ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວຕາມປົກກະຕິໃນວັນທີ 12 ພະຈິກນີ້, ມີນັກຂ່າວຖາມວ່າ: ຄັງປັນຍານັກເສດຖະສາດໄດ້ເຜີຍແຜ່ບົດລາຍງານໃນວັນທີ 10 ພະຈິນີ້ວ່າ: ນັບມາຮອດທ້າຍເດືອນຕຸລາຜ່ານມານີ້, ທົ່ວໂລກໄດ້ສັກວັກຊີນໂຄວິດ-19 ຫຼາຍກວ່າ 7 ຕື້ຫຼອດ, ຍ້ອນຮັບການຊ່ວຍເຫຼືອດ້ານວັກຊີນຈາກປະເທດຈີນ, ອັດຕາການສັກວັກຊີນຂອງຈີເລມີເຖິງ 79%, ກຳປູເຈຍມີເຖິງ 77% ເຊິ່ງຫຼາຍກວ່າປະເທດທີ່ພັດທະນາແລ້ວ ເຊັ່ນອາເມຣິກາ ແລະປະເທດເອີຣົບເປັນຕົ້ນ. ຈີນມີຄວາມເຫັນແນວໃດຕໍ່ກັບເລື່ອງນີ້?
ທ່ານວ່າງເວີນປິ່ນກ່າວວ່າ: ຈີນພະຍາດຍາມແກ້ໄຂຄວາມຫຍຸ້ງຍາກຂອງຕົນທີ່ມີປະຊາກອນຫຼາຍແລະການສະໜອງວັກຊີນມີຄວາມເຄັ່ງຕຶງ, ປັດຈຸບັນໄດ້ຊ່ວຍເຫຼືອວັກຊີນຫຼາຍກວ່າ 1,7 ຕື້ຫຼອດໃຫ້ແກ່ 110 ກວ່າປະເທດແລະອົງການຈັດຕັ້ງສາກົນ, ປີ 2021, ຈະພະຍາຍາມຊ່ວຍເຫຼືອວັກຊີນ 2 ຕື້ຫຼອດໃຫ້ກັບປະເທດອື່ນ. ປັດຈຸບັນ, ຈີນແມ່ນປະເທດທີ່ໄດ້ຊ່ວຍເຫຼືອວັກຊີນຫຼາຍທີ່ສຸດໃຫ້ແກ່ຕ່າງປະເທດໃນໂລກ, ວັກຊີນທີ່ປະເທດພວມພັດທະນາໄດ້ຮັບນັບມາຮອດປັດຈຸບັນນັ້ນສ່ວນ ຫຼາຍມາຈາກປະເທດຈີນ. ຕໍ່ໄປພາຍໜ້າ, ຈີນຈະສືບຕໍ່ປະຕິບັດຕາມແນວຄວາມຄິດປະຊາຄົມຮ່ວມສາທາລະນະສຸກແລະສຸຂະພາບມວນມະນຸດ, ຊ່ວຍເຫຼືອວັກຊີນຫຼາຍກວ່າເກົ່າໃຫ້ກັບປະເທດພວມພັດທະນາດ້ວຍຫຼາຍວິທີ ເຊິ່ງລວມທັງການຊ່ວຍເຫຼືອລ້າ ເພື່ອປະກອບສ່ວນຂອງຈີນເຂົ້າໃນການບັນລຸການເຂົ້າເຖິງວັກຊີນຢ່າງຍຸຕິທຳ ແລະເອົາຊະນະພະຍາດໂຄວິດ-19 ຢ່າງເຖິງຖອງໂດຍໄວ.
ຄຳເຫັນ
0