ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ພະຈິກນີ້, ອົງການອະນາໄມໂລກຫຼື WHO ກ່າວວ່າ: ສະພາບທີ່ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຢູ່ພາກພື້ນເອີຣົບເຮັດໃຫ້ຄົນມີຄວາມເປັນຫ່ວງຢ່າງຍິ່ງ, ເມື່ອຮອດຕົ້ນປີ 2022, ຢູ່ພາກພື້ນດັ່ງກ່າວອາດຈະມີຜູ້ເສຍຊີວິດຍ້ອນເປັນພະຍາດໂຄວິດ-19 ເພີ່ມໃໝ່ອີກ 5 ແສນຄົນ.
ຕາມ CNN ລາຍງານໃນວັນທີ 4 ພະຈິກນີ້ວ່າ: ຕາມການຂີດແບ່ງຂອງອົງການອະນາໄມໂລກ ພາກພື້ນເອີຣົບໄດ້ກວມເຖິງ 53 ປະເທດຂ້າມທະວີບເອີຣົບແລະອາຊີກາງ, ຫົວໜ້າ WHO ຂອງພາກພື້ນແຫ່ງນີ້ກ່າວວ່າພາກພື້ນດັ່ງກ່າວໄດ້ກາຍເປັນຈຸດໃຈກາງຂອງການແຜ່ລະບາດຂອງພະຍາດໂຄວິດ-19 ອີກເທື່ອໜຶ່ງ, ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຕໍ່ມື້ໄດ້ໃກ້ກັບລະດັບຕົວເລກສູງສຸດໃນປະຫວັດສາດ. ເຈົ້າໜ້າທີ່ທ່ານນີ້ແຈ້ງໃຫ້ຮູ້ວ່າ: ໃນອາທິດຜ່ານມາ, ພາກພື້ນເອີຣົບແລະອາຊີກາງຂອງອົງການອະນາໄມໂລກໄດ້ລາຍງານມີຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ຈຳນວນປະມານ 1,8 ລ້ານກໍລະນີແລະຜູ້ເສຍຊີວິດຍ້ອນເປັນພະຍາດເພີ່ມໃໝ່ຈຳນວນ 24 ພັນຄົນ,ເພີ່ມຂຶ້ນ 6% ເມື່ອທຽບໃສ່ອາທິດຜ່ານມາ, ໃນນັ້ນຈຳນວນຜູ້ເສຍຊີວິດໄດ້ເພີ່ມຂຶ້ນ 12%. ຖ້າສະພາບການເປັນໄປຄືເກົ່າ, ຕາມການຄາດຄະເນທີ່ໜ້າເຊື່ອສະແດງໃຫ້ເຫັນວ່າ: ເມື່ອຮອດເດືອນກຸມພາປີ 2022, ພາກພື້ນດັ່ງກ່າວອາດຈະຍັງມີຜູ້ເສຍຊີວິດຍ້ອນເປັນພະຍາດໂຄວິດ-19 ຈຳນວນ 5 ແສນຄົນອີກ.
ຄຳເຫັນ
0