ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວລາຍງານວ່າ, ວັນທີ 8 ພະຈິກນີ້, ທ່ານ ຮານສ໌ ຄລູກ ຫົວໜ້າອົງການ WHO ປະຈຳເອີຣົບໄດ້ເຕືອນໃຫ້ອາເມຣິກາ ຄວນເອົາໃຈໃສ່ຕິດຕາມເອີຣົບ, ເຊິ່ງເປັນສູນກາງການແຜ່ລະບາດຂອງພະຍາດໂຄວິດ-19 ຂອງໂລກໃນປັດຈຸບັນ, ແລະຄວນຖອດຖອນບົດຮຽນຈາກຄວາມຜິດພາດຂອງເຂົາເຈົ້າ.
ໃນຖະແຫຼງການສະບັບໜຶ່ງ, ທ່ານ ຄລູກ ກ່າວວ່າ, ການສັກວັກຊີນໄດ້ພົບບັນຫາ, ມາດຕະການດ້ານສາທາລະນະສຸກແລະການປ້ອງກັນພະຍາດຂອງສັງຄົມໄດ້ໂຍະຍານລົງ, “ທັງໝົດເຫຼົ່ານີ້ ໄດ້ພາໃຫ້ເກີດມີການແຜ່ລະບາດຮອບທີ 4 ຢູ່ເອີຣົບທີ່ພວກເຮົາເຫັນໃນປັດຈຸບັນນີ້.”
ຕາມຕົວເລກຂອງອົງການ WHO, ປະຊາກອນເອີຣົບ 47% ໄດ້ສັກວັກຊີນຄົບສອງເຂັມແລ້ວ, ຢູ່ເອີຣົບ, ມີແຕ່ 8 ປະເທດທີ່ມີອັດຕາການສັກວັກຊີນຫຼາຍກວ່າ 70%, ຍັງມີສອງປະເທດມີອັດຕາການສັກວັກຊີນບໍ່ຮອດ 10%.
ອາທິດແລ້ວນີ້, ອົງການ WHO ກ່າວວ່າ, ເມື່ອຮອດເດືອນກຸມພາປີ 2022, ເອີຣົບອາດຈະຍັງມີ 5 ແສນຄົນເສຍຊີວິດຍ້ອນພະຍາດໂຄວິດ-19.
ຄຳເຫັນ
0