງການໝົດອາຍຸການໃນຕຳແໜ່ງໃຫ້ແກ່ທ່ານນາງແອັງເຈີລາ ເມີເຄວ, ຖືວ່າທ່ານນາງແອັງເຈີລາ ເມີເຄວໄດ້ໝົດອາຍຸການໃນຕຳແໜ່ງນາຍົກລັດຖະມົນຕີເຢຍລະມັນຢ່າງເປັນທາງການ.
ອີງຕາມລັດຖະທຳມະນູນເຢຍລະມັນ, ໃນຂະນະທີ່ສະພາສະຫະລັດຊຸດໃໝ່ຈະຈັດກອງປະຊຸມຄົບຄະນະ (ຈະບໍ່ໃຫ້ຊ້າກວ່າການຈັດການເລືອກຕັ້ງລັດຖະສະພາສະຫະພັນ 30 ວັນ), ອາຍຸການໃນຕຳແໜ່ງຂອງນາຍົກລັດຖະມົນຕີແລະຄະນະລັດຖະບານຈະສິ້ນສຸດລົງຢ່າງເປັນທາງການ. ກ່ອນໄລຍະທີ່ນາຍົກລັດຖະມົນຕີຜູ້ໃໝ່ຈະເຂົ້າຮັບຕຳແໜ່ງ, ທ່ານນາງແອັງເຈີລາ ເມີເຄວ ຈະສືບຕໍ່ຮັກສາການແທນນາຍົກລັດຖະມົນຕີ.
ລັດຖະສະພາສະຫະພັນຊຸດໃໝ່ຂອງເຢຍລະມັນໄດ້ຈັດກອງປະຊຸມຄັ້ງທຳອິດໃນວັນທີ 26 ຕຸລານີ້. ໂດຍອີງຕາມກົດໝາຍເຢຍລະມັນ, ຄະນະລັດຖະບານຊຸດປັດຈຸບັນຄວນອອກຈາກຕຳແໜ່ງໃນມື້ໄຂກອງປະຊຸມລັດຖະສະພາສະຫະພັນຊຸດໃໝ່ ແລະ ກາຍເປັນຄະນະລັດຖະບານຮັກສາການ.
ຄຳເຫັນ
0